تفسير احلام يوم الاحد الموافق 10\19 ان شاء الله

الحلم الاول
 ازيك يا ماما نجيه يا رب تكونى بخير دايما
الحلم ده لبابا حلم بخالتى انها لابسه عروسه ومعمولها فرح بس معرفش يدخله والفرح كان فى بيت جدتى الله يرحمها واصلا بيت جدتى اتهد لان كان قديم وجاله قرار ازاله بابا الحمدلله مواظب على الصلاه وخالتى كبيره فى السن 60 سنه وحلم بصاحبه انه جاى بيضحك ومكنش يعرف انه توفى بقاله 4 ايام يعنى ضحك المتوفى فى الحلم معناه انو مرتاح ولا العكس واسفه طولت عليكى

2
حلم بعد استخارة على امر افكر القيام به ...رايت ان حدث تسرب غاز فى الشقه وانا عماله بقولهم افتحو النوافذ واﻻبواب ومحدش يفتح النور وفتحنا وانا كان ف يدى ناحيه من خرطوم الغاز ساداه بيدى جامد والطرف الاخر يركض ورائى يشبه الوﻻعه يعنى شرار نار وانا بجرى ﻻنه لو جه على اللى معى هننفجر فضلت سداه بيدى لحد ما الامر هدأ ولم ينفجر شئ ..بعدها رايت نفسى ببكى من غير صوت وبصيت فى المرايه كان وجهى ابيض وخدودى حمرا وبمسح دموعى وشفت نفسى ماشيه ف طريق مع امى واحتى وكان طريق تجارى وووقفت على واحدة بتبيع لبس مستعمل بس مشترتش وبعدين دهلنا حارة وكنا خايفين ﻻن ورانا شبتب فمسكت تراب بيدى وحجر حتى احتمى لو حد تعرض لنا بس دخلنا بيت معرفش لنين مدهون جديد اهضر وبنى بس مش حلو خالص وكاننا اتحبسنا بس واحدة هناك هربتنا ...رجعت البيت سليمه بس بعد ما تعبت اوى وقلت يااااه كل دة تعب...اﻻستخارة عن مكالمه والده الشاب لزوجها عننا ...هى موافقه بس هو اللى لسه متكلمش حدث كثير من الرؤى السابقه بس انا كنت بفكر ان زوجته تفتح معاه كﻻم دلوقتى وﻻ نستنى شويه .... هل المنام له عﻻقه بالاستخارة ؟؟؟؟؟ وتتكلم دلوقتى وﻻ نستنى شويه اﻻمور تهدى

الحلم رقم (3)
شوفت اني ماشيه انا واخويه الكبير في شارعنا وبعدين لاقيت ولد ماشي علي عربيه بيبيع بلح وبطيخ ففرحت قوي عشان كان نفسي في البلح الرطب ومش لقياه من فتره فاخويه ساله عن السعر فقاله بخمسه جنيه الكيلو تقريبا فقولتله خلاص هاتلي قفص كامل لان البلح كان حلو خالص واخويه كان هياخد كيلو واحد والاقفاص الاولانيه كان فيها بلح بايظ بس انا فضلت ادور او البياع اداني قفص نضيييف اووي وقولت خلاص هو ده فاخدنا قفص وقولت خلاص هبقي اديه كيلو منه وخلاص فاخويه اداله الفلوس وانا كنت باكل منه واحنا بنشتري تقريبا بذوقه يعني وكان حلو وكان معاه بطيخ فسالته البطيخ ده بكام قال لا ده وحش مش هبيعلك منه ده انا باكله للحمار في العربيه وكان غالي بس دلوقتي رخص وحتي شوفي فتح واحده كان شكلها من بره حلوه جدا بس طلعت بييبضه خالص ووحشه انا تقريبا الي كسرتها عشان اشوفها بنفسي بس كده مش فاكره حاجه تاني

برضه من كام يوم شوفت ان مدرس اسمه ياسر باعتلي كيس فيه بلح رطب كان اسووود جدا .. بس كده تسلميلى ياماما نجيه

لماذا تتاخر الرؤى الصالحه ؟؟؟ انا عندى ياس شديد وضيق دايما رغم انى بصلى وبدعى دايما ... ايه اللى ممكن اعمله حتى تهدا نفسى لو سور معينه من القران او دعاء
جزاكى الله كل خير

 

7olm 6 
السلام عليكم ماما نجيه
ابويا مات يوم الاثنين الله يرحمه 
امى مبارح صلت قيام الليل واستغفرت  ونامت قبل الفجر بشويه حلمت بابويا لابس الابيض وطويل كتير ويصلى وكانه دخلت جارتنا قالت  ياااعم سااالم يصلي وهربت بعدين كانه سمع في خناقة في الشارع طلع وصار بالبيجامة بتاعو الي مات بيها ومارجع

الحلم رقم (7)
الحلم ده على لسان ابن عمتى
" أنا حلمت اني ملفوف علي جسمي تعبان تخين ملفوف علي جسمي زي كده لما بتلفي لزق علي علبة .. ملفوف علي جسمي مين راسي لرجلي ده وانا نايم في الحلم المهم حولت افكو من علي جسمي عشان اقوم فا مسكته من راسه ف راح عضضني وسمني .. ربنا يستر