ماما انا دخلت انام شوية بعد الظهر كده وشوفت خير يااااااااااااااااااارب انى فى نادى الشركة اللى بابا بيشتغل فيها واللى بسيونى كمان بيشتغل فيها وهو عبارة اصلا عن فيلا مقفوله كده يعنى مش نادى اوى فى الحقيقة هوه تجمع صغير كده للموظفين المهم كنت قاعدة فيه فلقيت واحد معرفة هوه من سنى بس هوه مش مريح ومش بطيقه لانه غيار شوية وحسودى اصلا المهم لقيته داخل النادى وراح قاعد بتقله على رجلى وانا قاعدة اقوله قوووووووووووم انت هتفطسنى وهوه برده قاعد بتقله المهم فين وفين لما قام ولما جه قام كانت الجيبة ساعتها اترفعت ورجلى بانت يعنى سيقانى لا مواخذة كانت باينة فى اللحظة دى دخل بسيونى فجأأأأأأأأأأأأأأأأأأأأأأأأأأأأه كده وكان معاه ناس كده المهم شاف رجلى وهى مش متغطية فانا غطتها بس للاسف كان شاف سيقانى كلها مش متغطية لا مواخذة وبعد كده قعدت معاه ولاقيت كرافته حمراء حرير فى رقبته روحت واخداها منه هى ونظارة شمس معاه وحزام كان لابسه وهوه مش منعنى وابتسم كده ومحاولش ياخد الحاجات دى منى واحتفظت بيها معايا وكانت ريحتها برفان حلو المهم سبت النادى وخرجت ورجعت لقيته واقف بيستحمى كده وبيغتسل فى الحمام جااااااااامد وكان معايا ليفة فقالى ممكن تديهالى قلتله بهزار كده وانا مبتسمة لا لذلك كان بيبصلى على انى بنت شقية شوية ويبتسم كده لانى كنت باخد حاجته منه وهوه كان بيبتسم ومكانش بيقولى اجيبها تانى المهم خرج من الحمام ولقيته دخل على اوضتى فى بيتنا وقعد على السرير فلبسته فانلة بيضاء مزركشه كده بلون تركواز وكانت لسه مش مظبوطة عليه اوى فظبطهاله ونزلتها على ظهرة كده من وره فقال لامى انا بردان فراحت مزعقالى وقالتلى بت يا ايناس هاتى الشال بتاعى بسرعة فروحت فتحت دولابى لقيت الشال بتاعى وبتاع ماما روحت واخدة الشال بتاعى انا وكان لونه موف وفرو وروحت حطاه على كتفه وماما ظبططهوله لانه كان صغير عليه شوية لان جسمه عريض بس ماما ظبطته عليه وانا روحت قاعدة جنبه على السرير وقعدت اكلمه وبعد كده زى ما يكون اتحول لدكتورة عندنا اسمها رانيا شوقى هى طيبة وقيمة كده وبعدها لقيت اختى جوه الحلم بتصحينى وبتقولى قومى يا ايناس الساعة بقت 2 وعشرة وده كان جوه الحلم ........بعدها يا ماما صحيت فعلا وقعدت فى السرير كده شوية وكنت بين الصحيان والنوم وشفت منام تانى عامل زى الافلام العربى بالظبططططططططططططط قال انا شادية (من غير ضحك والنبى يا ماما ) وقدامى زى دكتور وزى ما يكون انا بجبر بخاطره عشان متضايق او مسافر وبقوله بدلع كده خلاص انا هقلع دبلة الجدع ده (على بسيونى )وقلعتها فعلا وخدت منه دبلة وكانت دبلة الماظ وكان زى ما يكون الحلم مشهد من فيلم عربى قديم يا ماما انا مش عارفة ايه حكاية التضارب ده فى الاحلام انا هتجنننننننننننننن مع ان الحلم الاولانى ممكن حاسه انه يطلع خير....على فكرة انا حاسة كمان فى الحقيقة انى مخنووووووووووووووقة حتى من التفكير فى ازاى اسعى فى موضوع بسيونى ده وعملى ضيق لانى خايفة يطلع زى موضوعى الاولانى وأتأذى نفسيا ومش عارفة ليه حاسه انه عام زى الدبلة الخنيقة لانى مش عارفه اوله من اخره فعلا وتضارب الاحلام ده ما بين جاى ولا لا بيزود حيرتى جداااااااااااااااااااا بس انا حاسة ان الحلم الاولانى له معانى والتانى مش عارفة ايه نظامه بفكر ارمى التفكير فى الموضوع ده لعل وعسى ربنا ييسر فيه من حيث لا ادرى ولا اعلم ولا احتسب ودى الدعوة اللى بدعيها حاليا ان ربنا يرزقنى فى الموضوع ده من حيث لا ادرى ولا احتسب ....اسفة على الاطالة بس لو مكنتش افضفض مع ماما نجية مش هفضفض مع حد وكنت حاسه انى هتخنق ربنا يخليكى ريحينى بكلامك اللى زى السكر على القلب الله يكرمك ويخليلك الدكتورة سارة وتفرحى بيها يااااااااااارب
