الحلم رقم ١
السلام عليكم ورحمه الله وبركاته
ازيك يا ماما نجيه كل سنه وحضرتك بألف خير وسعاده يااااااااااااااارب
انا حلمت انى موجوده عند خالتى وكانت عامله عزومه كان فيها اكل كتير ما شاء الله
محشى فلفل وكوسه وبوفتيك وبانيه ولحمه قطع وكفته وسمك
انا اكلت كتير وكان الاكل طعمه حلو بس الكفته فيه منها محمر شويه ومنهما مش محمرة وكنت فهماها نيه بس أكلت منها مكنتش نيه
وأكلت واحده بوفتيك وجزء من قطعه لحمه
وانا باكل كنت عايزة اخد قطعه بانيه بصيت على الترابيزة ملقتهوش قومت ادور فى المطبخ لاقيت خالتى حاطه طبق البوفتيك وطبق البانيه بعيد جيت اخد منه خالتى قالتلى عايزة ايه قولتلها هاخد بانيه قالتلى تعالى الاكل هنا كتير
وانا اضايقت واتحرجت وروحت على الترابيزة تانى ومأكلتش وماما قالتلى خلصى السمكه بتاعتك قولتلها لا مش عايزة خديها انتى
وكانت خالتى التانيه قاعده جنبى بتاكل وقالتلى انا هعمل نص كيلو بانيه ليها ولابنها وجوزها واتنين من صحابه وانا كنت مستغربه ان نص كيلو مش هيكفى بس انا عارفه ان ظروفها صعبه شويه
فيه حاجات كتير تانيه بس انا مش فكراها
انا مكتوب كتابى ومأجله فرحى لان اخويا عمل حادثه ودخل السجن بقاله ٨ شهور ومستنيه ربنا يفرجها قريب ويطلع بالسلامه ياااااااارب
