تفسير احلام الجمعه 29\8\2014 باذن الله

4

السلام عليكم ورحمه الله 
انا حلمت ان حد قدملي اكل كان غالي كان جمبري او حاجه شبهه ومكنش عاجبني نهائي ومأكلتش منه ولا مديت ايدي عليه ولقيت بابا جايبلي طبق فاصوليا بيضاء مطبوخه بالدمعه او الصلصله (واظن كان فيها قطعه لحمه ولقمه عيش صغيره ) وكنت فرحااااااانه اووووي بيها لاني بحبها .. 

الحلم ده بعد قبل الفجر بشويه كنت ساعتها دعيت ربنا بدعاء التعار من الليل وطبعادعيت بحاجات كتيييييره

الحلم رقم ( 5 )
أنا حلمت ان احمد اخويا الله يرحمه واقف واحنا حواليه كلنا وهو بيقطع كنافه وبيدينا واحنا بناكل

6
حلم لامى...حلمت انى بقولها عن شاب واهله انهم جايين يخطبونى يوم اﻻحد وصحيت
منام اخر ...ماما عوزة تقدم للحج فحلمت بابن عمتها اسمه فتحى معاه 3 بنات سارة وروضه وايات وهو بيقولها ايات هى احلى واحدة وهتروح معاكو ..وبعدها ماما كانت بتردد ايه سنريهم من اياتنا الكبرى ويس دى استخارة...هل تقدم للحج ؟؟؟؟؟؟ الشاب واهله منتظرين منهم رد علما ان انا فعﻻ جالى عمل عند عمه عصام فى المشتشفى وكان كريم جدا معايا مثل منامى وفعﻻ مامته هى كانت رافضه ووافقت كما فسرتيه لى من قبل والشاب نتيجته ظهرت وفعﻻ نجح الحمد لله ومريت بنكد وغم مثل ما قلتيلى وحاليا فى مشكله برضه زى ما قلتيلى ...طمنينى بقى عن معنى المنام دة هل فهﻻ ممكن يحدث ؟؟؟؟ دعواتك ليا بالفرج جزاكى الله كل خير

حلم رقم 7

السلام عليكم و رحمة الله و بركاته 

دا اول موضوع اكتبه فى قسم تفسير الاحلام ... ارجوكم متكسفونيش و يا رب الحلم يتفسر فى اسرع وقت 

فى البداية كدة كان فى واحد مكلمنى و عايز يتقدملى بس حصلت بنا مشاكل كتير و رفضنا بعض و الموضوع انتهى من فترة 

و بعد كدة حلمت الحلم ده 

حلمت ان انا و الشخص ده كنا قاعدين فى كوشة و كان جايب معاه دبلتين فضة 

الدبلتين كان شبه بعض بالظبط بس واحدة كبيرة ( اللى هيا بتاعته ) و واحدة صغيرة ( اللى هيا بتاعتى )

كانوا الدبلتين فضة فاتح و لونهم مطفى .... بس كانوا عاجبنى اووووووى 

و بعد كدة واحنا قاعدين فى الكوشة لقيته بيهزر معايا و لبس نفسه الدبلة بتاعته و لبسنى دبلتى فى الايد الشمال 

و كنت مبسوطة اوووووى فى الحلم 

و بعدها قبل ما امشى اخدت الدبلة بتاعته منه و لبستها فى ايدى اليمين و مشيت 

و بعد كدة و انا ماشية فى الشارع قلعت دبلته و حططها فى جيبى 

و قلعت دبلتى من الايد الشمال و لبستها فى ايدى اليمين .... و كنت فرحانة بيها اوووى و شكلها عاجبنى و كل شوية ابص عليها و كان نفسى اوريها لكل الناس اللى ماشة حوليا فى الشارع و مبيناها كدة 

و بعد كدة قولت لنفسى فى الحلم ... المفروض اقلع الدبلة دلوقتى عشان احنا لسة متخطبناش رسمى و هبقى البسها لما نتخطب رسمى ان شاء الله 

و بعد كدة حاولت اقلع الدبلة لقتها مش راضية تطلع من صباعى خالص ..... بس مش فاكرة خالص فى الحلم اذا كنت قلعتها فعلا ولا لا 

بعد كدة روحت لبابا و ماما و شفتهم ... بس مكانش ليهم اى دور فى الحلم و لا حتى كانوا عارفين ان احنا لبسنا دبل 

و بعد كدة صحيت