تفسير احلام يوم الجمعة الموافق 8\7 ان شاء الله

حلم رقم 1
حلمت بواحدة صاحبتى هي حاليا متجوزة بقالها شهر او اقل بس حلمت انها قبل فرحها بايام ولعت في نفسها
انا كنت في مكان زى بيت كده ومعايا بنات صحابي منهم اللى يعرف صاحبتى دى ومنهم اللى ميعرفهاش
اللى حصل ان دخلنا اوضة كده لقينا موبايل واحدة صاحبتنى بس هي متعرفش صاحبتى اللى حلمت بيها دى بس لقينا موبايلها كان مع صاحبتى اللى ولعت في نفسها دى
ولقيناها كانت مصورة نفسها فيديو وهي بتولع واحنا عرفنا اللى حصل ده لما شوفنا الفيديو وكان صعب جدا وفي الفيديو ظاهر جمبها حد شكله اعوذ بالله وحش اوووى عمال يزقها تقع وتقوم تانى والنار ماسكة فيها وهو يوقعها لحد مالنار اكلتها خالص
انا صحيت من الحلم مخضوضة وخايفة كان وحش وصعب اوى ياتري تفسيره ايه وخصوصا ان عندى مشاكل في البيت متعلقة بموضوع الجواز .. انا انسة عندى 23سنة

2 
انا متزوجة و عندي ولد
انا حلمت انى في شفتي وبيبص لقيت باب خفي بفتحه لقيته باب للبلكونة وكانت واسعه اووووى وفيها مرجيحه و زرع اخضر و كانت الشقة مختلفة عن الحقيقة كانت أوسع و اجمل وبقيت اقول لما يحي جوزي من الشغل حقوله علي المكان دا علشان حيروح

تاني حلم ماما حلمت اني انا وزوجي نازلين نشتري له بنطلونات وهو مرضيش يشتري وانا اشتريت 2 بنطلون واحد كحلي واحد اسود وكأنوا بناطيل رجالي

3
انا حلمت ان انا كنت في قاعات افراح تبع مكان اسمه جرين بلازا عندنا في اسكندرية وكنت كل شوية ادخل انا وناس كتير نتفرج علي القاعات وننبهر بيها وبجمالها وفضلنا علي كده لحد ما لقيت نفسي عايزة ادخل الحمام فجيت ادخل لقيت بنت البنت دي كانت معايا في الابتدائي اسمها شيماء فبتقولي انا هدخل قبليكي قولتلها لا انا اللي واقفة ومستنية قبليكي حاولت تدخل قبلي بس انا اللي دخلت الاول ولقيت الحمام مش نضيف اوي وطلعت عشان اتدخل قاعة تانية واشوفها ولقيتها جميلة جدا جدا بهرتتي جدا بس لقيت الارض مخرمة باللون الاسود واستغربت ولما سالت قالولي التخريم ده ديكور في القاعة العروسة والعريس طلبوه فقولت اه واعدت انا وناس كتير في كراسي في القاعة دي بنبص لشاشة كبيرة ولقيت العروسة والعريس اللي عيعملوا فرحهم في القاعة دي العريس شايل عروسته ومنظر رومانسي اوي قولت يا بختها احساسها اكيد احساس جميل دالوقتي كنت بحسدها يعني علشان حسيت انهم بيحبوا بعض اوي واتمنيت اكون مكانها او الاقي حد يحبني كده ونتجوز وببص لقستانها لقيته حلو جدا وبسيط اوي وقمة الشياكة وشكله مش معتاد وقولت انا لما اتجوز هعمل نفس لبفستان ده كده وانتهي الحلم وانا بتمني ابقي مكانها

ماما ده حلم صاحبتي
حلمت انها مع ضرتها في اوضه وكانت ضرتها لابسه جلباب احمر وبشعرها ومدياها ضهرها
وصاحبتي كان جنبها واحده دعيه لابسه ابيض وماسكه سبحه جميله زي اللولي. وكأنها بتديهالها وبتقولها هاتزةق بحاجه

