تفسير احلام يوم الاربعاء الموافق 8\16 ان شاء الله

حلم رقم 1
حلمت خير اللهم اجعله خير ان زوجي جاب ليا ثلاث ثعابين لونهم ابيض وكان عيزني احتفظ بيهم لحد يوم الثلاثاء بس الثعابين دول صغيرين وانا رفضت وكان عايز يحطهم في الصاله

ماما معلش بعد اذنك أنا بقالي يومين ورا بعض بحلم بي بابا الله يرحمه ويغفر له ويسكنه فسيح جناته اول مرة جه زعلان واداني حاجه ومشي من غير ما يكلمني والمرة التانيه اخدني أنا وعيالي بالعربيه بتاعته وكنت في شارع زي شارع خالد ابن الوليد في اسكندريه وجاب ليا ولعيالي اكل وحجز لينا شقه بس بردوا كان زعلان ومش بيكلمني وهو دائما بيجيلي مبسوط وبيكلمني ..
وجزاكم الله خيرا يا ماما

سلام عليكم
انا حلمت انى كنت بردد (ربى لا تذرنى فردا وانت خير الوارثين) رددتها كزا مره وصحيت
للعلم انا حامل وقربت اولد وعندى بنت

السلام عليكم ورحمة الله وبركاته حلمت انى بشترى جزر كتير ويختار الجزر الكبير وبترك الصغير وأخذت من أخى المتزوج الفلوس انسه

السلام عليكم
كل سنة وحضرتك بخير وصحة
حلمت انى بولد ف مستشفى وولدت قيصري وقمت اتمشي ومش تعبانة خالص زى ولاداتى القديمة ولقيت الممرضة شايلة بنوتة ماشاء الله حلوة اوى شلتها وقعدت ابوس فيها وقلت لها انا ولدت ولد تالت قالت اة قلت سيبية انا هاشيل البنوتة دى ودورت على امها ودخلت لها الاوضة لقيتها نايمة تعبانة وجوزها نايم جنبها وانا حقيقي عمرى ماشفتها قبل كدة قلت لها قومى شوفى بنتك القمر دى اسمها نوران قالت لا هاسميها رحمة على اسم اختى وانا حاسمة البنت وحبتها قوى وامها قعدت واتكلمت معايا تشتكى من أخوها عايز ياخد شقتها يتجوز فيها وكلام كتير مع العلم انى ماعرفش البنت دى ولا عمرى شفتها وانا مش حامل وعندى ولديم


وحلمت انى قاعدة ف اوضتى عند ماما واخويا الله يرحمة قاعد معايا وواحدة ماعرفهاش وبنشرب سجاير ولقيت أخويا ماسك سيجار غالى اوى قلت لة هات اما ادوقها وفضلت اشرب لحد ماخلصت السيجارة مع العلم انى مش مدخنة وبكرة التدخين

ماما
واحده صاحبتي حلمت اني طالعه سلم طياره انا وأولادي حسين وعبد الله بس كان اسمه عبد الرحمن في الحلم وكانت بتودعني من تحت السلم وكنت لابسه ملابس الإحرام عبايه بيضا وطرحه بيضا وأولادي كمان وكانت واقفه وراها امي الله يرحمها بعبايه بيضا وبتناديني اني اعملها عمره ومش انسى وبعدها دخلت ممر للطياره ورايحه السعوديه انا وأولادي.
صاحبتي دي ملتزمة الحمدلله

السلام عليكم
انا حاليا تعبانة جدا لجرثومة المعدة ونفسي ازور ماما ومش قادرة
فحلمت ان انا راكبة توكتوك مع اخويا الله يرحمة وابنى فقلت كويس خلاص هاروح معاة عند ماما ودخل التوكتوك ف شارع واترفع برافعة حديد وانا كنت خايفة جدا من الارتفاع ونزلت من التوكتوك واخويا مشي وقالى هاجى تانى وابنى ماعرفش راح فين ووقفت استنى ف مدخل كدة لقيت قطة صغيرة جاية تعض فيا وحاسة أنها زى البييبي الصغير نفسها تنطق وتتكلم وبعدين لقيتنى قاعدة لابسة الاسدال ف شقتى مع جوزى واولادى ولقيت اخو صاحبتى وجوزها عندى ف البيت وهما ماشاء الله ملتزمين دينيا جدا وبيصلحو لجوزى حاجات وانا مستغربة لانهم مدرسين وكل شوية اشاور لجوزى انة هايزاهم يرقونى او يقرأو عليا قران وجوزى مش راضي لحد مامشيو

حلم 9

هو الحلم لصاحبتي هيا حلمت بمامتها المتوفيه بتزعقلها وبتقولها ابعدي عن الشخص اللي انتي تعرفيه دا وانا زعلانه منك ومش هكلمك غير لما تبقي كويسه زي ما كونتي انتي مش بنتي انتي مستحملاه ليه دا بيضايقك وبيتعبك وكلام من دا.
بصي يا ماما هو الشخص دا هيتقدملها بس هو عنده ظروف نع اهله عشان كدا الموضوع اتأجل

