7
حلم لصحبتي آنسه و ملتزمة
أنا شوفت منام اللهم اجعله خير ان فيه فراخ ميته كتير جدا قدام محل الفراخ الى جنبنا بس زى ما تكون يعنى تعبانه وماتت وشوفت شنطه كده وواحده اسمها أمينه بتطلع تونيك فيروزى بتاعى فى الحقيقه وانه بتاعها يعنى وكان فيه نقطه دم على الكم وده الى خلانى أتأكد انه بتاعى ورغم انى مهتمتش استغربت بس ليه واخداه
و حلم ليا يا ماما نجية جزاك الله خيرا
حلمته من شهور و عندي فضول أعرف معناه بالظبط
خير يارب انا قبل ماانام كنت بفكر في موضوع خطوبة من شخص معرفة قديمة لينا و كنت بقول يارب اذا خير ليا يسره و اذا شر ارزقني بالخير و الاحسن و كنت بقول دعاء اللهم دبرلي فإني لا أحسن التدبير
فا حلمت ان اخويا جاي بيقولي انا و ماما ان الشخص ده (الي دعيت الدعاء بخصوصه ) تعبان و حايموت فا انا زعلت و اتخضيت و قلت لاخويا انت متأكد ؟ قالي ايوة و كان زعلان لانه كمان صاحبه في الحقيقة من زمان , المهم رحت لاخويا التاني و قلتلها هو اخويا يقصد على فلان بجد؟ قالي ايوة المهم انا زعلت طبعا و بعدين شفتني قاعدة في اوضة ماما و كان في بنوتة قدامي زي القمر جمييلة ماشاء الله و صغيرة لسه شهور كدا تقريبا و بعدين كانت واحدة نعرفها من زماان في مقام أمي و في الحقيقة بعزها جداا ربا يحفظها كانت قاعدة و جمبها ابنها المتوفي في الحقيقة ربنا يرحمه و بتقولي الست دي على شخص كان متقدملي في الحقيقة فعلا , المهم فتحتلي الموضوع تاني و رديت عليها قلتلها طالما ماردش و ماحترمش بيت الناس اللي دخله يبقى ماتفتحيش الموضوع تاني و انا اصلا ماحستش بقبول ناحيته ( و فعلا ده حصل في الحقيقة انه مارجعش اتصل و الله اعلم بيه و بظروفه و انا اصلا ماكنتش مرتاحه و ماحستش بقبول من الاول و حصل الكلام ده و ماما ردت عليها ووصلت ليها ردنا ووصلته للشخص ) و رجعت بصيت للبنت تاني وكانت بتضحكلي و بلعب معاها و خلص الحلم على كدا
أنا انسه و ملتزمة الحمد لله
