تفسير احلام يوم الجمعة الموافق 1\13 ان شاء الله

السلام عليكم
حلمت اني انا وماما طالعين عمره واننا خلاص بنجهز الشنط ونحضر الحاجات بتاعتنا والبسبورات موجوده والرحله يوم الاحد والمفروض اننا اتاخرنا علي ميعاد الرحله وانا قولت لماما ان الطياره مستنيانا ومش هتروح من غيرنا وكنت لابسه بنطلون جينز وقميص ابيص وبقول لماما البس جيبه اروح بيها قالتلي لاء كده حلو وكان في بنت واقفه جنبي متغاظه من القميص الابيض بتاعي
في حلم تاني ان في محل بيبع حاجات جهاز العرايس وكان المحل مقفول وفي ناس كتيره مستنيه يفتح وهو كمان بيبع حلويات مع حاجات الجهاز فانا اول واحده دخلت لما الباب اتفتح وكان في واحده زميلتي في الشغل دخلت ورايا و انا نطيت فوق مكتب صاحب المحل وعطيتلهه 40 وقولتله عايزه نصين هريسه فقالي دول ب 20 بس ورجعلي 20 واخدتهم ودخلت اتفرج في باقي المحل وكنت بقول انا جايبه حاجات احلي من اللي هنا وبعدها شوفت نفسي مع ماما ومعايا شنطه هدايا وحاجه شرياها من المحل بس مش فاكره هي ايه وكنا بنتكلم علي حاجات جهازي
انا انسه الحاله الدينيه متوسطه ومواضيع جوازي واقفه مفيش فيها اي جديد محدش بيتقدم من فتره طويله ووالدتي كانت مريضه وتم شفاها بس لازالت بتابع مع الدكاتره  زميلتي انسه برضوا وحالها من حالي

حلمت ان ياماما اللهم اجعله خير ان انا بفتح التلاجه بس مش عارفه التلاجه ديه عند مين وببص لقيت فيها فاكها بس صغيرين رحت اخدت تفاحه اكلتها وكان فيه واحده واقفه بتبص للى فى التلاجه رحت انا خبيت الفاكهه علشان كانوا حبه صغيرين وخلص الحلم على كده 
انا متزوجه وحامل

ماما انا حلمت ان فيه والدي كانه جوزي بس زعلني في حاجه في الحلم مش فاكراها بس اللي فاكراه اني دخلت الحمام وبصيت في المرايا كاني هاخد شاور لاقيت جسمي وارم جداااا وايدي ورجلي وفيه في الجنب زي حبوب وبثور برووس بيضا زي ملتهبه وكتت مستغربه لان وشي زي ماهو وازاي اعيا كده ومش حاسه باي اعراض
والدي متوفي
انا متجوزه وعندي ابن

عملت استخارة على عريس و شفت حلمين ورا بعض ...حلمت انى نزلت من باب عمارة و لقيت شاب ماشي و قلت مش معقول اتجوز واحد مرتبه قليل كده 500 جنيه ...و لقيت فى وشي محل فيه فساتين افراح بتاعت أطفال و قلت ممكن اشترى اتنين ل بنتى الصغيرة تلبسهم فى الفرح ..و زى دخلت مكان يمكن قاعة و لقيت نفسي ماسكة غيار داخلى كيلوت بتاع بنتى الصغيرة و دخلت حمام و فتحت. المياه و قعدت اغسله و بقول انه انا هغيرر لها هدومها بس برضه هغسل الغيار ..و بعد كده شفت نفسي فى غرفتي و ماسكة بالطو اسود بتاعى و لقيت القماش بتاعه حلو بس فيه حتة صغيرة من تحت محتاجة كوى ..و حطيته فى الدولاب ..و لقيت نفسي بقول انه العريس جاى مع أخوه و مامته مش جاية يبقى نقابلهم فى البيت مش هينفع نقابلهم برة ....
الحلم التانى ...انا و زوجى ماشيين و هو قال لى تعالى من هنا و لقيت قضبان الترام (اللى هو زى المترو )و مشينا جنب القضبان و لقيت ترام جاى من ورا و قلت لجوزى قال لى تعالى على جنب و فعلا رحت على جنب خالص و الترام عدى ...و ترام تانى كمان عدى بعد شوية ،،و بعدين لقيت ترام جاى من قدام و انا كنت ماشية فى النص و الترام عدى .و بعدين مشينا و لقيت الطريق خلص و زوجى نط و حسيت ان المكان مرتفع بس قلت مافيش حل تانى و نطيت بس حسيت ان الارتفاع مش عالى للدرجة و لما نطيت نزلت واقفة عليا على رجليا