الحلم رقم 3
السلام عليكم يا ماما انا عندى حلمين دا بعد اذن الاداره
اول حلم
انا كنت مرتبطه بواحد وهو كان اعلى منى شويه ماديا واجتماعيا وانا طلبت من ربنا لو هو خير ليا ربنا يبعتهولى فى الوقت المناسب لانى مريت بظروف صعبه نفسيا وهو كمان بس انا شفت اكتر من رؤيا وحضرتك فسرتيهم لي انه من نصيبي بس انا برضه سايبه الموضوع لله يعني مش معلقه عليه آمال ,, المهم بقى انا حلمت انى شعرى لونه اسود ومفرود وبيلمع جدا كأن فيه زيت بس هو مكنش فيه زيوت او دهون وكان اسود خالص وانا اصلا فى الطبيعى شعرى لونه كستنائى حلمت بقى انى فى اوضتى ومعايا الشخص اللى كنت مرتبطه بيه وكنت بشعرى مش حاطه حجاب وكان شعرى بالوصف اللى وصفته لحضرتك فى الاول وكان بيقولى ان لولا التغيير الاجتماعى او يعنى القانون الاجتماعى اللى اتغير مكنش زمانى خطبتك او اتجوزتك هو يعنى معناه انه مكنش هيكون ارتبط بيا بس كان متضايق يعنى وهو بيقولها كانه عمل دا غصب او انه اتنازل كتير ونزل لمستوايا يعنى مع انى فى الحقيقه مستوايا ماديا كويس ومرتاحه وعندى عربيه بفضل الله
تانى حلم بقى حلمت ان فى واحده ست زى بتوع الارياف كدا وكل ما ابص لها الاقى وشها يتغير لشكل تانى وعرفت بقى انها مخاويه او انها من الجن بس وشها مكنش بيتغير لاشكال مفزعه هو كان بيتغير كله بس ومش فاكره باقى تفاصيل الحلم
انا انسه وعمرى 32 سنه ومش مرتبطه ولا مخطوبه
