تفسير احلام الثلاثاء 19\8\2014 باذ1ن لله

2
حلمت ان خالي اتوفي وكنت انا وماما وبابا ماشين في جنازته بس ماما كانت ماسكة كرتونة بيركس وعلبتين شيكولاتة وانا كنت بعيط عشان خالي اتوفي 
وخلص الحلم علي كدة مع العلم اني انسة 
ومعلش يا ماما حلم تاني ليا 
حلمت اني ماشية مع اهلي والدنيا كانت بليل وفجأة السما اتملت دخان اسود وفي نفس اللحظة طلع نور الفجر والمطرة مطرت والسما صفيت وانا فضلت ادعي ربنا يتمملي علي خير وكنت مبسوطة اوووي والجو بقي جميل جدا وكنت عارفة في الحلم ان المطرة لو مطرت هتحصل حاجة حلوة 
وخلص الحلم علي كدة مع العلم ان فيه موضوع خطوبة ليا بس فيه شوية مشاكل

3
بابا حلم ان فيه راجلين طوال جدا احنا بالنسبة لهم اقزام كانوا بيجروا وراه هو وماما وبابا  بيقول لماما هيموتونا  وكان فيهم واحد بابا عارفه وبعدين بابا وماما دخلوا بيت في الحلم هو بيتنا  ووقفوا ورا الباب وماما قالتله اشغله واطلع فوق الباب وادلق عليه مية نار وماما ادت بابا قطرة دلقها علي عين واحد فيهم وبعدين دلق مية نار علي وشه وجري وصوت والتاني اللي بابا عارفه وقف يتفرج من بعيد 
وخلص الحلم علي كدة 
ومعلش يا ماما حلم لامي 
حلمت انها كانت في بيت جدها في الصعيد وكان في البيت جدتي الله يرحمها واخوها ومراته اللي يرحمهم  والدنيا ليل وحصلت عاصفة ترابية وبرق وفي لحظة راحت العاصفة وكل حاجة والسما نورت وماما في الحلم كانت عارفة ان الليل هيروح وهيجي نهار وكانت قايلة لاهلها كدة ان النور هيجي والليل هيروح 
وخلص الحلم علي كدة

5

---

ده حلم بعد استخاره
الحلم كالاتي انها صحيت من النوم ولقيت البيت مكركب اوي ودخلت المطبخ لقيت التلاجه فيشتها مفصوله من الكهرباءوجنبها طربيزه عليها اكياس عيش وجنب التلاجه ولد صغير هي عارفه انه اللي جايب العيش .. والبيت فيه اكياس عيش
اللي عمل الاستخاره مامت صحبتي على خطيب صحبتي
صحبتي بتفسخ خطوبتها في الشهر مش اقل من اربع مرات .. هو شاريها بس فيه صفات مش عايزاها ..ومامتها هي تصلح ما بينهم وبداأت تاخد بالها من الصفات اللي صحبتي بتشتكي منها ..

الحلم رفم 6

انا كنت عمل استخاره وحلمت الحلم دا

انا فى الحقيقه عندي قطه وماتت واخويا كان دفنها
فحلمت انى فى بيت خالتي انا وماما وان القطه كانها كانت مدفونه هناك فى البيت بس محطوطه كدا على اﻻرض وانا اعده احط ايدي عليها بس انها ميته عادي واعده امسك ايديها واطبطب عليها فتهيألي انها كانها بتضغط على ايدي كدا وبفول لماما هى طريه خالص مش المفروض تكون متشنجه عشان انها ميته يعني (انما هى كان جسمها كانها عايشه)وكنت بتكلم وانا بعيط بعدين ﻻقيت القطه قامت وصحيت واعدت تنط وتيجي نحبتي وتلعب كانها رجعت تاني وانا اتصلت باختى وبحكيلها وهى اعدت تعيط وانا كمان امت معيطه ﻻننا كنا بنحب القطه دب اوى وفعﻻ اتاثرنا بموتها اوي
وكان فى دكنوره بنتصل بيها هي بيطريه يعنى فى الحقيقه اعدت اتصل بيها عشان اخد رايها فى الحقيقه؛ مكنتش بترد وكنسلت فتصلت بيها تاني ردت وقلتلى انها قالت انها اكيد حاجه مش ضرورى عشان عارف ان كوكي الى هى قطتنا دي ماتت فاكيد مش محتجنها فحاجه ضرورى والقطه كانت اعده تجري كدا وكان فى كذأ واحده من صحباتي موجودين دا اللى انا فكراه

