تفسير احلام يوم الجمعة الموافق 8\14 ان شاء الله

حلم رقم 1 

انا كنت قاعده وقت العشاء كدا ف صليت ودخلت نمت علي السرير وحلمت اني كنت نايمه عادي قدام الشباك وان ماما فتحته وانا نايمه فانا اتفاجأت ان كان في رجاله كتيره قدامي وانا معرفش وكانو بيبصو عليا

2
حلمت خير اللهم اجعله خير يارب انى واقفة تجاه القبلة وبكبر عشان اصلى صلاة العشاء وكنت وانا واقفة لأبسط عبارة سودة شيك وعليها الأيشارب بتاعها وكان شعرى ناااعم جدااااااا وحلو اوى لدرجة أنه كان من نعومته مش بيثبت تحت الايشارب وكل شوية يخرج ويهدل على وشى من قدام وانا اقعد احشره فى الايشارب عشان ميبانش فى الصلاة بس فى نفس الوقت مبسوطة انه ناعم وحلو كده وبعدين وانا واقفة لقيت كلب جه ناحيتى وكنت خايفة يلمسنى أو ييجى جنبى فليقيت ناس بتقولى ده ممكن ينقض وضوءك لو لمسك قلتلهم لا طالما مسالش لعابه عليا وهو يدوب الكلب مشى جنبى ولمس رجلى وانا واقفة حاجة بسيطة ومشى تانى ومعمليش حاجة وبعد ما مشى قلت هبدا في الصلاة بقا لانى لسه على وضوءى وانتهى المنام على كده

ومعلش منام كمان
حلمت أن والدى جاى يقولى انه مسافر تبع شغله فى مكان بره مصر لمدة أسبوع وهياخدنى معاه فبقوله فين فى الاول مكانش عارف بس لقيته بيقول انه هيروح العراق وغالبا بغداد يوم 31 نوفمبر فقلت غريبة انهم لسه هيسفروه فى مأمورية تبع الشغل وهو بعدها بشهر كمان ه يمشى لان عقده هينتهى ومش هيستفيد بيها فى شغل!
وهو فعلا والدى بيشتغل فى شركة وكانت بتمدله بعد سن الستين وآخر عقد ليه هيبقى فى اخر شهر ديسمبر السنة أن شاء الله وغالبا ده آخر تجديد

الحلم رقم (3)
حلمت ان انا واخواتى البنات لقينا كراسة فى البيت عندنا شكلها جميل وعاملة زى المجلة كانت جديدة فتحناها علشان نتفرج عليها لقينا فيها صور استغربنا لان لقينا فيها صور اكتر من الورق اللى المفروض هيتكتب فيه قلنا لو حد معاه كراسة زى كده يستخسر يكتب فيها حاجة لان شكلها جميل وبعدين قلنا يا ترى سعرها كام وبصينا على السعر لقيناه 14 جنيه قلنا دى غالية وبعدين لقينا كراسة زيها بصينا على السعر لقينا مكتوب رقم 1 بس قلنا اكيد الناس اللى كاتبة واحد بيزوروا فى السعر وشايلين رقم 4 علشان محدش يعرف ان السعر 14 جنيه وهما ممكن يزودوا السعر براحتهم ومحدش هيعرف
انا آنسة وحالتى الدينية متوسطة
اخواتى آنسات

رقم 5 ..حلمت انى فى بيت و داخلة مطبخ و باعمل اكل و بصيت لقيت اكياس مكرونة كتير فوق دواليب المطبخ و قلت ده اكيد جوزى اللى اشتراهم ..و فتحت برطمان صلصة بس لقيت فيه شوية صغيرين قوى و قلت مش هيكفى .و قلت وﻻدى ياكلو مكرونة من عير صلصة وﻻ ابعت بنتى الصغيرة تشترى ..و بعدين لقيت سلفتى بتتكلم معايا و انا باشاور على سجادتين على اﻻرض و باقول لها السجادة دى و دى كمان اشتريتهم فى التخفيضات و بعدين قلت ﻻ مش هى دى السجادة و شاورت على سجادة تانية .

حلم6

حلمت اني قاعدة مع بنت خالتي وعمالة تعاتبني وتقولي انتي اتغيرتي وكنتي بتتكلمي واحدة ماعرفهاش قلت لها سيبيها ربنا اعلم بيها دي محسودة او معمول لها عمل ساعتها انها عيطت جامد وقلت لها اسكتي يامني كل واحد فية اللي مكفية وتعبانة نفسيا فجأة سمعت صوت عكاز علي السلم قلت لماما انا سامعة صوت علي ( اخويا متوفي وكان معوق بيستخدم عكاز) وفرحت وجريت علي السلم لقيتة لابس هدوم صغيرة علية وطخين وحلو فرحت جدا وقلت لة انت رجعت قالي اة وندهت لاختي طلعت بسرعة وعيطت من فرحتها برجوعة وقالي انا رحت جبت الهدوم دي من جمال بن خالتك عشان كدة صغيرة عليا وانا صحيت من فترة وجيت اهوة سمعت صوت حاجة اتخبطت ف الارض وصحيت علي صوتها


وحلم تاني الله يخليكي ان في حملات دكاترة ماشية ع البيوت بتكشف عشان في مرض في البلد وكشف عليا ومفيش حاجة ولقو قطة محبوسة راحو انقذوها ورجعو تاني وكشفو علي جوزي لقاة تعبان ولازم يدخل حجر صحي واخدوة والناس كلها كانت بتواسيني وتقولي ماتخافيش هايبقي كويس

