تفسير احلام يوم الاحد الموافق 6\5 ان شاء الله

1
حلمت ان كنت في مكان ولقيت بنتين فنا بقول هاااجر وهاله وببتسم كده اني شفتهم فمديت ايدي اسلم علي هاجر مرضتش تمد ايدها فشلت ايدي وكانت ماسكه ابنها اسمه جمال وكنت بضحكله وهو كمان ومشيت وهي كان مبتسمه من بعيد
هاله وهاجر اخوات معرفه من بعيد مليش اي علاقه بيهم غير اننا نعرف اسامي بعض بس

الحلم رقم3
انا ف شخص كنت مرتبطة بى ومكملناش وبعدنا وحلمت حلم بى قبل كدة قولتيلى انة هيرجع ويطلب الجواز وهو فعلا رجعلى وبيكلمنى وهو ال بيسعى انة يكلمنى بس انا مش معاة زى الاول
حلمت بى حلم تاتى انة بيدينى خاتم واسورة بس الاسورة رفيعة مش عريضة وانا كنت شيفاهم دهب لان لونهم دهبى بس معرفش هما دهب فعلا ولا لا المهم هو عطانى الخاتم والاسورة وانا اخدتهم

حلم رقم 4
سلام عليكم ياماما وكل سنة وحضرتك طيبة
انا دعيت ربنا فى صلاة الفجر ان ربنا يقرب منى محمد لو خير ويبعده لو شر وان ربنا ينور بصيرتى ويورينى علامة لانى فى بينا مشاكل وبشك فيه انه بيكلم واحدة تانية لكنه اقسم ليا ولماما انه مابيكلمش حد وحلمت الحلم ده اللهم اجعله خير انى كنت خارجة انا ومحمد من الشغل واتفقنا نتقابل فى بيت بنتقابل فيه دايما(لكن احنا مابنتقابلش فى بيت فى الحقيقة) واتفقنا واحدة نعرفها هتيجى معانا البيت ده مش عارفة ليه وكانت الواحدة دى هى الممثلة ناهد السباعى لكن فى الحلم مش ممثلة وهما سبقونى على البيت ده وانا لما جيت احصلهم لما حاجات كتير عطلتتى مرة طلبة من المدرسة اللى شغالين فيها خفت يشوفونى بقيت اتهرب منهم ولما وصلت البيت لقيت البواب سلم عليا واشتكالى من محمد بس مش فاكرة الشكوى بالظبط لكن اعتقد بخصوص انه بيروح البيت ده وبعدين سبت البواب ودخلت البيت بس مش الشقة نفسها وكانت فوق الشقة اللى هنتقابل فيها شقة مامته وشقة اخته فانا حسيت بيهم طلعت على فوق قابلت اخته على السلم وكانت لابسة جيبه ملونة قصيرة وشعرها اسود كاريه وناعم اوى وجاكت كحلى وكانت حلوة رغم انها فى الحقيقة منتقبة وسالتنى ايه رايك فيا قولتلها حلو اوى الطقم ده لفت انتباهى اول ماشوفتك وبعدين دخلنا شقة مامت محمد وحسيتها مضايقه سالتها مالك قالت مصطفى (اخو محمد )تاخر وكنت عايزاه ضرورى قولتلها طيب هبعتله رساله اشوفه فين ولسه بكتبله رساله لقيناه وصل البيت بس كان جسمه مليان بس مش اوى وشكله حلو وهو فى الحقيقة حلو بردو لكن رفيع وانا ماصدقت انه وصل عشان انزل لمحمد وفعلا نزلت وانا فى دماغى انى هلاقيهم عفوا بيعملو علاقة مع بعض فدخلت رزعت الباب لقتهم فى المطبخ بيعملو اكل ومفيش اى حاجة غلط وقولتلها اطلعى برة عندت معايا ومحمد مستغرب من تصرفى وفى نفس الوقت مضايق منى انى بزعق كده وانا عمالة اتخانق مع التانية ولسه بزعق ومحمد ساب المطبخ وطلع نام فى السرير واتغطى وهى طلعت قعدت على السرير وانا لسه بزعق ومضايقة منه انه ماخدش موقف وطردها وانتهى الحلم

