تفسير احلام يوم الاربعاء الموافق 11\2 ان شاء الله

رقم 1....كنت حلمت من حوالى 3 شهور ...الحلم كان انه انا واقفة فى شقة تشبه شقة والدى القديمة و فيه ناس دخلوا عندنا واحدة ست أعرفها معرفة بسيطة و اسمها منال و فى الحلم أخوها جاى يخطب بنتى و فضلنا واقفين كلنا و تقريبا كنا بنتكلم عن هدية ....بعدها بكام يوم واحدة صاحبتى (بس مش منال اللى فى الحلم )قالت لى على واحد عايز عروسة بس هو مسافر بيشتغل برة و هى قالت لهم على بنتى ...و الموضوع من ساعتها محصلش فيه حاجة و محدش اتكلم معانا ،،،،حلمت من يومين أن ماما الله يرحمها بتبص من الشباك فى شقتها و بتقول أن البطة وقعت و انا رحت بصيت من الشباك و لقيت فعلا بطة واقعة و هى بطة تشبه الفرخة اللى لسه مش مطبوخة و رقبتها مربوط فيها زى خيط ....و بعدين ماما قالت لى انه هى هتكلم بنت عمى و اسألها ليه العريس ما اتكلمش لحد دلوقتي و انا قلت لها ما اتكلمش و مادام هو ما جاش لحد دلوقتى يبقى خلاص مافيش موضوع اصلا ....و بعدين قلت لها هم لو كامو قالو انه فاضل له سنة احنا كان ممكن نستناه لو لقينا انه كويس و عجبنى ...فى الحلم كنت اقصد انه زى ما يكون العريس لسه بيدرس و فاضل له سنة ..العريس فى الحقيقة بيشتغل مش بيدرس ..

حلم 3

ماما انا كنت قولتلك علي حلمين كانت حلمتهم صحبتي بخصوص شخص كنا مرتبطين ومحصلش نصيب انا حلمت اني تزوجت من الشخص دا وكنت حامل منه وبعدين كنت ف الشارع وكان في واحد ماسك سكينه وعايز يضربني بيها ف انا كنت بحاول اقاومو ومسكت ايدو جامد وكنت بشد منه السكينه بس معرفتش وبعدين الشخص دا ضربني بالسكينه جامد ف بطني ونزفت كتير بعدين فقدت الوعي وصحيت لقيت نفسي في المستشفي والشخص دا جمبي وقالي متزعليش وهنجيب غير الولد دا وحاجات غريبه كدا
اامهم انا مش عارفه دا حديث نفس ولا حلم ولا رؤيا بس قولت اقولك يا ماما لاني صليت الفجر ونمت وحلمت بالحلم دا

معلش يا ماما هقولك علي حلم كمان لانه كان ف نفس الليله
انا حلمت اني كنت انا وماما ف الشارع وفجأه حصل برق ورعد ف السما بشكل جامد اوي والسما كانت قريبه مننا جدا وبعدين ظهرت نجوم كتيره اوي في السما وفجأه كأن كوكب الارض بيتحرك من مكانو والسما كانت قريبه اوي وكان فيها نجوم وكواكب ومجرات

حلمت اني بغسل كعب رجلي لانه كان متسخ
وحلمت اني كنت مع اختي في مكان في الشارع وقاعد فيه ناس صحاب ليها بس باين عليهم زعل شويه فاختي راحت تسالهم مالهم مردوش ..هما كانو بنات مسيحيين فنا بقولهم السيده مريم فيها حاجه عشن كده انتو زعلانين عشانها فقالولي اه ....فبقول فنفسي انا عرفت ازاي !
كان في حاجه زي كومودينو عالي لقيتني بطلعه بطلع علي اليد بتاع كل درج فيه لحد ما طلعت لفوق وبصيت للسما وبقولهم انا مكاني فوق وببص لفوق لقيت القمر بدر
نزلت الكمودينو العالي ده وانا مستغربه نفسي ازاي طلعت ونزلت لوحدي ومن غير ما حد يسندني مع ان الطبيعي اني بخاف بس مخفتش .
وحلمت اني روحت مع زميلتي للدكتور عشن هتولد وكان جسمها حلو ومتناسق وجوزها كان واقف مستني الدكتور انه يجي يولدها
وشفت صاحبه ليا لابسه فستان ابيض ووافقه وسط بنات بيصلو ف الطريق وعلي بعد مسافه قصيره شفت خطيبها ف المسجد هو كمان بيصلي
انا بمر بكرب وبدعي كتير
في شخص انا بتمناه وبدعي ربنا يجعله من نصيبي
صاحبتي اسمها ايناس وفرحها الاسبوع الجاي

