تفسير احلام يوم الاربعاء الموافق 9\21 ان شاء الله

1
رايت اني منت بدرس في المعهد في احد الاقسام بس كان الفصل فارغ ما فيه الا انا... خرجت منو و لما ترجعت وجدت فيه طلاب و مدرس.. استاذنت مشان اخد ادواتي و كتبي.. دخلت و رحت ابحث فلقيت جزء و الباقي ما لقيت حتى دروسي الي عملتها في مين اخدها فغضبت و انتهت الرؤيا..
انا ما بدرس و ابحث عن وظيفة مناسبة

حلم رقم 2
حلمت انى فى ساحة الكلية بتاعتى و قابلت دكتور كان يدرس لى فى الكلية اسمه جمال قال لى انى حيوصلنى فى سكته فى اخر اليوم انا و واحدة كمان لاننا فى الحلم كنا نسكن فى طريقه و بعدين ذهب هو لعمله و توجهت انا لمجموعه بنات واقفين فى ساحة الكلية كان يظهر عليهم انهم من طبقة ثرية و غير محجبات و كان فى الحلم واحدة منهم بنت عمى فانا روحت وقفت جنبها مع اصحابها لكن ظهر ان اصحابها كانوا بينظروا لى ان هو معقول انتى بنت عمها فهى أحرجت فأخدتى و استأذنت منهم و مشينا وقتها شوفت د.جمال خارج من مبنى الكلية و معاه ست كبيرة لابسه اسود و نضارة سوداء و قال يالا عشان اوصلكم
و جاب عربيته امامنا فلقيت العربية عبارة عن عربية نقل كبيرة او شاحنة بيضاء كبيرة جدا و استغربت ذلك قولت اكيد اللى بيسوقها حيكون شخص قوى يقدر يتحكم فى دى كلها و ركبت بنت عمى و لما جيت اركب انا لقيت العربية اتحركت و مشيت و هى ماشية كانت بتلف فى ملف فخبطت فى عربية بيضاء صغيرة واقفة على جنب الطريق بس يادوب لامستها يعنى حركتها فقط حركة طفيفة فى مكانها و محصلش حاجة تانية و بعدين الشاحنة حودت فى الملف فأنا روحت بصيت عليها بعد الملف بقول ليه مشيوا و سابونى بس لقتيها واقفة على اول الطريق مستنيانى
فروحت قدامها علشان اركب لقيت الباب الامامى مقفول فشاورلى لى من الداخل ان اركب من الباب اللى فى اخر العربية و فتح فعلا و ركبت
و بعدين شوفت نفسى فى منزل كأننا وصلنا و كانت شقة راقية جدا و كنت رايحة الحمام فلقيت بنت عمى اللى فى الحلم خارجة منه و ماسكة طبق مكرونة
و انا لما دخلت بصيت لحمام كان ضيق يادوب بمساحة تواليت و حوض فوقه مرايه و لكن كان نظيف جدا و شيك فدخلت و بصيت للمراية وقتها و مش فاكرة بالظبط تقريبا كنت ماسكة شعرى بس مش متأكده بالظبط انا فاكرة كويس انى دخلت و كنت ببص قدام المراية اخر الحلم

