السلام عليكم ورحمة الله وبركاته
ازيك يا ماما نجيه ايه اخبارك ، وحشتيني جدا والحمد لله اخيرا بقيت معاكم هنا ، وان شاء الله اكون عضوة نشيطة ،
بصي يا ماما انا عندي 5 احلام محيريني جدا ومش فهماهم .
الحلم الاول : اول يوم رمضان مابين العصر للمغرب
حلمت ان انا قاعدة مع واحدة صحبتي ومامتها وباباها وبابايا ومامتي في شقة حلوة اوي واسعة والصالة كبيرة مستطيلة والصالة لونها ابيض وستايرها ذهبي ، المهم ماما صحبتي دي قالتلي بصي انا كنت عايزة اخدك لابني الصغير او لاخويا ، لكن قلت لا ميستهلكيش الا ابني الكبير وبتشاورلي على شاب في الناحية التانية ادامي ، قالتلي بس اعرفي انه ادامنا 29 يوم بس نخلص فيهم كل الاجراءات عشان هو مسافر ولازم نخلص قبل السفر اجراءات الجواز كلها انا سكت ومردتش بس من جوايا كنت مبسوطة ، وببص لقيت الشاب بيبصلي وبيبتسم ابتسامة هادية جدا .
صحبتي دي اسمها فاطمة ودي مامتها وهي معندهاش اخوات ولا اخوال ولا اعمام حتى ممكن اتجوزهم ، بس في اليوم ده عرفت بعد كده باباها كان تعبان في المستشفى . طمنيني وقوليلي دا ايه .
الحلم الثاني: في رمضان بس مش فاكرة امتى
حلمت ان انا واقفة في مكان واسع في تلات حمامات سباحة واحد يمين والثاني في النص والثالث في الشمال ، اللي في الشمال واسع اوووووي وكبيررررررررررر اوي وحلو اووووووووووووي بس كان لسه بيتملي بالمياه ، فقلت لما الحمام ده يتملي هنزل في الحتة الاولانية خالص لانها الامن والارض فيها مناسبة لطولي اما بقي الحمام لا مش مناسب ليا.
علما باني انسة 32 سنة ، قلقانة من قلة الجواز ومقدمة في شغل مستنية منه خبر ، يارب يكون خير ، اه وكمان انا بسمع الرقية الشرعية كل فترة واعاني من سحر حسد شديد ، ولكن السحر الحمد لله في طريقة للانتهاء . قوليلي الله يخليكي دا ايه .
