تفسير احلام الثلاثاء 25/2/2014 باذن الله

الحلم رقم 1
استفسار
الحلم رقم 5

السلام عليكم يا ماما

انا بعمل دراسات عليا المفروض ماجستير بس حصلت مشكله ولان مستواى متدنى شويه انى احضر ماجستير اضطريت انى اعيد التمهيدى تانى وانا حلم حياتى اكون متفوقه واشتغل استاذ جامعه

المهم يا ماما انا حلمت ان الدكتور المشرف بتاعى واسمه رضا وهو كمان بيدينى فى التمهيدى حلمت اننا كدا اننا كنا فى فترة فرح احتى يعنى الايام اللى بتسبق الفرح وهى اصلا اتجوزت قريب وبعدين انا كان عندى محاضره مع الدكتور دا بس كنت قاعده جمبه على كنبه جلد يعنى هو قاعد على مكتبه جمبى مش فى وشى وانا قاعده اول واحده على يمينه وكنت اقرب الطلاب اليه فى المعامله والمكان يعنى كان يعرفنى اكتر واحده فيهم وكانت قاعده اقرب واحده بالنسبه للطلاب اللى فى القاعه بس كان معايا ابن اختى التانيه واسمه محمد وكان الدكتور بيلعب مع محمد كانه ابنه بالظبط وكان جميل جدا  مع محمد ومحمد كان بيلعب معاه ومبسوط وبيضحك محمد عمره 5 سنين وبعدين الدكتور راح مشغل اغنيه انجليزيه على اللاب بتاعه واللى كان حجمه كبير جدا فى جحم التليفزيون هى اصلا انا حطاها على الموبيل نغمه ومحمد ابن اختى بيحبها جدااااا فى الحقيقه وهى معناها يعنى انك مهما شايف نفسك قليل فانت مش قليل انت كبير جدا جدا وعالى جدا جدا زى وظاهر ومميز زى الالعاب الناريه اللى فى السما ولقيت ابن اختى بيغنى مع الاغنيه دى وانا قلت للدكتور انت عارف انه بيحبها قالى ايوه والدكتور كان لطيف جدا جدا جدا هو فى الطبيعى لطيف لكن فى الرؤيا كان الطف خااااااااااااااالص وبعدين الرؤيا باقيها بقى انى كنت رايحه اجيب الفستان والحاجات اللى لزمانى عشان فرح اختى

على فكره الدكتور فى الحقيقه ما يعرفش ولاد احتى ولا بينا صلة قرابة وهو كبير فى السن ومتزوج



انا انسه واكبر اخواتى واخواتى الاتنين متجوزين ومافكرتش فى اى حاجه قبل مانام
حبيبتى  انت عندك  حبة مشاكل  مسببين لك  نكد  فى حياتك   لكنك  راضية  بالامر الواقع  وبتحاولى  رفع  نفسك  درجات  وهتمرى  بحبة عدم  ثقة  فى النفس  ولكن هتجدى من يقف بجوارك  ويرفع  من معنويات  وهتتقربى منه  وهتعود لك الثقة مرة اخرى  وهتنجحى فى حياتك  وهتصلى الى مرادك ان شاء الله
يعنى يا ماما كلامك معناه انى ان شاء الله هكون استاذ جامعه ؟؟؟؟؟؟؟

حلم رقم6
انا ياماما نجية حلمت اني راكبة سيارة اجرى ومعي ناس راكبين
اجى معاد صلاة العصر صليتو وانا قاعدة بمكاني برموش عينيا لاني ماكنت حابة ان حدا يشوفني وانا بصلي
.

