تفسير احلام يوم الجمعة الموافق 6\29 ان شاء الله

حلم 1

انا حلمت اني بحط ميك اب حلو اوي وعماله بجرب ف كل حاجه وكان معايا حاجات كتيره كأني ف محل ميك اب او حاجه كدا وحطيت رموش وغالبا كان عندي مناسبه بس مش عارفه هيا ايه تقريبا خطوبتي ف الحلم مش عارفه

حلم2
ازيك يا ماما نجية وحشاني والله وجزاكي الله عنا خير الجزاء
حلمت من فترة ان في دود ابيض يخرج من قدمي وبعدها بكام يةم حلمت بخنافس بتخرج من الدبر والرحم بس اللي بتخرج من الدبر لونها اسود والرحم لونها زي الجمبري وانا عمالة اضغط على بطني جامد عشان يخرج كله وامد ايدي من الخلف لاخرج كل الخنافس
وبعدها بكام يوم حلمت ان في تعابين صغيرة داخل فلفل اخضر رفيع حامي بتخرج منه فأنا مسكتها بماسك الفحم ورميتها في الزبالة وكانت واقفة جمبي يومها بنت اسمها جنات اعرفها عندها حوالي 8 سنين
والنهاردة الضهر وانا بسمع الرقية الشرعية نمت وحلمت اني في ظار كبيرة لتحفيظ القران وصاحبة الدار بتقولي تعالي اقعدي هنا ولما تسمعي القران لو فيكي حاجة حتظهر قولتلها لا انا حقعد هناك وحسمعه برضه وكانت الدار مليانة ناس وبدا قراية القران لقيت كف ايدي من الضهر كدة بتنزل دموع واتشققت وظهر دم وصحيت ع كلمه فحرقوه في الرقية انا اسفة والله مش قصدي اطول بس حاسة ان الاحلام دي مرتبطة ببعض انا عندي 30 سنة ومتزوجة ومش بشتغل ومعنديش اطفال وعملت مرتين حقن مجهري ومحصلش نصيب وفي مشاكل دايما مع جوزي وبفكر في الطلاق
واسفة للاطالة مرة تانية

حلم 3
ازيك يا ماما نجيه يا رب تكونى بخير دايما
حلمت انى انا وماما واختى الصغيره ف مدافن وان احنا ف حوش مفتوح وباب للمقابر اتفتح وانا بقول لماما كده ريحه الاموات هتطلع علينا ازاى الباب اتفتح كده انا شوفت باب انفتح بس مكنش ف ريحه واختى الصغيره بره الباب دا نايمه اكنها نايمه ع سرير ومتغطيه بملايه بيضا وانا بقول لماما ايه الا نيمها هنا وبتتقلب وقعت واكنها وقعت ع مرتبه مش ارض
انا متدينه الحمدلله ومتزوجه واختى انسه مش مواظبه ع الصلاه وماما بتصلى ولسه اختى الكبيره اتسه متوفيه ف يناير

السلام عليكم ورحمة الله وبركاته
اختي حلمت بأن فيه شجرة طويلة طول النخلة ورقها شبه ورق المانجة اتقلعت لوحدها من الأرض ونامت علي ضهرها وبعدين طلعت السما ومن ناحية تانية يتبص لقيت السماء لونها محمر وفيها قرص الشمس وحاولت تصور المنظر ده معرفتش تصوره
هي لسه بنوته عندها 18 سنة مش متجوزة

حلم رقم 5
حلمت ان اخت زوجي بتنط من الشباك وفاردة ايديها كأنها بتطير عشان تنزل ع كنبة في العمارة اللي في وشها في الشارع راحت مصابتش الهدف كويس ووقعت ع دماغها في الارض اتفتحت وانا نزلت ع السلم جري وبقيت بعيط عشانها وخفت لتموت وجالها دكاترة والاسعاف ولحقوها بس اتحولت نتيجة لكدة لبيبي عنده شهور وجلدها مكانش موجود كأنها اتسلخت وبعدين لقيت نفسي بلم الغسيل ولابسة جلابية برتقالي وعريانة من الكتاف لقيت جوزي جاي في هيئة نور الشريف وعمال يحدفني من تحت بالطوب بس انا كنت في دور عالي الطوب مبيجيش فيا راح قايل للراجل هات نبلة عشان ينشن والطوب يجي فيا صح فانا زعلت واخدت الغسيل اللي لميته ودخلت وقعدت في اوضه لوحدي وهو جه وقاعد ع السفرة ومعاه واحدة بتقوله روح صالحها قالها انا مش غلطان
اخت جوزي مش متزوجة وعندها 25 سنة ومش بتشتغل
وانا عندي 30 ومش بشتغل ومعنديش اطفال وفي مشاكل مع جوزي

