تفسير احلام الثلاثاء 11\3\2014 باذن الله

1
السلام عليكم ورحمة الله وبركاته
ازيك يا ماما نجية انا هحكي لحضرتك الاول صاحبتي معجبة بشخص وبعدين حلمت بيه الحلمين دول 
الحلم الاول 
حلمت انها ماشية في الشارع هي ومامتها وكان هو ماشي بس كان شكله شكل بنت وكان لابس خاتمين في ايده وكانت ماشية معاه بنت بعدين مامتها راحت مشيت جمبه والبنت اللي كانت معاه جت مشيت جنب صاحبتي بعدين الشاب ادي لمامتها خاتم فمامتها  راحت اديته للبنت اللي ماشية جنب صاحبتي وقالتلها خدي اديهولها 
وخلص الحلم علي كدة 
الحلم الثاني
حلمت ان الشاب ده واقف مع بنت وفي الحلم البنت دي كأنه مرتبط بيها والبنت ماسكة علبة وفتحاها صاحبتي حاولت تشوف اللي جواها معرفتش بعدين صاحبتي مشيت وهي ماشية لقيت قدام بيتها اكياس شيكولاتة فاضية كتير فخدت كيس منهم عشان تجيب شيكولاتة زيها في الحلم لما شافت الشيكولاتة عرفت انها هي اللي كانت في العلبة بتاعت البنت فقالت هجيب زيها عشان هو بياكل منها 
وخلص الحلم علي كدة

3
حلمت بالمذيع محمد كريم بس في الحلم كان شكله واحد تاني بس انا كنت عارفة انه هو بعدين اتكلم معايا وقعدنا نتكلم سوا فجأة لقيت البنات كلها بتترمي عليه وهو بيحوشهم ومش ميدلهم اي اهمية بس بيتكلم معايا انا والبنات كانوا بيحاولو يغروه باي شكل بس مكنش مهتم برضه 
وخلص الحلم علي كدة مع العلم اني انسة

ومعلش يا ماما حلم صغير لصاحبتي 
حلمت اننا وهي وواحدة صاحبتنا تانية واقفين في محل شوزات وبنختار وهي اختارت شوز 
وخلص الحلم علي كدة مع العلم اننا كلنا انسات

حلم رقم 4

حلمت يا احلى ماما نجية ربنا يكتبالك الخير يارب اني فى شخص باعزه كثير كانه تحول وبقى طفل صغير و بيتكلم فرنساوي وبعدين كاني دخلت حمام  كبير وقضيت حاجتي فى بانيو كبير  مع العلم اني الحمدالله متدينة

الحلم رقم 5
السلام عليكم انا حلمت اللهم اجعله خير ان بابا المتوفى جي وكان جايب معاه سمك مشوى وداه لاخوى وانا اخدت السمك من اخوى  وكان رحته حلوه وكان فى كيسه ومغلف زى اللى بيتجاب من المطعم ووبعدين قلت الله ده رحته حلوه    فبعدين ببص فيه لقيت السمك ابيض يعنى مش مستوى ولقيتهم سمك سته سمكات ونوعه (روسى او شخوره)مش عارفه وبعدين لقيت اخوى كان زعلان وبيعتب على بابا و بيقوله يا بابا انت جايب سته سمكات بس ده انا بجيب 16 سمكه ومش بيكفوا انت جايب 6 بس فانا قلت مش مشكله ما احنا مش جعانين اوى او كنا فى الحلم صايمين فى مش جعانين مش فاكره 
انا انسه  غير موظفه اخوى اعزب بابا متوفى

٦ حلمت خير يارب حلم قصير مشهد واحد ان فيه شخص اعرفه لقيته باعتلى طرحة عباية سودة شيك اوى ومزركشة من الطرف وروحت واخداها ولفاها على دماغى وكان شكلها حلو عليا وانا بلفها وشيك اوى ومكنتش مصدقة انه باعتهالى وكانت لايقة على وشى