انسة و موظفة

الحلم رقم4
حلمت اللهم اجعله خير ان احنا فى عيد وماما جيه تزورنى وكانت جيبالى حجات للعيد بس كانت كتير اوى وفيهم كرتونه فيها حاجات وبابا الله يرحمه كان معاه وكان جايب فى ايديه حلويات جاتوه وحاجات من ديه وبعدين بابا قعد وبعد كده لقيته قعد يعيط وراح مطلع زى منديل او ايشرب اسود وقعد يمسح بيه عينه وبعد كده اخوات جوزى البنات كانوا قاعدين فراحوا قالوا لبابا وماما اطلعوا الشقه عندى وبعدين طالعنا وبعد كده وانا طالعه لقيت فلوس بس مش بتعتى رحت سبتها ومشيت وبعد كده لقيت اقدام شقتى اطفال لسه مولدين وكانوا محطوطين فى حاجه زى طشت كده وكان فيه مياه وكانوا حوالى اربع عيال فانا قولت اه ده فيهم البتين بنات ماهر(ماهر ده سلفى ومراته غضبانه وهو مخلف بنتين فعلا) وبعدين دخلت الشقه وبعد كده سمعت حد بيدور على الفلوس اللى انا لقيتها فقلت الحمد لله ان انا ماخدتهمش علشان اهو فى واحد بيسال عليهم     وبعد كده يا ماما انا شفت مشهد بس مش عارفه نفس الحلم ولا ايه شفت ان انا لبسه كوتشى ابيض وكان عاجبنى اوى وكان فى واحده عايزه تاخده بس انا مردتش وقلتلها ده جديد ده اول لبسه وفضلت لبساه وصحيت على كده
انا يا ماما متزوجه بقالى سنه وحامل جديد

الحلم رقم ٥
حلمت اني قاعدة فشقتي ولقيت ناس سكنت فالشقة الي جمنبي هي فالحقيقة فاضية وجوزي قالي دول ناس هيقعدو فالشقة دي وقت الدراسة بس وبعدها طلعت البلكونة لقيت المحل الي فالبيت الي قصدي بقي شقة ارضي والسكان فارشين كنب وقاعدين فالشارع وبعدها لقيت صاحب البيت الي احنا فيه جابلنا اسرتين عددهم كبيى يعيشو معانا فالشقة وانا مبقتش عارفة اقعد فحتة ولاانام ولا انيم بنتي فمكان ولا عارفة اقف فالبلكونة من الناس الي فارشة فالشارع لاني دور اول وبدأت اضايق واقولهم دة ميصحش ازاي صاحب البيت بعد مابعلنا الشقة يجيب سكان تاني انا هتصل بابويا يجي ياخد موقف لان جوزي مش هيسلك مع صاحب البيت وبعدها لقيت اسرة منهم لمو حجاتهم ومشيو انا قولتلهم معلش متزعلوش بس غصب عني وعيني دمعت

حلم ٧ 
السلام عليكم.. انا حلمت ان ماما بتتصل بجارتنا تسأل عليها (للعلم جارتنا دى ست كبيره ومن سنييين عزلو وماما متعرفش عنهم حاجه ولا عمرها اتصلت بيها وانا عرفت من بنتها انها توفت من سنتين ) المهم انا شوفت ماما بتتصل وبتكلمها جيت اجرى على ماما عشان اقولها ان الست دى ماتت اصلا ومتتصلش لقيتها عماله تكلمها وتقولها انتى فين والست كانت فالاول بتكلمها كويس وبتسلم وانا سماعه صوتها من التليفون عالى وبعد كدا لقيتها عماله تتهه فالكلام وتقول انا انا ومش عرفه تقول هى فين كأنها بتتعذب فافضلت اشاور لماما تقفل عشان اقولها انا ميته وماما مش فاهمه روحت خدت منها التليفون بسرعه وقفلت انا وبعدها وماما قعده عالكرسى صوت الست دى زى اللى دخل جسم امى وبيألمها فى جسمها اوى وانا حسيت ان روح الست دى دخلت جسمها وعيزه تاخد روحها فضلت ادوس على رجل ماما وكانت الشمال وبالزات صوباعها الكبير واقرا قرءان كتير قريت الموعذات التلاته وسوره الكافرون واستعيذ بالله من الشيطان قامت ماما قلتلى خلاص ياحبيبتى وقامت ودخلت اوضتها لقيت اختى بتضوت وتقولى الخقى شوفى ماما جريت عالاوضه لقيتها ضلمه وصوت ناااااس كتيييير وزحمه ببص لقيتها زحمه وامى بتتنطط بطريقه تخوف جدا والاصوات دى طالعه منها بتقول كلام مش مفهوم معرفش اعانى ولا صويت صوت مش مفهوم فيه زحمه واشخاص كتير فى صوتها وبتضحك وهى بتنطط فضلت امسكها جامد عشان تبطل وندهت بابا يشوفها وصحيت يااااارب يكون خير طمنينى الله يباركلك

