تفسير احلام الجمعة الموافق 1\9ان شاء الله

حلم رقم 1


اختي حلمت ان هي كانت في امتحان ومكانتش عارفة تحل والوقت راح عليها ومحلتش حاجة وهي كانت متوترة واضايقت جدا ان هي محلتش حاجة وكانت مخنوقة
مع العلم انها في ثانوية عامة وامتحاناتها كمان يومين
الحلم دة كنت كتباة ف احلام الخميس ومش اتفسر ياماما

إستفسار بخصوص حلم إمبارح معلش
دا كان الحلم
حلم رقم 5انا انسة متوسطة التدين  اناعايزة أقول حاجة قبل ما أحكي الحلم انا عندي حسد أو سحر و روحت لكذا شيخ يرقيني رقية شرعية لكن بلا فائدة و خاتلي كانت قايلةلماما على شيخ تجيهولي  و ماما رافضة أومترددة  بس في حاجات  بيعملها معرفش كويسة و لالا لأن علمنا قليل في الحاجات ديه  و بنات خالتي قبل ما يتجوزوا كان عندهم نفس الموضوع اللي عاندي و بقوا كويسين دلوقت
الحلم : حلمت أن أنا كنت عند خالتي و أدتني 10 الاف جنيه عشان اشتري الفستان الأبيض بتاع الفرح بتاعي مع أني ماكنتش مرتبطة في الحلم قلتلها  لا انا هروح لماما أخذ منها الفلوس و اروح مع العلم أن مكان بيع الفساتين اللي جه في دماغي نفس اللي اشترت منه بنت خالتي  في فرحها  في الحقيقية و بنت خالتي  في الحقيقة متجوزة  و كانت بتعاني من حاجات قبل  خطوبتها و رجعت لها تاني  و  جابت الشيخ ده و بقت كويسة جدا جدا المهم أخذت من خالتي عشان بيتها قريب ال 10 الاف جنيه و كانوا محطوطين في شنطة صغيرة سوداء  و عديت في سكتي على كافيتيرية مغلقة و ألوانها رصاصي  الكافيتيريا دي مش موجودة في الحقيقة و ماكنش فيها ناس كتير كان فيها شاب قاعد وسيم جدا  و عدد قليل من الناس المهم قلت الفستان بألف جنيه  قمت واخدة ألف و سايبة التسع ألاف في الشنطة  على الترابيزة في الكافيتريا ومشيت في سكتي عشان أشتري الفستان و أفتكرت و انا في السكة أفتكرت أني سبت ال 9 الاف جنيه رجعت لهم تاني في الكافيتريا لاقيت الكافيتريا أتزحمت جدا و فضلت أدور على الفلوس مالقيتهاش خااالص قلت أعمل أيه أرجع الفلوس ازاي لجوز خالتي  مش كنت أخدتهم من ماما و خلاص كده هروح لماما أخذ منها الفلوس أديهم لخالتو و أخد حق الفستان تاني من مامو ده كان رد حضرتك عليا احبيبتى اولا هاتى الشيخ لرقيتك اما الرؤيا ان شاء الله فيه موضوع خطوبة سوف يتم لك قريبا باذن الله لان عندك رقم 10 وهو اتمام لامر كما قال الله فى سورة البقرة (تلك عشرة كاملة ) كما انك هتخرجى من مشكلتك باذن الله وربنا يوفقك

يعني أنا في الحلم سمعت كلام خالتو  وأخدت منها الفلوس  و ضاعت مني دا معناه أن ال لشيخ بتاع خالتو الشيخ  هيضرني و لا هينفعني و يكون سبب في شفائي

الحلم رقم ٣
السلام عليكم ورحمه الله وبركاته

كل سنه وحضرتك بألف خير وسعاده يااااااااااااارب

انا حلمت ان اخويا بيزعق لاخويا الصغير وانا اضايقت وقولتله متزعقش فيه ده مر بوقت صعب ونفسيته تعبانه محتاج اننا نتحمله شويه واخدت اخويا الصغير على رجلى ابوس فيه لكن كان صغير فعلا يعنى كان طفل 
مع ان اخويا شاب عنده ٢٢ سنه 

وفى نفس الحلم حلمت انى فاعده انا وماما وبابا وجوزى(مكتوب كتابى) واخويا الصغير ده كلنا مع بعض وقدامنا كرتونه كبيره اوى فيها عيش وكاسات وكوبايات ومخبوزات من اللى بتتباع فى المحلات 
ماما كانت بتحط لينا مشروب فى كوبايات ميه وانا قعدت ادور فى الكرتونه دى لاقيت طقم كوبايات ميه زى بتاعى اللى جيباه فى جهازى خرجت كوبايه منه ومسكتها وقولت لماما حلوة الكوبايه دى زى بتاعتى ومسكت المشروب اللى ماما حطاه ليا فى الكوبايه دلقت فى الكوبايه الجديده اللى زى بتاعتى فى جهازى

