السلام عليكم ماما نجيه
انا حلمت خيرا انى زى ما أكون كنت مسافره ورجعت ولاقيت اختى زى مايكون خطوبتهاوهى كانت فرحانه وكانت كأنها جايبه لى عريس انا كمان قريب خطيبها او كدا يعنى وبعدين لاقينا ناس فى الشقه زى مايكون عريس اختى او عريسى انا مش عارفه بس كان فى طفل صغير كدا لابس بدله سوداء انا شلته وحطته على تربيزه فى الصاله وفضلتالاعبه واتكلم معاه هو كان قريب العريس دا وبعدين انا لاقيت العريس وكان تقريبا لابس برده بدله سوداء وواقف جانبنا انا والولد دا انا تخيلت انه هيبوسنى وقلت لو عمل كدا هضربه بالقلم وتخيلت دا وبعدين لاقيت هيصه بصيت من الباك لاقيت الناس جايبه عفش اخى الصغير كأنه هيتزوج هو كمان ونزلت اجيب العفش معاهم وجبت سجاده بلاستيك زرقاء فى بيضاء وطلعت بيها اختى زعقتلى وقالت لى انتى نازل انتى ليه قلتلها هما اقصد نسايب اخى مشيلين العيال الصغار العفش وهيتبهدل وكمان اهو ابقى بحافظ على حاجات اخى وكنت لابسه طرحه وربطاها بطريقه وحشه ماكنتش عجبانى فكتها وقلت هظبط نفسي عشان الناس يعنى مايشفنيش وحشه وبعدين فكيت الكحكه بتاعت شعرى ولاقيت شعرى اتفك وكان طووويل اووى وجميل وناعم جدا بس ملولو من لفه الطرحه بس مش منعكش ولاوحش وكنت هسرحه يعنى بس كان جميل اووى وبصيت من الشباك لاقيت نسايب اخى الكبير هم اللى بيهيصوفى الشارع وكأن العفش بقى بتاع اخى الكبير يعنى وكانوا عاملين شو وكدا بس كلنا كنا فرحنين فى الحلم داوخلص الحلم على كدا
اختى الكبيره ارمله وعندها اولاد ملتزمه ومتدينه الحمد لله
اخى الصغير غير متزوج حالته الدينيه نص نص يعنى مش محاظ على الصلاه اووى
اخى الكبير متزوج وعنده اولاد هو طيب اووى بس مش بيصلى وهو ناوى ينقل شقه تانيه وبيجهزها بالفعل
انا الحمد لله ملتزمه ومطلقه والحلم دا كنت مصليه قبله استخاره عن العريس المتقدم لى وانا دايمااصليها قبل النوم
معلش انا طولت على حضرتك يارب يجازيكى خير يااارب