حلم رقم 4
سلام عليكم ياماما وكل سنة وحضرتك طيبة
انا دعيت ربنا فى صلاة الفجر ان ربنا يقرب منى محمد لو خير ويبعده لو شر وان ربنا ينور بصيرتى ويورينى علامة لانى فى بينا مشاكل وبشك فيه انه بيكلم واحدة تانية لكنه اقسم ليا ولماما انه مابيكلمش حد وحلمت الحلم ده اللهم اجعله خير انى كنت خارجة انا ومحمد من الشغل واتفقنا نتقابل فى بيت بنتقابل فيه دايما(لكن احنا مابنتقابلش فى بيت فى الحقيقة) واتفقنا واحدة نعرفها هتيجى معانا البيت ده مش عارفة ليه وكانت الواحدة دى هى الممثلة ناهد السباعى لكن فى الحلم مش ممثلة وهما سبقونى على البيت ده وانا لما جيت احصلهم لما حاجات كتير عطلتتى مرة طلبة من المدرسة اللى شغالين فيها خفت يشوفونى بقيت اتهرب منهم ولما وصلت البيت لقيت البواب سلم عليا واشتكالى من محمد بس مش فاكرة الشكوى بالظبط لكن اعتقد بخصوص انه بيروح البيت ده وبعدين سبت البواب ودخلت البيت بس مش الشقة نفسها وكانت فوق الشقة اللى هنتقابل فيها شقة مامته وشقة اخته فانا حسيت بيهم طلعت على فوق قابلت اخته على السلم وكانت لابسة جيبه ملونة قصيرة وشعرها اسود كاريه وناعم اوى وجاكت كحلى وكانت حلوة رغم انها فى الحقيقة منتقبة وسالتنى ايه رايك فيا قولتلها حلو اوى الطقم ده لفت انتباهى اول ماشوفتك وبعدين دخلنا شقة مامت محمد وحسيتها مضايقه سالتها مالك قالت مصطفى (اخو محمد )تاخر وكنت عايزاه ضرورى قولتلها طيب هبعتله رساله اشوفه فين ولسه بكتبله رساله لقيناه وصل البيت بس كان جسمه مليان بس مش اوى وشكله حلو وهو فى الحقيقة حلو بردو لكن رفيع وانا ماصدقت انه وصل عشان انزل لمحمد وفعلا نزلت وانا فى دماغى انى هلاقيهم عفوا بيعملو علاقة مع بعض فدخلت رزعت الباب لقتهم فى المطبخ بيعملو اكل ومفيش اى حاجة غلط وقولتلها اطلعى برة عندت معايا ومحمد مستغرب من تصرفى وفى نفس الوقت مضايق منى انى بزعق كده وانا عمالة اتخانق مع التانية ولسه بزعق ومحمد ساب المطبخ وطلع نام فى السرير واتغطى وهى طلعت قعدت على السرير وانا لسه بزعق ومضايقة منه انه ماخدش موقف وطردها وانتهى الحلم

5
حلمت اني كنت واقفه مع اخت خطيبي وبتقولي تعالي نركب ف عربيته من ورا ..روحت لخطيبي قلتله عوزه اركب ورا فجه وفتح لي باب العربيه دخلت قعدت وبدور ع اخته ملقتهاش وخطيبي كان عوز يركبني ادام جنبه بس طبعا صدقت اخته وكنت ركبت ورا فنزلت م العربيه وقلنا كلام فزعلت ومشيت ..كنت لابسه جزمه بكعب وحجاب طويل فضفاض وماشيه وعديت علي محل لبس بناتي والجزء اللي عديته كان ضلم لاننا بليل بس البنات اللي ف محل الملابس لقيتهم بيدعولي ربنا معاكي رفعت يدي احييهم ودخلت محل وجبت اكل دفعت ٥ جنيه والباقي كان جنيه فنا ماشيه زعلانه اني زعلانه مع خطيبي وبقدم وبؤخر رجل ومش مرتاحه اني مروحه ببص ورايا لقيت واحده اسمها دعاء قررت اني ارجع عن طريقي لقيت محتاج ماددلي ايده اديته من اكلي ال باكل منه وببص لقيت محتاج كمان كان معايا لب اديته كتير وقسمه مع المحتاج التاني وصحيت
انا كنت زعلانه مع خطيبي قبل ما انام
اخت خطيبي اسمها شرين ومتجوزه مليش علاقه بيها بس هي بتغير ع اخوها مني
خطيبي ف المنام كان مطيع لياا بس كان باين عليه الحزن
العربيه ال كانت في المنام كانت فخمه وحديثه ولونها بنفسجي
دعاء ال كانت ماشيه ورايا تبقي عمتي وهي حامل وعلاقتي بيها كويسه .البنات ال دعولي ف الشارع انا معرفهمش