انا انسه خالتي الدينيه والنفسيه كويسه الحمد لله
الاستخاره على عريس ملتزم متقدملى وفسرتيلى يا ماما حلم من بومبن اني هعد معاه وهفصل صفاته الحلوه عن الوحشه بس مش باين انا هوافق و ﻻﻻ واني اعد معاه وادي لنفسي فرصه

ايه تفسير حضرتك وﻻ دي اضغاث احﻻم وربنا يجازيكي عننا كل خير يااارب

معلش يا ماما نجيه تبع الحلم رقم 6
انا كنت حسه بخوف شوبه من القطه بس مش جامد انه ازاى القطه صحيت من الموت يعني وفنفس الوقت مبسوطه انها معايا

والدكتوره الى بطلبها هى زوق جدا ومحترمه وبحبها وكانت معانا دايما غى اى حاجه بنحتاجها

ماما يارب تكوني بخير
انا حلمت اني كنت في شقتنا القديمه وكنت انا وجوزي ومعانا واحده قريبته كان بينه وبينها خلاف جامد وكنت مشغوله مع بنوته وساكته مش بدخل عشان المشكله مش تكبر وكنت عارفه انها هي اللي غلطانه المهم انها كانت لابسه تونيك احمر فاقع وشعرها قصير اوي وحاطه مكياج ورروج احمر 
المهم انها كانت بتمشي ورا جوزي تحايله وتحاول تكلمه وهو كان بيرد بالعافيه ومرات يطنش وفضلت كده كتير وانا مستغربه الحاحها جدا وشكلها
وبعدها جوزي طلع فلوس ورق زي جنيهات القديمه الكبيره واداها مبلغ فهيا بصت عليه بزعل كده وردت ليه جزئ وخدت جزئ
ونادا عليا وقالي وهو تعبان كانه راقد انا عايز اسافر معاكي انا وانتي فقولتله ماشي وخوفت عليه اوي لان شكله كان تعبان
وقريبته دي مشيت 
قريبته دي كان بينهم مشاكل جامده بخصوص العيله وكده

حلم رقم 8 

انا حلمت انى فى بيت وكانت بنت خالى موجوده وبنات خالتها وانا بحس فى الحقيقه انهم مش بيحبونى ولا انا بحبهم برده بس والله مبعملش فيهم حاجه وحشه حلمت انهم كانو بيتكلمو عليا وكانو بيعاملونى معامله وحشه اوى حته بنت خالى شفتها كانت جايبه تابلت تقريبا وبتضايقنى بيه لمجرد انها عايزه تضايقنى

9

حلمت خير اللهم اجعله خير يارب انى داخلة بيت واحدة صاحبتى ومعايا سجاد فبقولها خدى افرشى السجاد ده احسن من السجاد اللى عندكوا ده فقامت فرشته عندهم وبعدها انا قعدت بقا عندهم فى الانتريه فلقيت شاب اسمه خالد كده نعرفه ( هو متزوج وظابط ) فلقيته قاعد على الكنبة زيى وكنا مش محجبة بس شعرى مكانش حلو فانا لقيته بيبص عليا وعلى شعرى اوووى فانا اتكسفت وقعدت اتدارى منه وقلت هو مش المفروض متجوز وعنده ولد !! وقمت فلقيته جاى ورايا وبيقوللى استنى اما اشوفك امال هتتجوزى ازاى ؟! فانا كنت مكسوفة عشان شعرى مش حلو فلقيته راح شايل ربطة شعرى وراح قاللى اللى تعرفنى شعرها بيبقى حلو ولقيت فعلا بعد ما مسك شعرى انه بقا تقيل وجمييييل ولقيته طويل لاخر ضهرى وروحت حاطة عليه زى بلسم ينعمه كده وقعدت اسلكه واسرحه لقيته جميل اوى عليا ولقيت شعره بقا زى شعرى واسود وجميل برده وقعد اسلكله شعره هو كمان وبعدين قلتله يعنى برده عايز منى ايه ؟ قاللى انتى بتاعتى فلقيت اخويا جاى يقوللى انتى ماشية معاه كده ازاى ده صاحبى !! قاله متكلمهاش دى مراتى ... بس كده اصلا الشاب ده متزوج والعيلة بتاعة صاحبتى دى كلهم شباب متزوجين وانا مليش علاقة بيهم قوية اوى !!