الحلم لحماتى
رأت انها تجلس على قاعدة الحمام اعزك الله وكان لا يوجد بها ماسورة ثم وجدت قاذورات خرجت ثم وضعتها جانبا ثم حملتها وتخلصت منها ثم رأت والدتها المتوفية وخالتها المتوفية وتقول لها تعالى ووجدت خياطة كثيرة مركونة ووجدت دجاج وارانب وطيور ثم حاوطت عليهم وحبستهم ثم جاءت ببيضتين ثم وضعتهم فى التراب
كانت تعمل خياطة وبالفعل لديها خياطة كثيرة وايضا تربي الطيور فى المنزل ومهمومة واولادها يعيشون معها بنفس المنزل

حلم ١٣
سلام عليكم
حلمت ان مرات خالي الي لسه متوفية رمضان اللى فات انها بتكلم بنتها وبتقولها انتي سيباني كده شعري مبلول كده هيقع اعمليهولي ضفيرة وبنت خالي راحت عملهولها ضفيرة رحت انا قولتلها يا هبة هي ازاي ميتة وبتكلمك قالتلي هي بتكلمني انا بس عادي ...مع العلم ان مرات خالي في الحلم دا لابسة نفس الجلابية الي جاتلي بيها في حلم قبله وكان لونها موف
ولما حاكيت لبنت خالي علي الحلم قالتلي انها دائماً كانت تقولي اعمليلي شعري ضفيرة مش بحبه مبلول كدة

السلام عليكم ورحمة الله
كل عام وانتى بخير اختى الغاليه
حلمت خير انى داخلة عمارة بيتنا بيت اهلى يعنى واحنا عندنا فى العمارة كريات كبيرة لقيت خالتى المتوفيه الله يرحمها واقفة تبث على نفسها فى المرايا وشعرها مقصوص وعاملة مكياج سلمت عليها وقولتلها حلوة وجميلة كنوع من المجاملة وحضنتها وبعدين لقيت ابن عمى المتوفى بسلم عليه واحد قالى مش هو ده ابنه قولتلوا كبر وبقى شبه أبوه قولوا انى قريته من العيله وبعدين لقيت اختى الحاجة الكبيرة نازلة على السلم هى وامى المتوفيه الله يرحمها فرحت قلبى نط من مكانه لما شفت انى حضنتها لقيتها تعبانه وقالت أنا دايخه ووقعت على أرض قدامى طلعنا شقتنا وفاجاءة لقيت حفيدى ىالصغير اسمه حمزه معايا فوق فى شقة العيلة وهو ما شاء الله طويل هو عنده سنتين بس لقيته فى الحلم طول خفت عليه من الحسد لانى شفت اختى تانيه قاعدة وهى للاسف بتحسد وبقيت كل شويه لنادى عليه واقول الله اكبر تعالى يا حمزه وامسكه فى ايدى واقول الله اكبر بصوت عالى المهم دخلت اسلم على ابويا هو اصلا متوفى بس لقيته قاعد على كنبه قولتلوا بابا واترميت عليه بلهفة لأنه وحشانى جدا حضنى قوووووى وقالى تعبان لقيته زى مهمد كدة وقالى انا وامك تعبانين تناثرت قوى من كلمه بابا وصعبوا عليا وقلبى وجعنى وبقيت اقول يااااارب ابويا وامى يااااارب يعنى بمعنى الاتنين تعبانين بس بابا وجعنى قوى تعبه ولما حضنى قوى قلبى بقى يبكى عليه وقمت من النوم على عياطى وصوتى وانا بقول يااارب انى وابويا ملحوظه ابويا مات احسن موته ابويا كان بيعمل كل الخير اللى فى الدنيا ومعرفناش غير بعد ما مات ابويا كلنا كنا بنشوفه مع الصالحين من شيخ شعرواى وأمثاله الله يرحمهم جميعا مش عارفة يا حتى ليه شفت كل الاموات كدة لا تخفى عليكى انا نفسيا تعبانه من كل حاجة فى حياتى المعيشنى بفضل الله ذكر الله والاستغفار

حلمت انى واقفة انا وعيالى في مكان زى منطقة العاب وواقفين على سور كدة بنتفرج جت واحدة صاحبتى ومعاها عيالها وصاحبتها وعيالها وكأنة احنا في عيد والكل لابس لبس جديد فهى شافتنى واستنى أنها تسلم عليا ماعبرتنيش زعلت جدا واتشاكلت معاها ومديت ايدى عليها وقلت عشان يعنى هى لابسة لبس جديد وانا لابسة قديم ...