تفسير احلام الثلاثاء 8\4\2014 باذن الله

1
الحلم ده لماما
حلمت انها خلفت بنت وبعدين انا بقولها انا مش هتجوز (انا اليومين دول بقول كدة فعلا )بعدين ماما قالتلي احنا هنسأل البنت فراحت البنت قالتلي متقوليش كدة دنتي هتتجوزي وهيجليك عريس يفرحك وهيكون فرصة ليكي والا ماشاء ربي وبعدين ماما قالتلي ايه رأيك قلتلها هو انا هقدر اقول حاجة بعد اللي شفته ده (لانه بالنسبة لي معجزة)
وخلص الحلم علي كدة مع العلم اني انسة

2
الحلم ده لواحدة صاحبتي 
حلمت انها ماشية في الشارع والطريق اللي ماشية فيه (هو بطبيعتها مش بتمشي فيه في الحقيقة لانه بيكون ضلمة) فكان فيه شباب واقفين وفيهم واحد تعرفه شكلا بس بعدين حبت تمشي بس من مكان تاني يكون بعيد عنهم بس في نفس الطريق فلقيت طينة  في الارض ومية فمعرفتش تمشي فالشاب اللي تعرفه قالها تعالي عدي من هنا ووسعلها مكان بعد وهي ماشية بقي يقرب عليها بس مش عشان حاجة عشان خاطر يتكلم معاها فهي اتضايقت راح بعد عنها وزعل انه عمل كدة وراح معيط
وخلص الحلم علي كدة مع العلم ان صاحبتي معجبة بالشخص ده

الحلم رقم3
حلمت اللهم اجعله خير ان لبسه خاتم وتوينز بس قطعه واحده من التوينز بس هو شكل الدبله بس فيها فصوص وبعدين ببص لقيت انهم اسودوا شويه يعنى كان فيهم حتت سمره فبعدين بصيت وقلت اده ده فلسه(يعنى مش دهب)  فبعدين كان فيه قاعد  صايغ وواحده كمان معاه فانا قلتله ان هما اسمروا فمعنى كده انهم فلسوا راح الصايغ قالى لاء مش فلسوه دول دهب  فبعدين انا قلتله طيب بص دول مسمرين راح بصلهم كده وكان هيقول حاجه بس صحيت مش عارفه كان هيقول دول فلسوا ولا ايه وانا فى الحلم كنت لبساهم الخاتم الاول وبعدين التوينز فانا كنت عايزه ابدلهم البس التوينز الاول وبعدين الخاتم وكنت بقول المفروض انى البس التوينز وبعدين الخاتم وكان الخاتم شكله رقيق اوى وصغير يعنى مش من الخواتم الكبيره وخلص الحلم 
انا انسه لا اعمل

حلم رقم (5)
حلمت خير اللهم اجعله خير ان موبيلى الجديد ضاع وان جوزى هو اللى اداله لواحد ومش فاكر الواحد ده مين وانه اللى سرق الموبيل اتصل عليا على موبيل جوزى وقالى مين ام احمد دى(ده اسم ماما اللى مسجﻻه على الموبيل ف الحقيقه) قولتله مالها قالى حصلها غيبوبه سكر ؟؟