ده اللى انا فكراه من الحلم
انا مكتوب كتابى واخويا حصله حادثه ودخل السجن ومأجله فرحى لحد ما ربنا يكرمنا ويخرج بالسلامه ان شاء الله

الحلم رقم 4
السلام عليكم ورحمة الله وبركاته
ازيك يا ماما نجيه
ربنا يعزك ويكرمك
ليلة الامس قمت ودعيت ربنا بالفرج
وبعد صلاة الفجر حلمت انه زي ماكون ماشية بمكان ومعاي حد مش فاكرة بالظبط مين
وانا ماشية بشوف بلاقي كده زي عربية دمى (يعني عربية ليها عجلتين وليها قبضتين تدفع بيهم هي في زيها مقاس كبير للبيبي بس انا اللي شفتها بحجم يتسع لدمية)
المه ببص بلاقي فيها 3 قطط كلهم صغيرين وبقرب ايدي عشان اشوفهم بلاقي قطة صغيرة كتير بيضاء وجميلة جدا جدا
بلاقيها ساكتة فبقول عايزة اخدها البيت اعتني بيها
وخلص انا متزوجة عندي ولد
اهل زوجي دوقوني المر والله
بدعي ربنا ييسر سفر لزوجي عن قريب
ملتزمة الحمدلله

مع العلم بالواقع انا مابحب القطط وبخاف منهم

5 حلم عادى
اللى فكراه من الحلم انى كتت فى شقه او مكان كده
بيعرض اﻻجهزة الكهربائيه وجهاز العرايس واللى كان معايا هناك والد الشاب معرفش كان كان معايا واﻻ قابلته ..بس انا اختارت تﻻجه اكبر مقاس والراجل العامل عمال يقنعنى بواحده صغيرة وانا صممت على الكبيره قالى ان فاضل واحده بس وهيجيبهالى من المخزن واخترت جهاز كمان مش فكراه .المهم جيت احاسب انا كان معايا 200 او 300 جنيه بس .كلمت امى بالهاتف قالتلى خلى التﻻجه دلوقتى لما نجيب عربيه عشان ناخدها البلد ..مكان نحطها فيه نخزنه يعنى..وبعدين قالتلى واﻻ اقولك خﻻص احجزيها وهناخدهم ..الراجل مسك الورقه وكان بيكتب حسابهم كان 1000 وحاجه وفعﻻ حجزتهم ... جزء اخر ..ماما كأنها جايه بتحكيلى حلم هى حلمته فيما معناه ان والد الشاب هيعطينا فرصه وانه مامتى طلعت كويسه عكس ظنه وهيوافق عليا وانا بقول هو هيوافق عشان حاجتين .رحمه ربنا وﻻنه نصيبى ..بس كده
جزء اخر..والده الشاب كانت بتكلمنى تقولى ايه رايك فى الشيخ فﻻن اتا رقيت ابنى رقيه شرعيه عنده ...بس كده
خير طمنينى ..
وايضا الشاب اخدنى غرفه فيها مربع مياه بقوله ايه ده ...النيل قالى اه وبعدين كان هادى وجميل سالته هيفضل كده قالى ممكن يبقى فى موج فى اى وقت ..ركبت على ورقه منديل بيضاء فى النيل دا ...بدل المركب يعنى كان منديل ابيض..ولم يكن اى موج وبعدين ببص لقبت بنت جت تكلمه واعطته بطاقتها وباسبورها وهى تنظر له باعجاب وهو مش واخد باله..فانا قمت بسرعه رميت ورقها وقبلته على خده ففهم وحملنى بين ذراعيه ومشينا

6
حلم ﻻمى.. حلمت انى وهى كنا بنزور مريض فى مصر واحنا راجعين معديين فى وسط ارض زراعيه بتطل على بيت الشاب وهو كان جالس مع ابوة وامه ..فماما مسلمتش .فوالد الشاب بيقولها طب قولى سﻻم عليكم.قالتله لما بنقول مبتردوش ولما منقولش تقولو قولو عامه سﻻم عليكم وبعدين بصت للشاب وكانت بتكلمه قالتلى كان شكله حلو كما فى الطبيعه ما شاء الله ..ولكن كان كﻻمه مختلف وبلدغه وكانت اسنانه مسوسه فنظرت لى بتقولى هو ده اللى انتى منتظراه يا ابناس دة اسنانه مسوسه قلتلها منا عرفه
... ماما تحب الشاب لكن لها بعض اﻻنتقادات عليه وهى صفات شخصيه ولكنى اقبلها فى الواقع .ﻻن ﻻ احد كامل