رقم 6 ،.....صليت استخارة بالليل و نمت حلمت أنى واقفة فى مطبخ و فيه شباك على الشارع و زى بقول انى عايزة أفتح الشباك و لقيت انى واقفة قدام البوتاجاز و فيه 3 حلل كبيرة و فيهم لحمة بتستوى و زى قلبت فى الحلة شوية و اللحمة كانت كتير و لقيت اللحمة اللى فى الحلة التالتة شكلها شبه اللحمة المفرومة و قلت المفروض أنها مكعبات أزاى بقت كده ...و مسكت اللحمة لقيتها زى حتة طويلة و لونها من الأطراف زى ما تكون مستوية لكن فيه جزء من النص شكله لونه بمبي غامق يعنى لسه مش مستوى و قلت خلاص يستوى الجزء ده و كده يبقى عندى لحمة كتير اشيلها .....حلمت كمان انى واقفة فى مكان و فيه ناس واقفين جنبي بس انا كنت ورا شوية و فيه راجل زى حرامى مثلا و يهدد الناس و بيقول كله يرفع ايديه و لقيت قدامى ضابط على كتفه 3 نجوم يعنى رتبة نقيب شرطة و قلع الجاكيت بتاعه و طلع مسدس و ضرب الحرامي بالرصاص و الحرامى وقع و انا زعقت و قلت كفاية يعنى اقصد انه ما يضربوش تانى علشان ما يموتش بس الضابط ضربه بالرصاص كمان ....شكرا

رقم 7 ....عملت استخارة تانى ...حلمت انى واقفة فى المطبخ و لقيت واحدة قريبتي هى متوفية فى الحقيقة لقيتها زى ما تكون جاية من السفر و بتقول أنها تعبانة و هتعمل أشعة و قالت انه الجو حر فى البلد اللى جاية منها و عندنا كمان حر ...و بعدين لقيتها ماسكة كام قصرية زرع صغيرين و بتنظفهم بالليفة بتاعة المواعين و انا اخدت اللليفة غسلتها علشان مطرح ما غسلت القصارى بتاعت الزرع و بعدين لقيت حلتين على البوتاجاز و المفروض فيهم أكل بيستوى ....و بعدين طلعت الصالة لقيت ناس تانيين اقاربنا قاعدين و لقيت علبة كبيرة و فيها جاتوه كتير معظمه عليه سكر ابيض و اخدت واحدة و قسمتها و أكلت نصها و قعدت جنب جوزى و التليفزيون كان شغال و فيه واحدة ترقص تقريبا ...و بعدين انا قاعدة أقول فاضل قد ايه على المغرب يعنى زى ما نكون فى رمضان و بعمل الأكل و الناس دى تفطر معانا و بيقول عايزة اجيب قطايف ....شكرا

رقم 8

حلمت اني واقفة عند صاحبتي . .جارة ماما … ولقيت اخويا الله يرحمة بيسلم علي بابا ويبوسة انا  فرحت جداا وقلت يااة الحمد لله كل اللي فات دا كان حلم وهو عايش ورحت البيت ولقيتة قاعد سلمت علية وبوستة وكاني هاسافر  للسعودية مع  اختي  لجوزها وبدأت اجهز شنطة السفر واخويا قاعد جنبي وفضلت محتارة هالبس اية وانا مسافرة واختي جت وساعدتني واتاخرت علي العربية اللي هاتوصلنا المطار وبدأو  يندهو علي اسمي  وناس تانية وماما زعلانة عشان انا واختي مسافرين 


وحلمت برضة باخويا المتوفي اني راحة ازور واحدة صاحبتي لقيت ع الارض صابون لونة دهبي وجميل مش شكل الصابون وكان في حمام قدام شقة صحبتي اخويا جة وخد مني الصابونة وغسل راسة  وكان لابس بدلة فانا قلت لة بليت نفسك ونشفت راسة ودخلت عند صاحبتي وسلمنا عليها هي واختها

9
السلام عليكم انا حلمت اني دخلت مكان يبيع الاقمش و الخمارات فاخدت قماش و خمار باج بعدها لقيت ان القماش لابساه امراة اخرى لا اعرفها و جيت اشوف الخمار الدي اخدته لقيته مش هو لقيته خمار طويل و لونه بنفسجي فقلت ان نه مش الخمار الي  اخترته فقالوا لي ان هدا رائع و مش عارفة بعد كده اخدته ام لا. انسة- امور الزواج عندي معطلة