انا بنت عندها 24 سنه ومش مخطوبه ولا متجوزة
الحلم الاول :

حلمت ان انا نزلت السوق اشترى خضار ورجعت البيت واشتريت 3 اصناف ونسيت صنفين وكنت هنزل اجيبهم بابا الى نزل جبهممع انى مش بنزل السوق وبعدبن حلمت ان حسين اخويا الصغير راجع من الشغل معاه كرتونتين كبار قالى فيهم كاتشب وميونيزفتحت الكرتونتين اتلقيت فيهم قطن ودان ابيض كتيررررررررررررررر اوى وقولت هنعمل بى ايه كل ده واتلقيت الوان فلومسطر ادتيهم لأشرقت اختى الصغيرة وقولت لحسين اخويا ضحكوا عليك فى الشغل وعطوك قطن ودان فضحك
وبعدين حلمت انى كنت عند تيته وفى حته قدام باب البيت زى صحراء انا قعده بجرى وبلعب فيهابس كده


الحلم الثالث :
حلمت ان اختى ولدت بنت (هيا فى الحقيقه حامل فى بنت بس لسه مولدتش) وحملت ان مرات خالى ولدت بنت برضو ( وهيا برضو فى الحقيقه حامل فى بنت) وحلمت ابن بنت عمى ولدت بنت (هيا فى الحقيقه متجوزة من اكتر من سنه بس لسه مش حامل لحد دلوقتى) التلاته فى الحلم ولدو وكل واحدة جابت بنت وكلهم قاعدين فى قوضه واحدة كل زاحدة وجنبها بنتها المولدوة واهله


االحلم الثالث :
ملحوظه : ووالدى كان مريض وكان فى مستشفى وكان مشكوك انه عنده كانسر

ماما حلمت ان بابا تعب تانى ودخل المستشفى وقعد يزعق فى ماما وبيقولها انتى خبتى عليه ليه انى عندى كانسر ماما خرجت من الاوضه وقعدت تدور عليه فى مستشفى وبعدين اتلقيت دكتور قريبها فى مستشفى مدت ايدها عشان تسلم عليه مرادش يسلم عليها وسبها ودخل الاوضه وبعدها ماما اتلقيت دكتور تانى تتكلم معاه واتلقيت مرات الدكتور ولدت ومش لقين مكان فاضى للوالده وبنتها فنيموها جنب مريض فى اوضه وماما خرجت نن الاوضه اتلاقتنى فى وشها وقالتلى ان بابا عرف ان احنا مخبين عليه مرض كانسر



