تفسير احلام الجمعة الموافق 3\5 ان شاء الله

رقم2. .حلمت انى فى الشباك و فيه غسيل منشور و انا بالمه ..و لقيت واحدة جارة قديمة ليا واقفة برة الشباك واسمها حكمت و قلتلها انتى جيتى ده انا حلمت بيكى من يومين وزى هى ماصدقتش فانا حلفت لها قلت و الله حلمت انك جيتى ..و قلتلها انتى كنتى بتنشري مﻻيات خضرا بتاعتك عندى هنا زى المﻻيات اللى انا بالمها دى و كنت بالم الغسيل فعﻻ و اعتقد كان فيه مﻻية اخضر فاتح بس اللون ماكانش واضح قوى ف الحلم ..و لميت كل الغسيل ..و بعدين سالتها ابنك دخل كلية ايه قالتلى هندسة طيران ..و بعدين لقيت بنتى الكبيرة و ابنى و حكيتلهم انى شفتها وان ابنها دخل هندسة طيران ..شكرا

حلم رقم ٣ 

انا حلمت ان اخويا عايز ياخد شقه جديده وهو متزوج و عنده اولاد و مقدم على ترقيه 
وماما حلمت انها اخدت جاتوه كان محطوط ادامها و غالبا اكلته بس كده شكرًا جزيلا

6

حلمت منام غريب شوية خير يارب 
حلمت بعد الفجر انى معايا نوعين من المأكولات البحرية وماشية بيهم على اساس هبقى اكلهم بس كنت مش مرتاحة وانا شايلاهم ووانا ماشية لقيت فى سكتى حمام ابيض كتير قاعد بيطير فاتمنيت امسك واحدة واكلها لان كان معايا حبوب فلقيت واحدة بيضاء جميلة اووووى قربت منى وخلتنى امسكها ولقيتها جميلة اووووى وكنت فرحانة بيها فرحة فظيعة وقعدت ااكلها واطبطب عليها وبعدين لقيتها نطقت وكلمتنى ولقيتها بتسألنى وبتقوللى نفسك تتجوزى واحد مواصفاته ايه فقولتله على مواصفاتى فضحكت ولقيتها راحت طالعة من ايدى وطارت عمودى فى اتجاه السما وسقطت منها ريشة سودا فى ابيض ناعمة مسكتها واحتفظت بيها منها ولقيتنى بعدها لابس شال مشجر وحجاب وحاطة على صوابعى مناكير احمر ( رغم انى عادة مش بحط لون احمر خالص ) ولقيتنى ماشية باللبس ده وقلت خلاص انا هستغنى عن المأكولات اللى كنت جايباها لانى كنت محتفظة بيها غصب عنى وكنت رايحة جاية باللبس ده قدام الناس لدرجة ان العريس اللى محصلش معاه نصيب لقيته جاى فى وشى ومعدى من جنبى شافنى بيه بس مكلمنيش وبعدها لقيت بنت خالتى ( انسة ) جت وشافتنى باللبس ده فلقيتها راحت جايبة دبوس حاد وراحت مدخلاه فى ضهرى من وره فانا حسيت بالم فظيع وقعدت اقولها خرجيه من ضهرى ده بيوجعنى اوووووى بس هى اصرت تغرزه فقلت خلاص وجع ويفوت وانا هستحمل لحد ما يروح ويختفى وخلص المنام على كده 

الحلم رقم 8
السلام عليكم اخويا متجوز من سنة ومعندوش اولاد وانا انسة وحلم الحلم ده وبيقول

( اني انا كنت راجع من الشغل وداخل شارعنا ومرات عمي كانت بتشتري حاجة من علي ناصية شارع تاني غير شارعنا وانا كنت شوفتها بس عملت مش واخد بالي فهي ندهت عليا وازيك انا كنت بحاول اجيلك بس مش عارفة طريق بيتك فكويس اني قابلتك عشان كنت عملهالك مفاجأة
المهم ختها ومروح لقيت معاها مشفتش كويس في الحلم بنت كبيرة وأطفال صغيرة برده معرفش شكلهم ومشفتش شكلهم حوالي 4 غير البنت الكبيرة بس ورايحين البيت وانا عمال اتصل بمراتي عشان متفتحش الباب بشعرها ولا وهي لابسة ترنج ولا حاجة المهم وصلنا عند البيت كانو هما دخلو وبصيت لقيت اختي جاية تزورني هي كمان وعمالة تدور علي حاجة تجبهالنا وقولتلها دي مرات عمي فوق وانا كنت نازل اجيبلهم حاجة وطالع قالتلي خلاص زي بعضه انا هعمل حسابهم معايا ويلا نطلع وبعدين نزلنا ومشيين في الشارع و ماشي مع مراتي كان في ايدي حاجة انا علي طول بستخدمها فبقولها شوفتي هي اول ماشافتها وقعت واتكسرت ازاي حسدت البتاعة قالتلي معلشي مش قصدها )

الحلم رقم 9

انا حلمت ان بابا واقف قدام مراية الحمام وبيغسل سنانه وبقت بيضا وحلوة جدااا وشكلها حلو وماما كانت مبسوطة و انا انبسطت بس قلت لماما خلي بابا ياخد باله لانه بيستعمل المعجون المبيض كل يوم وده غلط لان مفروض يستخدمه مرتين ف الاسبوع بس

انا انسة وبصلي الحمد لله وبابا كمان وماما ملتزمين ف الصلاة