لو سمحتي زميلي في الكلية حلم الحلم دا

ف ثانوي خدتلي فتره بحلم اني بعمل حادثه انا وصاحبي وبنتقلب هو بيموت وانا لا وكنت بصحي ع اذان الفجر وبكون ساعتها مصلي وعامل كل شروط الرؤيه الحوار دا خدلو اسبوع معايا ولا عشر ايام .. الحوار اتطور ف العشر ايام اني كنت انا والواد هو هو بنتقلب وانا ال بموت وبشوف منظر الجنازه والولد دا فعلا حصله حادثة وبعدين الحلم اختفى .. جه اول السنه وحصلي لمده بتاع اسبوع برضو ال يضايق اني بصحي مع ان نومي تقيل ف الدراسه بسمع صوت الاذان كأنو ف ودني.
هو دكتور ومش متجوز عنده ٢٠ سنة .. مفيش حاجة شاغله تفكيره

سلام عليكم
انا حلمت حلمين انهردا الاول انى كنت فى بيت ماما اوضتها تحديدا وبصيت لاقيت بلاعه كبيره زى اللى فالشارع وبنتى فتحتها وصراصير كتييير كبيره خارجه منها قمت مزعقلها وحاولت اقفل غطا البلاعه كان تقيل قفلتو وفضلت اقتل فالصراصير موتهم كلهم وكانو كتير لدرجه عملو بودره فالارض وبقولها ادينى المقشه الم كل دا وصحيت..
الحلم التانى حلمت ان تيتا مامت بابا الله يرحمها واقفه فى بيتها تعملنا كحك وغريبه محشيه مشمش وبسكويت وكان شكلها مش تعبان ومبسوطه وعماله تعجبن فالكحك وبعتتهم لينا فى بيت بابا وكانوا حلوين اوى وفضلت اكل منهم
(للعلم انا حامل وعندى بنت وزوجى مغترب وظروفنا وحشه اوى الفتره دى وحياتنا ملخبطه جدا)

انا غير متزوجه عمري 25
حلمت بأن اختي الأصغر مني تتواصل مع رجل غريب وهي غير متزوجه وعصبت عليها جدا وضربتها ومسكت رأسها وخبطته في الجدار مرات كثيره الا لما اصبح وجهها كله دم ولحم لا يبان منه شي سوى عظم خشمها كان شكلها مقزز ومقرف وندمت انني ضربتها ارجو التفسير وشكرا

سلام عليكم ماما نجية
الحلم جوزى اللى حلمه.....حلم ان ابوية الله يرحمه بيتمشى معاه وبيكلمه وكان وشه مبسوط وبيقوله اقعد متسافرش خليك معاهم (ده نظرا لان جوزى هيسافر )المهم جوزى بيقوله ما انت عارف المصاريف وظروف ايجار الشقة فبابا الله يرحمه بيقوله متسافرش هتتحل وبعدها فى نفس الحلم شاف ابوية فى بيتنا بيت ابوية يعنى ولقاه قاعد مع حمايا وحما اخته وبيتكلموا مع بعض والاتنين على فكرة بيمروا بظروف صحية وتعبانين وعلى فكرة كان فيه مشاكل بينا وبين حمايا وبالنسبة لحما اخته فكان بينفسن من ابوية شوية المهم جوزى بيقول كان شايفهم فى الحلم بيتكلموا مع بعض وكدة وحتى حما اخته كان لابس عباية بيضا وواقف على باب اوضة ابوية ...
فيه معلومة انا كنت سيبت بيت العيلة وكان فيه كلام لرجوعى وكنت هوافق بس بشروط وهما رفضوا الشروط وفيه تخطيط مش حلو من قبل حمايا وأهل زوجى
جوزى 32 سنة مؤمن الحمدلله

حلم رقم12
ازيك يا ماما نجيه يا رب تكونى بخير دايما
الحلم دا لماما حلمت ان انا وهى ف مستشفى بس مش معروف رايحين لمين وانا لابسه اسود وماما بتنادى على خالى وهو مش موجود واسمه ناصر عماله تنده وتقول يا ناصر هو فين ناصر
لكنه مظهرش ف الحلم
ماما بتصلى الحمدلله وانا متدينه الحمدلله

السلام عليكم

حلمت انى وحماتى رحنا نزور سلفتى الجديدة لسة ماتجوزتش وقعدت انا وحماتى ودخلت سلفتى وامها وامها بتقول لحماتى ابقي اطلعى اكنسي شقة العروسة على ما تيجي نجيب العفش ونفرش حماتى سكتت فانا يسأل العروسة هو العفش هاييجى امتى ماردتش تقولى طب هتسافري امتى وفين بصت لى ببرود وماردتش فأنا اتضايقت جدا وقمت بسرعةومشيت ولقيت خطيبها بشتكى لة سابنى ومشي


وحلمت برضة بيها وقاعدين وكويسين وطلعت فوق في بيت غريب ماعرفوش اجيب لبسي لقيت السلم بيولع وانا وقفت ف البلكونة بحاول انزل ومش عارفة وكل ماحاول حتى ارفع رجلى ع السور عشان انط مش قادرة

انا متزوجة وعندى ولدين وعلاقتنا عادية وسطحية مع سلفتى

حلمت اني معايا سلسلة دهب فيها ماشاء الله لونها فضه او دهب ابيض وكان معايا الخاتم بتاعي الذهب اللي بلبسه في المناسبات او لما اكون خارجه ببص لقيته في ايدي استغربت لاني مكنتش خارجه بيه روحت لابساه في ايدي
انسه مش مخطوبه بشتغل

حلمى ياماما فين