حلمت خير اللهم اجعله خير يارب انى كنت قاعدة عادى لقيت راجل معرفوش جاى عليا وشكله عادى ميخوفش وماسك سيف كبير وكنت عارفة انه هيعمل فيا حاجة بيه فروحت ناطقة الشهادتين بمنتهى الهدوء ولا اتخضيت ولا اى حاجة ولقيت الراجل راح جاى بالسيف وراح قاسم جسمى من فوق لتحت نصين وكنت خلاص عارفة انى مت خلاص وزى ما يكون روحى انفصلت عن جسمى وشايفاه وانا طايرة فوقيه كده وكنت عادى خالص ولا مخصوصة ولا اى حاجة والغريب انى فى الحلم كنت متقبلة اللى حصل ده عادى ولا قمت مخصوصة حتى .. بس كده !

الحلم رقم (٦)
الحلم ده لصاحب اخويا ياطنط
حلم انه واقف في الصحراء وكان بيقول يارب خدني فوق عندك ولاقى نفسه طاير وبقى بيشوف الارض من فوق وبعدين لاقى نفسه بيعدي سما ورا سما والدنيا بتصعر من تحته وبعدين اتمنى انه يفضل طاير كده بس لاقى صوت بيقله انزل وهو بيقول لا مش عاريز انزل والصوت يقله لا حاتنزل ونزل عالارض فعلا

حلم 6
حلمت ان جوزي بيتفرج علي حاجات وحشة علي اللاب ومش فاكرة مين من اهلي جة مسك اللاب وشاف انة بيشوف الحاجات دي وانا كنت مكسوفة جدا وبقفل ف الصفحات المفتوحة دي
مع العلم انة الحمد لله ف الحقيقة مش بيتفرج


وحلمت بأخويا المتوفي اني عايزة انزلة صورة وكأن عندي صورة لة وهو رافع ايدة لفوق وبيغير لمبة وببص عليها لقيتة من غير هدوم تحت وجسمة واماكن حساسة باينة قلت خلاص هاقرب الصورة ومايبنش غير وشة بس عشان ماحدش يشوف

حلمت انى أرى فتاه ترتدى فستان سهره لونه روز وتدخل من مدخل عماره الفتاه لا اعرفها ولا أعرف العماره

حلمت انى أرى فتاه ترتدى فستان سهره لونه روز وتدخل من مدخل عماره الفتاه لا اعرفها ولا أعرف العماره

الحلم رقم (٩)
حلمت خيراللهم اجعله خير بإنى فى محل حلويات بتاع واحدة صاحبتى وعماله ادوق من الحلويات اللى فيه وفجأة لقيت صحبتى تنحت شوية كده وسكتت وبتبص ورايا ... فبقولها اوعى تقولى ان ( دعاء ) جت ... دعاء دى كان اخويا حيخطبها واتوفى قبل الخطوبة بشهر ... المهم ببص ورايا لقيت فعلا دعاء جت وداخله محل الحلويات .. فأنا طلعت بره وانا معيطة ومرضتش اكلمها فلقيتها هى كمان داخله معيطة ولابسه فستان احمر سواريه وحامل على اخرها .. فصاحبتى بتقولى معلش ياشيرين دعاء كان لازم تتجوز بعد اخوكى وتكمل حياتها وهى حملت وحتولد ولد ... هى مش فرحانه بالجواز اد ماهى فرحانه انها حتجيب ولد وتبقي ام ... ومشيت وسيبتهم  

فى الحقيقة دعاء دى بترفض لحد النهارده كل العرسان من بعد اخويا وهى رافضة تماما الجواز  من حد غير احمد الله يرحمه .. بس انا ماليش علاقة بيها ولا حتى بكلمها

االسلام عليكم

الحلم ده بتاع اخت صاحبتي وهكتب بلسانها
((
انا اسمي شيماء حلمت ان حد بيقولي   ان ليلة القدر كانت يوم 27 وقولي لاختك صفاء ان عتقت من النار بس انتي لاء ))