تفسير احلام يوم الاحد الموافق 4\10 ان شاء الله

1
حلمت اني انا وخطيبي كنا راكبين العربيه ونزلنا منها في مكان سياحي تقريبا كله خضره وبعدين مكناش حاجزين بس صاحب الفندق كان عامل وجبه للدعايه عن الفندق والوجبه كانت عباره عن سلطه بحريه بنكهه مختلفه كانت خضروات ومشروم تقريبا فنا دقتها وكان طعمها جميل ومختلف وببص اشوف مين الشيف ال عملها ..لقيتها امي ....بس كده

المشروم .اللي هو الفطر كان لونه ابيض في بنفسج بس كده ..خطيبي كان واقف جنبي بس كده

الحلم 4
ازيك ماما نجية

حلمت باني واقفة قدام مدرسة وكأنها مدرستي وعليها تشديد جامد وماحدش بيدخل الا بكارنيةوانا كنت لابسة لبس خارجي مش لبس المدرسة وواقفة انا وماما وعيالي ولدين قلت لماما مش هاعرف ادخل وفجأة الدنيا اتزحمت وانا دخلت في وسط الزحمة وماحدش خد بالة لسة داخلة فصلي لقيتهم عليهم امتحان وانا ماعرفش ولا معايا حتي قلم دخلت وقعدت في مكان مش مكاني جنب اصحابي عشان اغش منهم وفعلا قعدت وغشيت والمدرسة قالت اللي مادفعش فلوس يروح يدفع دخلت اوضة وانا ملبوخة واديت لهم فلوس قامت مدياني تي شيرت وبنطلون وجزمة لونهم ابيض وجزمة صغيرة قوي قالت هدية لابنك قلت لها دي صغيرة تتعلق ف العربية وبنات كتير دخلو الاوضة ويهزرو معايا خلصت كل حاجة وخرجت متأخرة لقيت ماما شايلة ابني الصغير ونايمة وبسألها علي ابني الكبير قالت راح مع واحدة كانت جنبي ادور عليها مش لاقياها قعدت ازعق واعيط ولقيتها جنبنا بس بعيد شوية وجابتة وجت وانا من فرحتي قعدت ع الارض وقعدت اعيط

حلم رقم 5 

انا حلمت اني شفت سيدنا موسي وكان قدام فرعون وبيوريه آياته برده وكأني كنن في المشهد موجوده

حلم رقم 7
ماما انا حلمت ان انا روحت لمحل كوافير المفروض ان جوزي هو اللي فاتحه وكان فيه بنات منهم واحده اعرفها مطلقه وكانت بشعرها واقفه مستنيه تاخد فلوس من جوزي وهي في الحقيقه. كوافيره ومش ملتزمه دينيا ومش محجبه المهم انها في وسط مابيشتغلو انا اخدت ميكرفون وناديت بعلو صوتي ان الست دي وقولت اسمها نصابه و وبتضحك علئ جوزي وخطافه والناش كلها كانت سمعاني وصوتي كان عالي اوي. وكان الناس. بيسمعوني لكن لما كنت بقول عن جوزي قولت اسمه الحج عبد الله وهو اصلا اسمه احمد نادته كانه والدي الله يرحمه لان والدي اسمه عبد الله يعني هو ده اللي لفت نظري برضه 
وخلص الحلم علئ كده 
الست دي عارفه جوزي فعلا وهي كوافيره فعلا في الحقيقه بس عمري ماقابلتها في الحقيقه بسمع عنها بس لكن عارفه شكلها

8
حلمت اني كنت في فصل دراسي وكنت حزينه كعادتي وامور مخربطه وكنت قاعده ورا وبعدين لقيت حمايا دخل الحصه وقعد علي كرسي المعلم ومكنش شايفني وانا من يأسي مقمتش سلمت ..لقيته عمال يقول فين ايناس ايناس فين فين ايناس روحت قايمه واقفه قلتله انا اهو قالي تعالي سلمي قمت سلمت وطول في مسكه يدي وبعدها قالي انا مش عرف احدد امته معاد الفرح ولقيته اداني كتالوج فيه صوره القاعه الي عوز يعمل فيها فرحي علي ابنه كانت سقف عالي وكراسي وترابيزات بنيه فاخره وكان فخور جدا باختياره للقاعه وفرج الفصل كله ..ًكأنه ببعرف الناس بعدما كان متكتم ومتحفظ بشأني واصحابي قامو يبوسوني ويباركولي وسالني عن رايي قلتله فاخره وجميله سبته ورجعت علي ديسكي ال ورا نده عليا وقالي انتي مش حابه كلامي قلتله ابدا بس بلم حاجاتي المبعتره لميتها وطلعت قعدت ادام ..وكان في في ايدي اربع تساسيس االي هو البلي اللي بيلعب بيه الاولاد وحطيتهم في درج اامكتب.....
منام اخر فس نفس الليله لقيت حمايا داخل في فصل برضه وانا كنت قاعده ادام وقالي مش هتيجي تقوليلي سامحني وتعيطي في حضني بقي ..كان واقف وهو طويل جدا رحت حضناه كده لفيت ايدي حوالين وسطه لاني قصيره راح قاعد ادامي ورميت نفسي في حضنه جاااامد اوووووي وفضلت ابكي وهو يبكي وقلتله سامحني ...
علاقتي بحمايا عاديه وهو رجل شديد وحازم
حاليا عندي شده بمر بيها وحالتي حزينه
المنام ده شفته بعدما صليت الفجر ودعيت كتير ونمت اغرب نومه في حياتي كنت هاديه جدا فس نومتي وكنت مبسوطه...
منام اخر شفت بنت اخو حمايا وهي طفله صغيره شعرها اسود جميله جدا سميت بسم الله وشلتها كانت ذكيه جدا وحفظت اسمي بسرعه وكان في ايدها حلوي قطمت قطمه وقطمت انا قطمه وكنت بقبلها واضمها لصدري
اسمها بسمه في المنام كان سنها اصغر من الحقيقه ...اخو حمايا يكون مديري في العمل وعلاقتنا جميله الحمد لله

حلم رقم 9
الحلم ده لصحبتي حلمت خير اللهم اجعله خير أنها كانت في مكان ومليأن والعياذ بالله تعابين كتير اوي وكل شويه حاجه تقرصها بس مش بيجرى ليها حاجه وطلعت من الرمل كبري سودة قرصتها وطلع دمل ابيض مفيش دم راحت اختها قلت ليها استني انا هعالجك وكده فراحت مصت السم ده عشان مش يحصل ليها حاجه بس انا اسفه في اللفظ تفت السم واخدت الكبرى ديه ورمتها في الشارع والناس موتتها بس هي كانت نايمه مدايقه وعندها البريوت