السلام عليكم ورحمة الله وبركاته
بصي يا ماما اكملك الاحلام الغريبة بتاعتي ويارب الاقي عندك تفسير يريحني ، عندي تلات احلام وهما كلاتي :
rkred]18]الحلم الاول : <p>
حلمت ان انا زي ما اكون حارسة في مكان شرطية حاجة زي كده ، يعني معايا سلطة وواقفة في مكان عام زي محاضرة او ندوة او مسرح وفي ستات كتير قاعدين في المكان ده ، وانا واقفة بشرف عليهم وكل ما اتنين يتكلموا اجيب لوحة واعلقها ادامهم زي انذار او علامة ، المهم عملت كد\ه كتير كل ما الاقي ستات بتتكلم مع بعضها ومش بيسمعوا اديهو لوحة او الانذار ده ، لغاية ما جه راجل غريب وبيقولي خلي بالك الناس بتمشي من كتر ما انتي بتعلمي عليهم او بتديهم انذارات . ببص لقيت في ناس فهلا بدات تقوم من مكانها وتمشي وانا مهمنيش ثابتة على موقفي ، بس الغريب ان اللي بتقوم من مكانها الاقي مكانها دبوس مغروس في المقعدة اه دبوس ابرة طويل لونه ابيض وراسه فيها زي الماظة او ماسة بتلمع وانا بقول ازاي كانوا قاعدين كده [/size]. الحلم الثاني:
بصي يا ماما حلمت ان كنت خارج البيت ورجعت البيت مع بابا وماما واول ما فتحت بابا الشقة لقيت الشقة ظلمة والبلكونة مفتوحة قلت لبابا انت اللي فتحتها قالي اه ، زعلت وقلتله ليه حرام عليك مش ممكن يكون في فار ولا حشرة استخبت ودخلت واحنا مش موجودين ، المهم جريت افتح النور في الشقة كلها ، المهم لقيت في المطبخ فار كبير في حجم القطة كده ، اول ما شافني قعد يصرخ رحت قافلة الباب المطبخ عليه ، بس الفار من ورا الباب مش عايز يسيب الباب عمال يشد وانا اشد وانا ماسكة الباب مش فاكرة كنت بقول يا اما ادعية او بقرا قران ، لغاية ما استجمعت شجاعتي وفتحت الباب ورحت مادة رجلي عايزة اشوط الفار بعيد عشان اعرف اقفل الباب ، راح الفار مسك في رجلي بس معضنيش ، رحت فضلت اضربه برجلي واشوطه لغاية ما شطته وديته اخر المطبخ بعيد عني ، ورحت قافلة الباب بسرعة .
الله يخليكي قوليلي دا ايه يا ماما .
الحلم الثالث:
حلمت ان احنا رايحين حفلة ،والحفلة دي المفروض انها كتب كتاب اختي الاصغر مني ، المهم بعد ما رحنا فؤجئت بماما بتقول لا العروسة هي انا مش منى ، وانا مستغربة ومذهولة جدا ، وبعدين فعلا كتبنا الكتاب وروحت بيتنا مع اهلي ومعايا جوزي وكان شاب اسمر سمار هادي وشعره اسود ناعم جدا وكان فرحان بيا جدا جدا ، وعمال يضمني ويحوط عليا من فرحته ، وانا مستغربه جدا جدا . ( الشاب ده يشبه عريس اتقدملي من كام سنة ومحصلش نصيب وهو الان متزوج ) مع العلم مكنتش بفكر فيه خالص خالص .
انا انسة 32 سنة قلقانة من تاخر الزواج ، ومقدمة في شغل مهم مستنية منهم خبر وقلقانة هتجنن على الشغل ده ، انا اسمى مروى الحالة الدينية متوسطة وبستخدم احيانا الرقية الشرعية .
يارب يا ماما تطمنيني بسرعة .
