السلام عليكم ورحمة الله وبركاته
ازيك يا ما ما نجية ايه اخبارك ، يارب تكوني بخير وربنا يديكي الصحة ، ماما معلش انا شفت حاجة قلقاني اووووي
شفت حاجتين اغرب من بعض ، الحلم الاول :
حلمت ان انا نايمة وقمت من النوم في الحلم على صوت ناس بتحاول تدخل بيتنا وبابا بيزعق فيهم ولما قمت وببص فهمت من الحوار انه عريس جايلي ، بس بابا قعد يزعق فيهم جامد وكلنا في الحلم انا وبابا واخواتي وماما كنا قلقانين ، الناس دول كانوا 3 رجالة و4ستات ، انا استغربت جدا المهم العريس كان شاب ابيض اللون طويل عنده شنب ، بس شعره ابيض ، شعره مديله سن كبير عن سنه ، والناس مهما زعقنا فيهم قاعدين ومتمسكين بينا مش عايزين يمشوا ، المهم حد منهم حاول ان يلعب في مفاتيح الكهرباء بتاعت البيت ، انا زعقت فيهم جامد وبقيت زي المجنونة وندهت على اختي اللي بعدي وقتلها بالنص هاتي الساطور من عندك من جوه من المطبخ ، ووقفت عند مكتن الكهربا عشان محدش منهم يفكر يجي عنده تاني ، اختي جابتلي الساطور وهي ماسكة سكينة حامية لونها فضي وواقفة ناحية غرف النوم ، المهم واحدة من الستات اللي معاهم عملت حاجة مش فكراها بس اللي فكراه اني مسكتها وضربتها حته علقة ، كنت بضرب فيها بهبل ، لغاية ما اختي قالتلي كفاية هتموت منك سبيها بقى ، الست دي محجبة لابسة طرحة الوان كتير ولكن اغرب حاجة فيها او اكتر حاجة مميزة حاطة اي شادو اخضر تقيل فوق عينيها ، المهم وانا بضربها كانت نايمة على وشها كانها ساجدة قمت جبتها من راسها وقلتلها هبهدلك واقطعلك هدومك لو ملقلتليش الحقيقة ، قالتلي باختصار ان العريس دا عربي مش مصري من احدى دول الخليج ، وانه شافني ومتمسك بيا جدا جدا ، وهي كانها الواسطة ، خرجت من الاوضه وسبتها رحت انده ماما لقيت ماما قافلة باب اوضتها وسمعتها من ورا الباب بتقول لواحدة في التليفون ازاي يجوا كده من غير ميعاد وكمان مستعجل وعايز يخطب في 8 ايام بس ازاي .
الناس دس مشيت من عندنا بس مصرين انهم هيجوا تاني يكملوا الموضوع ، واخت العريس وهي ماشية خدتني في ايديها وودتني القصر بتاعهم ، ودخلتني المطبخ وانا كنت مضايقة جدا قلتلي بلهجة اهل الخليج انتي ليه زعلانة وقلقانة قلتلها من معاملتكم واللي بنسمعه عنكم ، قالتلي انتي خايفة تندمي بعد كده قلتلها اه ، قالتلي بصي حواليكي دا منظر ناس طمعانة فيكي او عيزاكي عشان تبهدلك ، وبعدين لقيت رخام المطبخ لونه ابيض بس عايز يتمسح رحت جبت حتة قماش ومسحتهم لغاية مبقوا يلمعوا ، اخت العريس قعدت تضحك واتبسطت جدا
خدتني من ايدي وورتني القصر بتاعم من برا ، القصر بتاعهم يشبه قصر البارون اللي في مصر الجديدة ، القصر عبارة عن تلات اضلاع مربع ناقص ضلع ، القصر تلات ادوار ، ولونه من بره اصفر رملي فات لون الرمل بس فاتح ، قعدت معايا في البلكونة بتاعت القصر اللي في الدور الثاني وبنشرب الشاي وبناكل حلو ، فانا بقولها هو احنا كنا في الجزء ده من القصر قالتلي اه وبتشاور على الجزء اللي قصادنا وقالتلي انتي هتتجوزوا هنا في الجزء ده من القصر وبتشاورلي على الجزء اللي في النص ، ببص عليه لقيته مقفول فبقولها دا مقفول قالتلي عارفة دا بتاع جدي ومن ساعة مامات ومحدش قعد فيه ، واخويا لما هيتجوزك هتقعدوا هنا ، فلقيت في بلكونة الجزء ده اتنين انتريه واحد لونه اخضر سادة ، وانتريه تاني لونه اخضر برضه بس فيه نقوش ذهبي ، والطقمين متغطيين بقطع قماش عشان تحميهم من التراب ، فاخت العريس بتقولي متقلقيش من التراب كل ده هيتغير وهيتشال التراب وهنوضب كل شئ قبل الجواز ، رغم ان المدة اللي فاضلة قليلة ، ساعتها يا ماما سمعت صوت بيقول وكدا ربنا يبقى نصرك وخلاكي احسن من الكل زي ما وعدك وقمت من النوم على كده .
الحلم ده قبل صلاة الظهر مباشرة ، يوم الخميس اللي فات اول امبارح .
الحلم الثاني :
حلمت ان انا واقفة ادام المرايا وعماله اسرح في حواجبي واغير فيهم كل شوية ومش عجبني مهما عملت فيهم .
انا انسة 32 سنة ،قلقانة من تاخر الزواج وجدتي مريضة بالمستشفى ، ومقدمة في شغل ومجاليش منهم رد ، حالتي الدينية متوسطة ، وحالتي النفسية نص نص ، ياريت يا ماما تقوليلي ايه الاحلام الغريبة دي