اسفه على الاطاله

السلام عليكم انا بنت لا مخطوبه ولا متجوزه وحلمت بحلمين ورا بعض 
الحلم الاول :حلمت اني ف شقه جدو ف السلام وقاعده انا ف اوضه انا وماما قاعدين ع الكنبه واخويا وعمي وبنت خالي وشروق (بنت صاحب الشغل بتاعي وصاحبتي) نايمين ع السرير بالعرض وانا قاعده بالترنج وبشعري وهي نايمه بهدومها طرحتها وبره انوار الشقه كلها منوره والتلفزيون شغال وصوته عالي واللي فاتحهم احمد(اخو صاحب الشغل وشغال مصمم معانا ف المكتب) وفجأه الباب خبط وجاء استاذ اشرف (صاحب الشغل) انا قولت لماما تنام بين اخويا وعمي وبنت خالي وشروق علشان ابابا شروق ميخلهاش تمشي وشروق قامت وعدلت طرحتها وانا خرجت بشعري وبالترنج لاستاذ اشرف ومش واخده بالي اني بشعري وقولت لاستاذ اشرف دي ماما وهو مردش وجاب خمار وادهولي علشان اغطي شعري وابتسم ودخل قعد مع اخوه احمد وقاله مراتك خريجه حقوق وعايزه تشترك ف النقابه وانا هاديك فلوس تعملها وهاعمل لبنتك كذا وكذا بس تقعد معايا ف الشغل بنفس المرتب 
ملحوظه: احمد ده مش شغال مصمم باجر قليل علشان اخوه
الحلم الثاني: قاعده ف بيتنا ف الصاله بشعري والترنج وشعري مش متسرح واستاذ اشرف (صاحب الشغل) جالنا البيت وانا اتضايقت انه شافني بشعري وهو مش متسرح وجيبت كرسي ودخلت الاوضه علشان اسرح شعري وشوفني وانا متسرحه وانا بسرح شعري شعري بيطول ف ايدديا وشكله بقي حلو لدرجه اني قسمته بالنص علشان اعرف اسرحه ولفيته بكر واستاذ اشرف كان بيلعب مع طفل صغيردخل وشاف شعري وهو حلو ودخلت الاوضه لاقيت ماما وخالو قاعدين قولتهم شوفوا شعري قالولي اه حلو جميل ودخلت مكان ف بيتنا بس انا اول مره اشوفه لاقيت مدام ناديه (زوجه استاذ اشرف وشغاله معانا ف المكتب) جايه من بره وجايبه ف ايديها شنطه فيها اعشاب وانا اخدت منها اعشاب احطها علي شعري علشان يبقي حلو هي وزمايلي ف المكتب قالولي لأ ده مش حلو للشعر وانا حسيت انهم مش عايزني احطه ع شعري رغم اني عارفه انه حلو للشعر 
ملحوظه:انا محجبه

المتفائلة دائما كتب:

1
السلام عليكم ورحمة الله وبركاته
ازيك يا ماما نجية انا هحكي لحضرتك الاول صاحبتي معجبة بشخص وبعدين حلمت بيه الحلمين دول 
الحلم الاول 
حلمت انها ماشية في الشارع هي ومامتها وكان هو ماشي بس كان شكله شكل بنت وكان لابس خاتمين في ايده وكانت ماشية معاه بنت بعدين مامتها راحت مشيت جمبه والبنت اللي كانت معاه جت مشيت جنب صاحبتي بعدين الشاب ادي لمامتها خاتم فمامتها  راحت اديته للبنت اللي ماشية جنب صاحبتي وقالتلها خدي اديهولها 
وخلص الحلم علي كدة 
الحلم الثاني
حلمت ان الشاب ده واقف مع بنت وفي الحلم البنت دي كأنه مرتبط بيها والبنت ماسكة علبة وفتحاها صاحبتي حاولت تشوف اللي جواها معرفتش بعدين صاحبتي مشيت وهي ماشية لقيت قدام بيتها اكياس شيكولاتة فاضية كتير فخدت كيس منهم عشان تجيب شيكولاتة زيها في الحلم لما شافت الشيكولاتة عرفت انها هي اللي كانت في العلبة بتاعت البنت فقالت هجيب زيها عشان هو بياكل منها 
وخلص الحلم علي كدة

معلش يا ماما انا عارفة اني تقلت عليكي جداااا بس ماما نفسها تعرف تفسير الحلم ده 
هي حلمت انها اشترت 3 ازايز مانيكير لونهم فضي وبمبي واورانج اتنين منهم بيلمعوا وواحدة مطفية بعدين حطت ليها من الفضي وكان بيلمع وجميل لدرجة انها كمان حطت علي الشوز بتاعها وجدتي الله يرحمها كانت قاعدة جمبها وجه عليها مانكير بعدين ماما لقيت نفسها قاعدة في فرح بس مفيهوش موسيقي والناس كلها جاهزة وخالتي كمان بعدين ماما قالت اما اروح اجهز انا كمان فلبست عباية سودة وفيها دهبي وشافت نفسها حلوة اووي فيها 
وخلص الحلم علي كدة مع العلم اني انسة وليا اخت انسة واخت تانية صغيرة عندها 13 سنة