الحلم رقم (8)
حلمت ان انا كنت بكتب تعليقات على منشورات شخص كنت اعرفه على الفيس تعليقات كانت عادية وبعد كده اتكلمنا فى الشات وكنا بنتكلم على المشاكل اللى حصلت بيننا وبسببها افترقنا انا كنت بقوله
انت السبب فى الفراق وهو كان بيقول انا مكنش قصدى الفراق المهم الحوار كان بطريقة عادية ومش متعصبين كإننا بنعاتب بعض كنت بقوله انت عملت كذا وهو كان بيشرح عمل كده ليه واحنا بنتكلم انا بصيت لقيت الساعة كانت تلاتة ونص والعصر كان خلاص على آذان
فى الحقيقة انا مش بكتب عنده تعليقات خالص وكمان هو دلوقتى مش عندى فى الاصدقاء ومش متواصلين من فترة طويلة
هو كان بيحبنى من سنتين تقريبا وسيبنا بعض وهو حاليا خاطب
معلش فى حلم تانى حلمت انى كنت فى المدرسة وكان معايا كراسة قديمة بتاعتى كنت عايزة اعرف الكراسة بتاعت سنة كام لقيتها بتاعت سنة رابعة ابتدائى كانت مكتوب الفصل تالتة رابع زى كده 3/4 وكانت كراسة مادة الاقتصاد المنزلى
فتحتها واتفرجت فيها وكنت بضحك على خطى وانا صغيرة بس لقيت الصفحات الاخيرة من الكراسة كان خطى حلو وكانت الكتابة مظبوطة على السطور وبعدين شوفت واحدة صاحبتى اسمها منى كانت معايا فى الابتدائى كان شكلها زعلانة ومعاها مشكلة وانا كنت قاعدة على الكرسى وهى كانت واقفة قدامى فأنا وقفت علشان اسمع مشكلتها وبعدين انا رجعت قعدت تانى على الكرسى قولتلها معلش دلوقتى مشكلتك تتحل
هى كان عندها مشكلة فى الاوراق بتاعتها هى واخوها اسمه مصطفى هما الاتنين كان عندهم مشكلة فى الاوراق بتاعتهم ووالدهم جاء المدرسة علشان يحل المشكلة وخلص الحلم على كده واخوها مصطفى كان معانا فى الابتدائى فى نفس المدرسة
فى الحقيقة معرفش عنهم حاجة حاليا
انا آنسة وحالتى الدينية متوسطة