7
حلمت اني بفتح شباك الاوضة بتاعت شقتنا القديمة لاقيت مسجد بيتبني كبير جدااااااااا في وسط البيوت وفيه ناس بتكمل بناه عشان يبقي اعلي واعلي وهو كان اعلي من البيوت كلها وكان شكله حلو اوي فبقيت اقول لا مكنش فيه مسجد هنا انا اكيد بيتهيألي بعدين قفلت الشباك وفتحته تاني لاقيته موجود 
وخلص الحلم علي كدة مع العلم اني انسة وعندي 22 سنة وبشتغل حاليا وفيه شخص بيشتغل معايا ان شاء الله هيتقدملي اليومين دول ومعايا ناس بتشتغل جديد وفيهم بنت متضايقة مني وحاولت تأذيني اليومين اللي فاتوا بس ربنا فضحها ونجدني منها ودلوقتي بتحاول تاخد مني الانسان اللي عاوز يتقدملي 
ومعلش يا ماما فيه حلم تاني لماما انا اسفة بس انا حاسة انهم مرتبطين ببعض وخصوصا اننا حلمنا الحلمين دول النهاردة
حلمت اننا قاعدين في شقة كلها تعابين بس احنا مش شايفنهم بعدين ماما كان معاها حاجة بتصطاد بيها التعابين وبتقطع بيها راسهم فكانت ماسكة البتاعة دي وبتعدي بيها علي الاخرام اللي في المكتبة فطلعت تعبان ومسكته قطعت راسه بعدين جدتي وجدي الله يرحمهم كانوا قاعدين في الاوضة وماما قالتلهم قوموا امشوا عشان التعابين وخصوصا ان لما ماما قتلت التعبان الباقين كلهم طلعوا وكانوا بيجروا ورا جدتي وجدي وبعدين كان فيه تعبان واقف قدامي في وشي بالظبط وانا بقول لماما يا ماما فيه تعبان هنا انا مش خايفة منه بس فضلت انفخ في وشه راح لدغني في شفتي اللي تحت فماما شالته ورمته علي جمب وقالتلي مكنتيش وقفتي قدامه كنتي سبتيه وامشي قلتلها يا ماما انا محصليش اي حاجة ومتوجعتش عادي محصلش حاجة قالتلي لا انا هاخدك اوديكي المستشفي برضه وودتني المستشفي فعلا لانها فيه المصل المضاد وفي الحقيقة المستشفي دي فعلا هي اللي فيها المصل بس انا اللدغة مأثرتش فيا اصلا
وخلص الحلم علي كدة انا اسفة للتطويل يا تري هو ده ممكن يكون للاذي اللي سببته ليا البنت دي اليومين اللي فاتوا وانه فعلا متاذتش زي ما هي عايزة بالعكس الدنيا قامت عليها هي

الحلم رقم ٩
كانا حلمت بواحد اسمه احمد كان متقدملي من ٣ سنين حلمت اني لقيت ديل وو عجبوني و اكني هتخطبله و اشتريتهم و بعدين اتصل بيا و قالي انه قاس الهبله الي    جايبهاله  وقالي انها ضيقه عليه الي كنت جايباها مقاس ١٦ و هو مقاسه ١٧ فقولتله خلاص هغيرهالك مفيش مشكله 
و بعدين بقول لماما قالتلي هو كمان بيتشرطيعني احنا الي جايبنها و كمان مش عاجبه ما ياخدها يوسعها قلتلها مش مشكله يا ماما هغيرها و كانت بتاعتي معايا بس مش عارفه بتاعته وصلتله ازاي و بعدين بقول لماما بابا فين قالتلي واحد صاحبه عايزه في شغل و مسافرله قلت يارب يخليه لينا و يباركنا في عمره و يديله الصحه قالتلي يارب يابنتي و بعدين ماما قالتلي انها سمعت في التلفزيون ان المحافظ هينضف المنطقة بتاعتنا و يزينها قولتلها طب كويس قوي الحمد لله 

بابا و ماما عايشين الحمد لله و احمد ده كنت مخطوباله من ٣ سنين و عمل مشاكل معانا و فسخت الخطوبه و هو حاليا خاطب