8
حلم بابا ان والدته -جدتي-كانت في مطعم وضاعت في المطعم وبحث عنها ولم يجدها ثم فجاة خرجت وهي متلحفه كيس اسود ...
الليله هي عامله عزومه لبناتها واولادها

رقم 9 ...حلمت انى نازلة مع جوزى و بنتخانق نروح فين ...انا بقول ان بنتى الصغيرة عندها تمرين فى النادى و ﻻزم نروح وهو عايز يروح فرح حد قريبه تقريبا ابن خاله...و لقيت جوزى زى مايكون استغفلنى و ودانى الفرح و انا كنت متضايقة و دخلت سلمت على خاله و العريس و قلت لهم مبروك و لقيت واحدة مابقيتش عارفة هى العروسة وﻻ ﻻ و كانت ﻻبسة عادى و كانت قصيرة شوية و سلمت عليها و باركت لها ...و بعد شوية قلت لجوزى ﻻزم نمشي علشان التمرين الساعة 9 و بصيت فى الساعة لقيت الساعة 9 اﻻ 5 دقايق و اتنرفزت و رحت ماشية فتحت باب و طلعت و مشيت وانا متضايقة ....احنا مختلفين شوية انا وجوزى ﻻنه معروض عليه شغل فى محافظة تانية و انا مش موافقة و عملت استخارة كام مرة ع الموضوع ...خاله و ابن خاله فى الحلم شكلهم ناس معرفهمش و اصﻻ وﻻد خاله متجوزين كلهم ..

حلم رقم 10

انا حلمت ان شعري كان مفكوك وكان طووويل اوي وكان مموج كدا وبيلمع والناس كانو عمالين يقولولي ف الحلم ازاي شعرك حلو كدا وسيبيه كدا

حلمت بإبن خالى هو متزوج
انه اهدى اختى المتزوجة هدية عبارة عن مجموعة عقود جميلة جداااااااااااااااا
ولما شفتهم مع اختى عجبونى اوى وكنت عايز اخد عقد منهم 
راحت هي قالتلى خديها كلها من قبل ما اطلب منها وهى مكنتش مهتمة بالهدية 
وعجبنى عقد بفصوص من ضمن العقود وخدته  والعقود كانت فضه 
مع العلم ان اختى حامل ولسه متزوجة من قريب
حلم تانى
كنت خارجة فى الحلم من اوضتى للرسبشن اتفاجئت بضيوف عندنا واتضايقت انهم شافونى وانا فاردة شعرى ولابسة جلابية البيت. وكانت قصيرة ، وجريت عشان البس نقابى وحجابى مع العلم ان البيت دة مش بتاعنا 
واهلى قالولى تعالى عادى كدة بلبسك عادى بس رفضت 
وبعد كدة عرفت من والدى ان الضيوف كان عريس جاى لى وكان معاه والده 
واللى عرفته ان الشاب كان معجب بى جدا ويعرفنى بس انا معرفوش 
والشاب كان ابيض البشرة وجميل 
بس والده قالى انا صريح معاكم ابنى مش بيتكلم واخرس والاب بيتكلم بسيط وباقى كلامه 
بالاشارة
واخى الكبير كان بيكلمه بالاشارة وبيفسر كلامه 
انتهى على كده 
حاليا انا انسة وبشتغل وفى اخر سنة فى الجامعة
فى شخص معجبة بى وبدعى ربنا يجعله من نصيبي لو خير
وفى عريس احتمال مامته هتكلمنى بعد يومين بس انا معرفش اى حاجة عنه لسه