ماما
انا حلمت كاني كنت عند حماتي وكان ابني علئ ايدي وكنت بحاول اضبط حاجه عندها لكن ابني كسر شاشه التلفزيون وكلن صغير زي الاي باد وانا كنت بحاول اركب الشاشه علئ القعده بس مش عرفت فجه جوزي وزعق انه اتكسر ودخل ارضه حمماتي اللي بتنام فيها فبصيت علئ الاوضه وكان جوزي لسه بيتكلم لاقيت راجل طخين غريب بيصلح باب دولاب في اوضه حماتي وعمال يركب فيه فاما اتغربت أن جوزي بيكلمني والراجل ده موجود وكنت عارفه اسمه وانه مسيحي 
وسيبته وطلعت شقتي بس ابني مش كان معايا فوقفت في نص السلم وبصيت تحت اشوف اي حد يجيبهواي لاقيت ناس ستات قاعدين عند المدخل لبيت مش اعرفهم ولاقيت ولاد عمي التؤام اسمهم عصام ومحمد فناديت عليهم بالاسم فبصولي وقولتلهم هاتولي ابني فراحو يجيبوه لاقو جوزي ماسكه وفرحان. وبص عليا فوق علئ السلم وابتسم وكانه بيغيظ ولاد عمي ومشي عند المدخل قدام الناس بابني  فاانا اتطمنت وطلعت الشقه ان ابني مع ابوه
بس قبل مااطلع لمحت ست وتوشوش ست في ودنها عليا اني جايبه كل حاجه فطلعت وانا فرحانه وعارفه ان جوزي فرحان قدام اهله
المهم دخلت الشقه ولاقيتها غير شقتي خالص شقه اوسع بكتير كانها مش في البيت وكبيره فجيت ادخل الحمام لاقيت لونه برتقالي غامق وطويل وواسع اوي بس قبل ماادخل فيه ايد مسكت رجلي اليمين من فوق فاتخضيت وقولت بسم الله الرحمن الرحيم 
وغمضت عينى لاني كنت عارفه انه عفريت او جني ومش عايزه اشوفه 
من الخوف

والدتي حلمت انها كانت في شقتها القديمة وحست ان عمتي وبناتها طالعين علي السلم فاستخبت جوة في الاوضة وقفلت الباب وقالت لبابا اختك طالعة فبابا راح فتح الباب وهي دخلت سألت علي ماما قالت فين هي بابا قالها جوة فدخلت  لماما وكان معاها بناتها الاتنين فعمتي قالت لماما في ايه ايه اللي حصل فماما قالتلها ايه الاخبار قالتلها دي اية علمي وعلي اخرها اية دي تبقي بنتها الكبيرة وهي في الحقيقة متجوزة وفي الحلم كانت جاية مش متجوزة وبنتها التانية اعدة مش علي بعضها  مش مظبوطة وعايزة تنزل تجيب حاجات 
مع العلم اننا مبنتكلمش معاهم ومقاطعين بعض بقالنا سنين

9

حلمت منام هو محرج شوية معلش
حلمت خير لا مواخذة انى جايبة دواء كبسولات وكانت المفروض تتاخد فى المهبل يعنى لا مواخذة فى مكان نزول الدورة فأول كبسولة حطتها اتطردت لبره جسمى رفضها وبعدين روحت حاطة واحدة تانية من نفس الدواء ومخرجتش تانى وجسمى اتعود عليه وارتاحت فيه
انا الحمد لله حاليا مش تعبانة ومباخدش أدوية للحالات دى

10
حلمت اني روحت مكان لقيت اخواتي فيه والمطرة بتمطر وفرحت اووي وقولت لاخواتي ليه مش قولتولي ان المطرة بتمطر وبقيت كل مكان اروخ فيه المطرة تمطر بعدين كنت بدور علي محل عراوي عشان عايزة اشتري كرة خيط ابيض واسود بس مش لقيت وبعدين لقيت محل مفروشات عرايس وعجبتني عنده حاجات حلوة اووي وقولت هبقي اجي هنا تاني لان المكان ده مكنتش اعرفه بعدين دخلت عمارة وشفت خطيبي وكنت بتكلم انا وهو بس مش فاكرة الكلام بعدين هو كان ريح تقريبا يجيب حاجة وبعدين طلعت فوق سطح العمارة دي ولقيت المطرة بتمطر عليا تاني
وخلص الحلم علي كدة مع العلم اني مخطوبة وبساعد خطيبي في شغله بس للاسف حالته المادية حاليا وحشة اووي ومعندوش شغل
ومعلش يا ماما حلمت النهاردة حلم تاني شبه ده
حلمت بحنتي وكنت لابسة والعيلة كلها متجمعة بعدين روحت عشان اغير وانا ماشية في الطريق لقيت المطرة مطرت عليا فغيرت ولبست فستان خطوبتي ورجعت الكوافير عشان تعيدلي علي شعري تاني ولقيت خطيبي بيكلمني وقالي انه وهو نازل جاي الحنة المطرة مطرت عليه وشعره اتنعكش ورجع يسرحه تاني ويظبطه
وخلص الحلم علي كدة

11

السلام عليكم

انا حلمت أن انا وجدتى وهي عايشة في الحقيقة أننا ماشين علي الرصيف وفجأة لقيتها وقعت وبه نصها الفوقانى علي الرصيف و النصف اللي تحت علي الشارع وانا بقيت أقولها قومى يا تيته بسرعه وأحاول اقومها بس جات عربية بسرعه وخبطت رجلها وانا قلت في نفسي انها اتشلت اكيد والطريق كان سريع و ببص لقيت عربية تريله كبيرة جايه بقيت أحاول اقومها بسرعه بس معرفتش و كان ساعتها ليل وقولت انا حقف في وسط الطريق وانا ونصيبي يمكن تشوفنى والحمد لله شافتنى و مخبطتش تيته و شلت تيته وقومت بيها علي الرصيف