الحلم رقم (4)
حلمت ان انا صليت صلاة المغرب وبعد ما خلصت وقومت بصيت على السماء لقيت الوقت لسه مضلمش كان لسه فى الغروب لان انا صليت اول ما اذن وبعدين دخلت الاوضة لقيت ورق غلاف لونه بنى اللى هو كنا بنغلف به زمان الكتب والكراسات
انا مسكته واستغربت لان الورق ده من زمان قلت معقول الورق ده لسه موجود عندنا لغاية دلوقتى
وبعد كده اختى قالت لى فين الورق اللى مكتوب عليه قرآن ولازم نستحمى به ثلاثة ايام وثلاثة مرات
انا قلت لها نستحمى به كل الفترة دى قالت لى لازم علشان فى حاجة عايزينها تتحقق قولت لها الورق موجود فى الاوضة هتلاقيه فى الشنطة
فقالت لى يا اما نستحمى بالمياه اللى هنحط فيها الورق المقروء عليه قرآن او الحل التانى ان انا اكنس السلالم
قلت لها ماشى ده اسهل قالت لى لازم تكنسى السلالم اوعى تنسى قلت لها ماشى
انا آنسة وحالتى الدينية متوسطة
واختى آنسة