حلم رقم 7 
انا حلمت اني ماشيه في شارع طوييل وفجاه ناس وقفوني وقالولي رايحه عند مين ناس من صحاب الشارع قعد افتكر اي اسم لاي صاحبه عليا عشان يسبوني مفتكرتش غير اسمها قولتهم نرمين قالولي اه بيتها هنا وخبطو ع باب وفتحوه كانت نايمه وفتحت اول ما الباب فتح وكانت اموره جدااااااا قولتلها اسفه صحيتك قالتلي لا عادي وقامت من نوم ومامتها كانت قاعده بعيد شويه وبتصلي سلمت عليها ورجعت قعدت مع نرمين وكانت بتهزر وبتضحك وبعدين قولتلها انتي شبه مامتك في الحلم  ولما قامت من سرير كانت لابسه جييه جينز وجميز وكانت رفيعه وجسمها جميل جدااا قولتلها اتتي ليه بتقولي اخس انتي ماشا الله مظبوط جدا جسمك بس منطقه الجناب علي بسيط قالتلي اه انا مشكلتي ف الحته دي بس من فوق الركبه للبطن نفسي تخس وبس سلمت ومشيت
مع العلم نرمين صاحبتنا دي ف الحقيقة مليانة جدااااا وبتحاول تعمل ريجيم

9
انا صليت الفجر وعملت استخاره ع خطيبي
حلمت اننا كنا راكبين عربيه في طريق بليل وانا عماله اقوله ارجع م الطريق ده لانه مخوفني وبالغعل رجع وببص لقيتنا راكبين موتسكل وانا اللي سايقاه وهو ورايا وبنطلع بالموتسكل ده درجات سلالم وهو ساعدني في السواقه كان حاطط ايده علي ايدي مثبتها..كف ايده كان طالع منه ريحه عطر فنا قبلت ايده ووصلنا لمحطه مترو وراح يقطع تذكرتين لينا
حلم تاني ..حلمت انه كان في الجامعه وانا روحتله وكان بيضايقني انه بيمشي جنب بنات روحت شداه كان لابس ابيض وفضلت اشد في هدومه عشن افوقه لنفسه وهو بيقولي انا بعمل كده عشن اخرجك مني ..روحت جايه بصوت عالي قلتله لو قلعت دبلتك مش هلبسها تاني ابدا ويبقي انتهي ..راح قايلي بلاش وبقي طفل صغير وانا حاطه ايدي علي راسه وبقوله انت محتاجني وانا محتجاك وكنا واقفين جنب نبات اللي هو الفل ال ريحته حلوه ده..راح خطيبي قعد جنب راجل علي دكه قصيره وكان رجع لحجمه الطبيعي وانا قعدت جنب البنتين ال كان بيضايقني بيهم.كانو بنتين محترمين ؤف صفي .وهو باصص لكف ايده وباين عليه الحيره في امره..قلتله تعالي اقعد جنبي .قالي لا تعالي انتي اقعدي جنبي .روحت قعدت جنبه كنا علي دكه مساويه بالارض وهو كان جنب راجل عجوز وبعدها خطيبي رجع كويس معايا وانتهي الزعل كان حاطط ايده علي كتفي وبيحكي وبيعاتبني .ببص لقيت اعمامي داخلين ولقيت الراجل العجوز ده بقي جدو المتوفي .خطيبي سلم ع اعمامي ومد ايده سلم عليا انا كمان .كان في حجري اكياس شيبسي .قعدنا بالترتيب جدي وجنبه خطيبي وجنبه عمي جميل...
انا وخطيبي بينا زعل كبير ومش بنتكلم ..وده ال شفته ف الاستخاره خير
جدو متوفي وكان بيحب خطيبي.اعمامي اسمهم جميل وجمال
البنات معرفهمش .خطيبي في حيره

نسيت اقول ان في الاستخاره ..الحلم الاولاني انا بعد ما روحت كان في ايدي ازازه ماء ورد وقطنه وبمسح بيها وشي وطلعت تراكمات كانت ع وشي فالقطنه.بصيت ع وشي ف المرايه كان بقي نقي