الحلم رقم 3


ماما انا حلمت ان زي ما يكون في اعلان في مكان عن حاجة كبيرة وانا قلت هروح وبعدين كنت في بيت جدي وكأنه بيتنا وكنت لابسة جلابية برتقالي شتوي وعاملة شعري كحكة وكان عادي لا وحش ولا حلو اوي بس كان شكل كويس لكن ملموم ولابسة شراب ف رجلي بس الجلابية كانت قصيرة بسيط مش اوي ....  وبعدين الباب خبط وفتحت لقيت زميلي جاي وقالي يالا انا جاي اخدك نروح سوا ...... واصلا انا استغربت ودخلت اجري عشان بشعري وفرحت ولقيته دخل ومبسوط وبصلي بحب وجيران جدي قالوله ايه ده ايه اللي في دراعك ابتسم قالهم دي وقعة بسيطة من الموتوسيكل ....وانا بلبس بابا جه من صلاة العصر وقالي انتي بتكلميه من ورانا وايه جابه وانا قعدت اقوله انا والله مكنتش بكلمه وقعدت احلفله انني بس قلت خير وبعتله مسج عشان الاعلان وقلتله روح على هناك ....بس هو جالي وانا مكنتش عارفة ولا متوقعة ده .....وبعدين خلصت لبس ومشيت ورحت للمكان وطلع مستشفى والاعلان طلع عمليات بسيطة مجاني وان انا قلتلهم عاوزة اشوف الحنجرة بتاعتي عشان الجيوب الانفية عاملة مشاكل وانا داخلة قابلت زميلي احمد سمير من الجامعة ورايح برده نفس المكان عشان الاعلان وسلمت عليه بعدين دخلني زميل الاولاني لجوا ونيمني على سرير المستشفى وكان في دكتور ودكتورة وقلتلهم انا عندي مشكلة ولسة بقولهم راح الدكتور شاور علىيا وقالها هنفتح من هنا لهنا وده اصلا من نص القفص الصدري لغاية قبل الحنجرة وانا لسة هعترض راحت الدكتورة طلعت حقنة كبيرة ومليانة سائل ابيض وانا عرفت ان ده بنج ولسة كنت هقولهم انا ضغطي واطي وكدة هموت وقلبي هيقف ....كانت ادتهالي خلاص وانا حسيت ان قلبي هيقف وقعدت اتشاهد كتير عشان عارفة اني هنام ومش هحس وبعدين صحيت من النوم وانا حاسة بدقات قلبي جامدة وبتشاهد بجد ......

انا انسة وزميلي الاولاني ده واحد بيحبني وبحبه وكان في مشاكل وبعيد حاليا .....وزميلي التاني ده كان زميلنا في الجامعة وخطب وكنا ساعات فعلا كلنا بنقدم في وظايف الحكومة اللي بتنزل بس مش بعض وكنا بنروح كتير انا والاولاني سوا

كمان انا كان من فترة عندي مشكلة ولما بزعل بشرق جامد وشاكة انن في حاجة في حنجرتي وقلت هكشف عليها بس بطلت

حلم رقم 4

السلام عليكيم يا ماما
-*------
آنـآ حلمت ان آختى الوسطنية انهـآ امممم يعنى اختتنت (ختان) فى المستشفى وانا قاعده معاها برعيهـآ 
وشوفت الجزء اللى ورا منها (العوره) وكانت قاعده على السرير وانا كان معايا مصاريف المستشفى بتاعت اختى كانوا تقريبآ 300 جنية 
وكنت قاعده على كرسى كده وبنت كبيره مشوفتش ملامحها سرقت منى الكيس اللى فيه الفلوس ! وانا معرفش بس خوفت منها !
وقومت لقيت نفسى بتمشى على شآطئ ورمال وجيت ارجع لآختى فـ عامله ادور على باب لقيت مفيش باب وبجرى وبجرى وكنت حسه انى مخنوقة 
ابواب كتير مفتوحة بس مش عارفه ادخل ولما دخلت عرفت انى اتسرقت والناس فضلت تسألنى البنت اللى جنبك هى اللى سرقتك قولتلهم اه هى
متأكده انها هى لآن البنت دى كانت معاها كيس فـ غويشة كده من فصوص ومرايه (والاله حاسبه فيها صور منها فى المراية)
لقيتها اخدت الفلوس من شنطتى وحطت مكانهم الغويشة والمرايه والاله الحاسبة , انتهى الحلم على كده
, ,
اختى متزوجه ومعاها بنت وولد , , عندها 29 سنة 
الحمدلله ملتزمين الى حد ما 
بالنسبة لموضوع الختان هى وهى صغيره اتختنت لكن انا لآه ! :/