تفسير احلام الثلاثاء 10/6/2014 باذن الله

الحلم رقم1
 بابا حلم  ان هو واتنين اصحابةرايحين يدفنوا ميت  ف ترب اسمها المنارة موجودة ف الحقيقة  حاولوا يدفنوا مش عرفوا  فصاحب بابا قالهم  تعرفوا ان الميت دة  الكفن مليان براز  وهو الميت من غير راس  وبعدين قالهم  دلوقتى هما اخدوا ومسافرينة ف امريكا  وراسة نسوها ف المشرحة
مع العلم ان اصحاب بابا  دول  ف الحقيقة واحد اسمة طارق والتانى محمد وبابا اسمة احمد

حلم رقم 2

ازيك يا ماما نجية حلمت كاني واقفة فى البلكونة فى اسكندرية وكان معاي الممثلة مها احمد والدنيا كانت بتمطر جامد لدرجة ان الشوراع اتغرقت والعربيات وماكنش حد فى الشارع و الحمد الله  انا متدينة و انسة

---

الحلم رقم 3
            حلمت خير انى بعمل فريك وسويتة شوية وجت اختى وطفت عنة وقالتلى انا بليتة فى ماء وبعدين نكمل سواة فانا قلتلةا لية مش بلتية فى شربة وبعدين كنت هكمل سواة 
           
              وبعدين رايت انى انا واخوتى البنات بنركب عربية ورايحين نشترى سمنة من مزرعة (احنا فى الحقية بنشترى من هناك) كنت هركب فى الخلف رتبت انهم يركبو هم فى الخلف وانا وطليقى هنركب قدام بس هو مشى ومحدش عارف راح فين بالرغم انة كان واقف معانا واحنا بنركب وكنت منتظرة اخت منهم هى جت اسمها سعدة مشيت انا وهى بعيدن عنهم علشان ادور على طليقى مش لقية فلقيت فى اديها موبيل قديم لية قولتلها اكيد انة هو الى صلحة وادهولها واخذتة من اديها علشان اكلمة وصحيت على كدة

انا بستخير فى زواج من شخص اخر فانا خايفة جدا لانى تعبت فى حياتى مش حمل اى مشاكل جديدة فارجو من حضرتك انك تقوليلى انى منها خير ولا ابعد عن الموضوع دة

                                                                 وجزاكى اللة خيرا

الحلم رقم ٤
انا حلمت ان انا جايلى عريس مان هو ومامته وانا ومامتى واختى وقعدنا معاهم مش فاكره اوى تفاصيل القعده بس بعدها ماما واختى سابقونى عاللبيت وانا فضلت معاه هو وماماته الاول كنت ماشيه مع مامته فالشارع وكانت بتسالنى بحب الاطفال قلتلها بحبهم اوووووى بموت فيهم دنا ممدن اكون عايزه اتجوز بس عشان اجيب اطفال واعدت اضحم بعدين كنت بتمشى معاه هو ومنا ماسكين ايد بعض وكنا مبسوطين اوى واعدنا نتكلم فحاجات كتير و قالى المره الجايه فقرايه الفاتحه مين اللى هييجى قلتله اهم حاجه متنزلش تحت عشان انا هضايق خليك اعد معانا ورحنا عند بيت كدا المفروض انه بيته ووصلته عند السلم وقام بايسنى فخدي وطلع بسرعه وهو بيضحك وبعدين خرجت لاقيت كان ناس كتير ونازل من البيت دا واخده صاحيتى اعرفها من الكليه اسمها مروه قلتلها ايه رايك فى محمد قلتل محمد بيه حمد (المفروض دا اسمه وانا اعرف واحد جارنا اسمه كدا فعلا بس الشكب وكل حاجه كانت مختلفه عن محمد الحقيقي ) قلتلها اه اصل دا خطيبى او يعنى لسه مبقاش النوضوع قرايه فاتحه بس قلتلى انه كويس و انه الولد الوحيد اللى بيصلى فاخوااته وانا اتبسطت جدااا بالمعلومه دى وامت نازله مصليه عللارض سجده شكر لله وكامت متربه وحتى اللى حواليا اهدوا يبصولي اوى فمروه بتقلى يااه دنتى نفسك تتخطبى اوى قلتلها يبنتى انا اتخطبت فتره وفسخت (ودا حقيقي ) بس انا فرحانه انه بيصلى اوى وبعدين روحت عند خالتى ماما واخواتى كانو هناك و سالونى عليه قلتلهم كويس و كنا اعدين ناكل عالسفره معايا جوز اختى وجوز خالتى واختى هى الى كانت بتحط الاكل عللسفره
انا انسه الحمد لله محافظه على الصلاه وقيام الليل بقالى فتره بس وقت الحلم عندى البريود ومش بصلى وحالتى النفسيه متوسطه بس متعشمه فربنا ابايام دي انه يفك كربى ويرزقنى الزوج الصالح اللى بتمناه ومروه صاحبتى متجوزه ومخلفه بنت واختى متجوزه ولسه مفيش حمل

حلم     9
اختي حلمت ان ابي المتوفي جاء للبيت وقالهم انا راح اخذ معي اخوكي يوسف ونروح على انجلترا فاختي قالت لابي الله يرحمه انا اعرف اتكلم انجليزي وانا اللي راح اروح مع اخي يوسف لإنجلترا اخذت يوسف وسافرو على فرنسا ومن فرنسا بيروحو لإنجلترا  لما وصلو لفرنسا راحو لبيت خالي عبد الكريم لقيو فرح لبنت جيران خالي بفرنسا هو يوم زواجها وفي نفس الوقت يوم طلاقها معا فاختي قالت انا كيف سافرت من دون ما اجيب معي فلوس فكرت تستلف من مرات خالي بعدها قالت لا لا يمكن استلف منها وانتهت الرؤيااختي غير متزوجة
 