حلمت خير اللهم اجعله خير 
بنات خال جوزى فيه بينهم وبين اهل جوزى مشاكل وكده ومقاطعين بعض
المهم حلمت انى في بيت خال جوزى وواحدة من بناتها اسمها سمر البنت دى فى الحقيقة متجوزة ومخلفة بنتين فى الحلم انها حتتخطب لواحد وبيحضروا البيت عشان الخطوبة وجايبين ترابيزات وبيحطوا عليها مفارش لونها نبيتي وعمالين يجهزوا للخطوبة فانا قولت انا حنشي فمرات خال جوزى قالتلى لا خليكي انتى لو مشيتى مش حترجعي قولتلها لا حرجع ومشيت ... وانا طالعه من البيت قابلت العريس واحدة تخين بكرش وسوستة بنطلونه مفتوحه والزرار مقطوع وكان شكله غريب كده ... روحت بيت والدى لقيت جارنا فاتح مشروع كده فدخلت اشوف ايه المشروع ده لقيت زى مكان كده بيظبط العرايس يوم الحنه يعنى بيعملوا حمام مغربي والكبام ده ... دخلت اتفرج لقيت بنت خال جوزى اخت العروسة اللى كانو بيحضروا لخطوبتها واقفة فى مكان كده فى وسط بنات عريانين وهى من تحت عريانه ومن فوق لابسه حاجه كده يادوب مغطياها ... والبنات واقفين بيرقصوا عريانين فى بعض ... والبنت دى اسمها سارة لقيتها مكسوفة منى وقاعدة بتتدارى منى  ولقيت وشها طالع فيه دقن  روحت مدياها ضهرى ومشيت

عملت استخاره كمان علي خطيبي بالنهار بين الضهر والعصر
كنت نايمه صحيت لقيت لساني بيردد لو انفقت ما في الارض جميعا ما الفت بين قلوبهم ولكن الله الف بينهم 3 مرات ودون وعي مني وبس
انا عدت الاستخاره عليه اكتر من3 مرات خير طمنيني

سلام عليكم 
جوز اختى حلم الحلم ده 
اللهم اجعله خير ان ماما بتيعيط وبتقول شايفين بيعمل فينا ايه وكانت تقصد بابا
وانتهى الحلم 
ماما المفروض تفتح موضوع مع بابا يخصنى قريب وكل مرة اتفتح فيها قبل كده الموضوع ده تحصل مشاكل

حام 14 رايت خيرا باذن الله ان انا فى الصالة وباغير هدومى وبالبس بنطلون اسود بتاع خروج وبادى كت اسود برده وكان شكلهم حلو عليا ومظبوطين واول ما لبست لقيت اخويا خارج من الاوضة وبيقول لى ان لازم مش فاكرة بالظبط الكلام بس معناه ان احنا نروح لبابا او هو يجي لنا تانى ويرجع الود بنا وانا كنت عمالة اقوله ونرجع تانى للى كان بيحصل واللى كان بيعمله بس بصوت عالى وعماله اقول ان احنا كده مرتاحين ليه نرجع تانى واقعد افكره باللي بيعمله واللى كنا بنقاسيه
وكانت الشقة هادية ونضيفة وجميلة واخويا كان بيكلمنى كان لسانه تقيل شوية رحت قلت اه دى اعراض الانسحاب بتاعة المرض
بابا منفصل عن ماما بقالهم اربع سنين واحنا كمان مش بنشوفه ومنعرفش حاجة عنه للى كان بيعمله فينا
انسه واخويا اعزب
البنطلون الاسود ده عندى بس اللي كنت بالبسه فى الحلم اوسع واحلى
واخويا مريض بس الحمد لله بدأ يتعافى من المرض

سلام عليكم ياماما 
انا بقالى فترة بشك فى محمد  انه بيكلم واحدة تانية والموضوع ده عاملى قلق ومشاكل معاه كتير وتقريبا مابنتكلمش بسب زعله منى انى بشك فيه 
وحلمت حلم مش فاكراه كويس بس اللى فاكراه انى كنت عندهم فى البيت وفى بنوتة هناك مش عارفاها بس فى الحلم قريبتهم هى صغيرة 10 او 12 سنة وسالتها هو محمد بيكلم حد قالتلى اه هو طول النهار بيتكلم مع واحدة اسمها مدام الفت انا استغربت قولت مدام الفت يعنى مش واحدة مصاحبها هيقولها مدام الفت ولا هو بيكلم مدام الفت زميلتى بس دى فى سن مامته وفضلت محتارة كده وهو كان موجود فى البيت ياماما لكن ماكلمنيش

الحلم رقم ١٥
السلام عليكم ورحمه الله وبركاته

كل سنه وحضرتك بالف خير وسعاده ياااااااااااااارب

جدتى حلمت انها شافت ابوها المتوفى قاعد على كرسى ولابس بدلته النص كم وبيعيط
وصحيت من النوم على كده ودى اول مرة تحلم بيه من يوم وفاته من ٢٦ سنه
جدتى ارمله وعندها ٥ بنات متزوجين كلهم