الحلم رقم (4)
حلمت ان انا واختى روحنا شقة اخويا اول ما دخلنا اختى دخلت الاوضة علشان تغير هدومها
وانا كنت عايزة اغير هدومى لكن روحت ادور على اوضة تانية اغير فيها هدومى
واخويا كان ماشى ورايا وعايز يقعد يتكلم معايا
لكن انا مكنتش عايزة اتكلم معاه ومكنتش لاقية اوضة ادخلها علشان اغير هدومى
فدخلت الحمام واخويا قعد واقف قدام الحمام
وبعد شوية سمعت صوت باب الحمام كإنه اتقفل بالمفتاح اتخضيت
وروحت على الباب علشان اتأكد لكن لقيته مقفول فعلا قعدت احاول افتحه
لكن مقدرتش وبعد كده اخواتى قعدوا يحاولوا يفتحوا الباب من برة لكن كان كل اللى
يحاول يفتح الباب الاقيه فجأة بقى معايا جوه الحمام
بقينا كلنا جوه الحمام وبعد شوية روحت احاول افتح الباب تانى
واتفتح معايا وخرجت من الحمام وبعد كده اخواتى خرجوا
لكن كان باقى واحد فى الحمام مش فاكرة اخويا ولا واحد غريب
الباب اتقفل عليه تانى وقعد يحاول يفتحه وكان فى حد من اخواتى بيساعده
وتقريبا خرج وبعد كده انا قولت فى نفسى ان الحمام كان فيه باب سرى تانى
كان ممكن نخرج منه لكن فكرت وقلت ان اخويا ميعرفش ان انا اعرف الباب السرى
وكويس ان انا مقولتش علشان ميعرفش ان انا عارفة مكان الباب السرى
فى الحقيقة دى تانى مرة احلم ان الشقة بتاعت اخويا فيها باب سرى واخويا فى الحلم بيبقى مخبى موضوع الباب السرى وبردو فى الحلم انا بس اللى بعرف الباب السرى لكن مش بقول لاخويا ان انا عرفت ومش بقول لاى حد من اخواتى
واخويا فعلا عنده شقة جديدة لسه بيجهز فيها
انا آنسة وحالتى الدينية متوسطة
واختى آنسة
واخويا عازب ولا يعمل
