تفسير احلام الجمعة الموافق 2\17 ان شاء الله

حلم رقم ١ 
ربنا يكرمك ياماما ويخليكى بالنسبه لحلم بنت عمى الىةشافت نغسها مريضه بالكبد هيا ظرزفها انها مسافره مع زوجها السعوديه والحمد لله ولادها بخير بس هيا محتاره تنزل مصر او تفضل مع جوزها

حلم لوالدى
حلم انه نائم هو وامى فى بيت جدى القديم ، واخى الصغير أيقظ والدى وقاله الحق يا بابا فيه ٣ ثعباين على الحائط ولونهم اسود وكان تخين وطوله لا يتعدى النصف متر
وامى قالت لوالدى قوم اقتلهم ، وبعد كده انا دخلت على والدى غرفته وكنت بضحك وبقوله متخفش يا بابا ، ومسكت ثعبان بإبدى
مسكته من رأسه وذيله. وكنت متحكمة فيه كويس
وقلت لوالدى امسكه ، ولما والدى مسكه كانت بيتحرك وعايز يعض ايده وكان بيتحرك تحت ايده
وصحى من النوم مفزوع
انتهى

حلم لأختى
انها صعدت على سطح عمارة وشافت فيل صغير لونه رمادى وعلى جسمه قطعة قماش لونها ابيض وفيها ورد
وقربت منه كانت فاكراه دبدوب واتحرك وقرب عليها. هى جريت. وجرى وراها وخافت منه

انتهى
اختى متزوجة وحامل فى الشهر التاسع وحامل فى ولد

حلم رقم ٤
ابن عمتي حلم ليا حلم خير اللهم اجعله خير اني قعده في بيت كبير والبيت ده مليان حمام كتير اوي وشكله جميل وطلبت منه يجب حمامتين منهم عشان نعملهم وناكلهم

وانا كنت قبلها حلمت اني عامله زي حفل استقبال لزوجي وهو جي من السفر واهله كلهم عندي وعياله عملوا فيا مقلب وامه كمان واتخانق معايا واهله خلوه يطلقني بالثلاثه وانا كنت فرشه اوضتي فرش عروسه وفضلت اعيط ومنعوني اني اكلمه واخدوه ومشيوا على عربيه نص نقل ومشيوا وانا بعيط وهو كمان بيعيط واقوله طيب ليه وذنب ابنك اللي في بطني ايه وقولت يعوض عليا ربنا وقمت وانا بعيط
وانا فعلا حامل ياماما وكان فيه مشاكل من ناحيه اهله وعياله وعدت على خير

حلمت أمس أن  فى  اتصال من فتاه اسمها خديجه تكلمنى على الهاتف فى  الحقيقه انا أساعد والدتها وانا فى الحقيقه لا أعلم اسمها لكنى حلمت أن فتاه اسمها خديجه تكلمنى في الهاتف المحمول  انسه

الحلم ٦
  انا كنت عند اختي واتشاكلت معايا وقالت ماعدش حد يخبط عليا ويجيني  فنمت يومها وحلمت بأني قاعدة انا وماما عندها في الصالة وبنشتكي لبعض من اللي اختي عملتة ولقيت اخويا الله يرحمة خارج من اوضتة وشايل ٣كوبايات شاي ليا انا وماما وهو وقالي اميرة ماعدتيش تعبريها ولا تنزلي لها وشوية وقالي بصي انزلي انت وماما وسلمي عليها وماتطوليش عندها وكنت شايلة ابني الصغير قالي هاتية وقعد ع السرير وخدة علي رجلة وابني بيعيط وقالي انزلي لها وتعالي بسرعة 


وحلمت برضة اني ولدت بنوتة وكانت جميلة قوي وقلت لجوزي هاتسميها اية قالي حبيبة قلت لة لا هاسميها عليا علي اسم اخويا الله يرحمة علي واهلي فرحو كلهم

حلم 8

ماما حلمت باخويا الله يرحمة انهم راكبين اتوبيس كبير بس هو قاعد قدامها والاتوبيس وقف يحمل ناس قام قايم وقايل انا مكاني مش بينكم وطلع من شباك الاتوبيس وطلع فوقة

رقم 9 ..حلمت انى سمعت صوت جاى من الشارع زى ممثل و بيحكى قصة على مسرح مثلا...و جريت ناحية البلكونة بتاعة حجرتى و بصيت من ورا الشيش لقيت 2 فانوس ملون كبير متعلق على البلكونة و كانوا منورين و انا فرحت جدا و قلت انا اول واحدة يعلقوا عندها الفوانيس بتاعت رمضان على البلكونة و لقيت الفوانيس بس مش منورين و كان فيه نور من وراهم هو اللى خلانى افتكر انهم منورين و انا فى الحلم بقول ان دى فوانيس رمضان و فرحانة جدا ...
حلمت كمان ان بنتى الكبيرة بتقول اننا هنصوم
حلمت كمان انى سمعت صوت و انا واقفة فى ريسبشن بتاع شقتى و بصيت و انا متدارية على باب الشقة لقيته مفتوح و فيه راجل ...لقيت بنتى الصغيرة و قلت لها ليه سايبة الباب مفتوح و زعقت لها و قلت لها هو الراجل ده ايه قالت لى معرفش و سمعت جارتى بتقول انه ده بتاع فاتورة الكهربا و قلت ابنتى نقفل الباب او توارب الباب ..و هى راحت و هى متدارية علشان شعرها كان مش متغطى
شكرا

حلمت انى مسافرة انا واخواتى وقرايبي ورايحين بلدنا فى الصعيد
عشان نحضر فرح ، بس معرفش فرح مين 
وكنت بحضر حاجات للسفر فى شنطتى
وبعدين واحنا مسافرين  لقيت ٢٠٠ على الارض
والبيت اللى كان فيه الفرح كان شوية اضائته عاتمة
وكنت طالعة ع السلم وفيه فرق بين السلالم ممكن حد يقع منه
وامى نبهتنى اخد بالى وانا طالعة السلم 
وكنت واخدة بالى وانا طالعة وكنت بطلع جرى وكأنى عارفة السلم من غير ما اقع 
انتهى
انسة رابعة جامعة وبشتغل والحمدلله بحفظ قرآن