اخي خاطب

10

فيه كلام كده على عريس عايز يشوفنى فانا امبارح دعيت قبل ما انام ان ان كان فيه خير يقربه وان فيه شر يبعده وشفت منام مش عارفة له علاقة ولا لا 

حلمت خير يارب انى ماشية مع مجموعة بنات صحباتى وكان ماشى ورانا زمايل كانوا معانا فى المدرسة زمان وكان من ضمنهم واحد لمحلى قبل كده بالارتباط بس انا مش ارتحتله ولقيت فيه صفات مش عجبتنى المهم لقيت جاى من ناحية الشخص ده مجموعة كلاب صغيرة كده اللى هى بتبقى جرو صغير ده بس بتاع اربعة ولا حاجة فانا خفت اوى منهم ووقعت فى الارض من الخضة وصحباتى حاولوا يساعدونى ولقيتنى زى ما يكون زى الغرقانين اللى مطلعنهم من المية وفيه فى صدرهم مياه فكانوا بيحاولوا يفوقونى وبخلونى اتنفس فجه شاب كده يشبه الممثل احمد السقا ولقيته قومنى وساعدنى انى اتف المية اللى حايشة نفسى وقومنى وانقذنى بقا وكنت مرتحاله بس كده

حلم 10
السﻻم عليكم ياماما نجيه
انا حلمت انى قعده فشقه عمتو فى الصاله عندها انا واختى وشوف سمكتين عالارض كبار جدا طوال ورفيعين ولونهم اسود وجسمهم طرى كدا وبيلفو على بعض زى بيعومو وجسمهم من طولو بيلف على بعض ويرجعو ينحنو فجنب كل سمكه لوحدها وانا واختى خايفين منهم وقعدين عالكنبه ورافعين رجلنا عن الارض خايفين منهم وانا عرفه فالحلم ان فالحلم عمتو كدا بتقليهم فالزيت عالارض ووقفه عالباب بتكلم حد بس انا شايفه انهم فى مايه عالارض مش فالزيت 
انا متزوجه ومغتربه وعندى بنت واختى مخطوبه وعمتو كبيره غير متزوجه وعايشه لوحدها ومتشكره ياماما نجيه على تفسيرك لكل احﻻمى

الحلم  رقم 11

السلام عليكم ورحمه الله وبركاته
انا فى الحقيقه عندى مشكله فى شغلى بسبب بنت كانت بتشتغل معايا وانا سبت الشغل  بسبب المشاكل اللى كانت بتعملهالى فانا  حلمت انى فى بيتنا القديم وبغسل  حصران كتير وبعدين البنت اللى كانت بتشتغل معايا اسمها مى جت فانا كنت بغسل الحصران وبتكلم مع واحده انا فى الحلم مش شيفه شكلها ولا اعرفها بس فى الحلم بتكلم معاها  وانا بغسل الحصران فدخلت مى دى علينا وانا  بغسل الحصران وانا فى دماغى انها كانت المفروض تغسل معايا بس انا مقلتلهاش  فمى كلمت البنت اللى كانت معايا وبتقولها  ده موضوع انا مخبياه على ناس معينه وكانت فى الحلم تقصدنى انا فبصتلها وقلتلها انتى بتتكلمى على ايه يا مى وانا مضايقه قالتلى انا هسيب الشغل ومقرره كده من زمان ومقلتلكيش قلتلها لا انتى استاذ احمد هوه اللى مشاكى انا من زمان عارفه انه هيمشيكى انا عارفه اسلوبه لما بيكون هيمشى حد من الشغل فمى وشها اتغير واتحرق دمها كانها اتفاجات بالكلام فقلتلها اوى تفكرى انك هتقدرى تمشينى من المكان المكان ده انا بشتغل فيه من اربع سنين انا جزء من المكان ده والمكان ده جزء منى  وقلتلها الكلام ده وهيه كانت نزله على السلالم وبعدين شفت وكان فى راجل قاعد على كرسى ومعاه بنت وولد صغيرين وكانو هيقعو من شباك بيبص على منور البيت بس انا لحقتهم قبل ما يقعو وانتهى الحلم مع العلم انى انسه واللى بتشتغل معايا مى انسه

حلم 10
السﻻم عليكم ياماما نجيه
انا حلمت انى قعده فشقه عمتو فى الصاله عندها انا واختى وشوف سمكتين عالارض كبار جدا طوال ورفيعين ولونهم اسود وجسمهم طرى كدا وبيلفو على بعض زى بيعومو وجسمهم من طولو بيلف على بعض ويرجعو ينحنو فجنب كل سمكه لوحدها وانا واختى خايفين منهم وقعدين عالكنبه ورافعين رجلنا عن الارض خايفين منهم وانا عرفه فالحلم ان فالحلم عمتو كدا بتقليهم فالزيت عالارض ووقفه عالباب بتكلم حد بس انا شايفه انهم فى مايه عالارض مش فالزيت 
انا متزوجه ومغتربه وعندى بنت واختى مخطوبه وعمتو كبيره غير متزوجه وعايشه لوحدها ومتشكره ياماما نجيه على تفسيرك لكل احﻻمى