الحلم رقم 2
السلام عليكم يا ماما
زمان انا كنت مرتبطه بواحد وانا عشان وزنى تقيل فماكنتش بلتزم باى رجيم فدعيت ربنا انه يبعده عنى عشان اخس كنوع من التحفيز ودعيت ربنا انه ما يرجعش الا لما اوصل لوزن معين هو 55 طبعا انا لحد النهارده ما وصلتش للوزن دا خالص
بس الولد دا كان مهنته بتفرض عليه انه يسيبنى وهو بيكلمنى وساعات كتير كنت بستناه وما يجيش
المهم طبعا عدت 6 سنين على الكلام دا وانا نسيت الانسان دا خالص ومش بيجى على بالى نهائى لانى حاطه فى بالى انه متزوج بس انا مش متاكده لان 6 سنين زمن برضو
امبارح بقى حلمت انه رجع يكلمنى تانى هو كان بيكلمنى على النت فى الحلم و كنا فى الحقيقه بتكلم نت برضو وانا كنت بقى مشوار ورجعت دخلت الحمام وشفت نفسى فى الحمام بقضى حاجتى وبعدين غسلت رجلى وكنت ماشيه فى حياتى يعنى هو مش من اولوياتى فى الحلم زى ما كان فى الحقيقه كنت بوقف كل حاجه عشان اكلمه حتى ولو كنت هفطر وانا صايمه وكنت بنسى اروح اكلمه او بنسى انه مستنى اصلا ولما افتح الاقيه مستنينى من مده زى ماكان بيعمل معايا فى الحقيقه بالظبط وكان فى طريقة كلامه لهفه وشوق وصبر لانه مستنى وعنده استعداد يستنانى وسالته هو متجوز ولا لاء وقالى انه اتجوز بس فى الحلم ماكانتش دى اول مره يكلمنى فيها يعنى كان كلمنى اكتر من مره
انا انسه وعمرى 33 سنه وهو كان اسمه وليد
انا مش مخطوبه ولا مرتبطه مع العلم انى مفيش اى طريق اوصل بيه للانسان دا تانى غير حسابه على النت زى ما دعيت ربنا بالظبط
