تفسير احلام الجمعه 9\5\2014 باذن الله

اختى كان متقدملها عريسين وماما صلت استخاره وحامت فى الاولانى انها بسمك مشوى والتانى عيش بايت

حلم رقم 6
انا يا ماما بدرس في اخر سنة في الكلية وعايزة اخلص وقلقانة اني منجحش او الامتحانات تيجي صعبة ومعرفش احل فيها كويس وانجح واتخرج
وحلمت ان انا بمتحن امتحان لغة عربية وكنت كل ما اجي احل الورقة اللي حليت فيها تضيع وكذا مرة يحصل كده لحد ما الوقت قرب ينتهي قولت هحاول تاني روحت مسكت حتة تلجة وكتبت بيها وبعد ما خلصت الامتحان لقيت الكتابة اللي انا كتبتها كلها اتمسحت وبعدين الوقت بقي يقرب اكتر انه ينتهي فلقيت بنت جمبي قولتلها بصي مفيش وقت اني افكر غششيني مليني الاجابات غششيني النحو بس وغششتني وبردوة الورقة ضاعت  او مكفيتش الاجابات اعدت ادور علي ورق ملقتش مع اي حد لو لقيت بيبقي مليان والمراقبين يدوروا ونفس الحكاية راحت المراقبة قالتلي انتي في اول حقوق هتعدي بس حلي النحو بس قولتلها ما انا مش لاقية ورق بس انا في رابعة ليسانس مش اولي قالتلي اه وانتهي الحلم ان الساعة 11 ونص والمفروض ان الوقت ينتهي 12 وانا عمالة اعيط جامد علشان مش لاقية ورق ومش هلحق احل وهسقط وانتهي الحلم

الحلم رقم 7
السلام عليكم ورحمه الله وبركاته
اختى حلمت خير ان اختى اللى اصغر منها جلها عريس واول ما اتقدم راحو كاتبين الكتاب على طول وبعدين لقت واحد قريبنا اسمه ممدوح ابن عم بابا لقيته داخل بيعيط وبيقولها ليه ظلمتوها الولد ده وحش هوه مسافه ما قرو الفتحه كتبو الكتاب مش يسالو عليه ده ولد مش كويس قالتله ماله قالها ليه يظلموها كده هوه لو ابوكى عايش كانو عملو فيها كده فقعدت تعيط هيه وماما وافتكرو بابا وعيطو فزعقت لاختى وقالتلها مش كويس ليه وافقتى عليه قالتلها هتجوزه وانا عيزاه قالتلها بس مش كويس انا اللى ازعل علشانك وكل اللى وقفين ميحسوش بيكى غيرى وماما كمان بتعيط وزعلانه وراحو عند بنت خالتى اسمها نشوى   لقوها حاطه صنيه فراخ واختى اللى حلمت وماما اكلو منها فاختى بتقول لماما انا اللى ازعل على اختى وانا اللى احس بيها فماما قالتلها انتى مش عارفه ان ابوكى مات واحنا ملناش حد فماما شبعت وقامت واختى فضلت تاكل من الاكل والاكل خلص من ادام اختى وبنت خالتى جبتلها فراخ تانى وصحيت من النوم وهيه زعلانه وبتعيط واختى كمان بتقوله انت وحش ليه هتخدها قالها اه انا وحش وكل اللى اتقال عليا صحيح بس انا عايزها وهتجوزها وكان بجح ولئيم وبيقولها انا فعلا كده وهيه بتزعقله وبتعيط  اختى اللى حلمت متجوزه واختى اللى فى الحلم انسه مع العلم ان فى واحده مش فى الحلم من اخواتنا متقدملها عريس واحنا بنسال عليه هل ده ليه علاقه بيها ولا الحلم خاص باللى فى المنام فقط مع العلم اختى اللى حلمت متعرفش ان فى عريس متقدم اصلا

الحلم رقم 8
انا حلمت ياماما اني عندي ناس بيباركولي بس مش عارفه على ايه كل اللي فاكراه اني كنت في بيتنا القديم في الدوحه وباكل الناس وكنت لابسه في ىايدي اليمين خاتم كبير هو عباره عن دبله ولازق فيها خاتمين على شكل قلب يعني الدبله في النص وخاتم قلب فوقيها وخاتم قلب زيه بالضبط تحتيها والتلاته ملزوقين في بعض وكنت ببص ليهم مستغربه انها مش شكل دبلتي والخاتمين اول مره اشوفهم
انا متجوزه ياماما

9

والله يا ماما انا بكتب وانا ﻻبسة نضارة الشمس فى البيت بس
حلمت خير اللهم اجعله ان فيه واحدة شابة اسمها دنيا جاية تجرى عليا وتقولى فيه شاب بيجرى ورايا وعايزنى ممكن انتى تيحى تنامى مكانى عشان انا مش عايزاه يشوفنى فروحت فعﻻ نمت فى سريرها فلقيته جالى وكشف الغطا عنى وخدنى بدالها وزى ما يكون كنا فى رمضان ولقيته محضراى سفرة عليها اﻻفطار وعصير مانجة وشكلها حلوة اوووى فبقول ما كويس اهو وجايب حاجات حلوة امال البنت دى سابته ليه وبعدين لقيت البنت دى قاعدة مع واحد تانى فى ترابيزة جنبنا وكانت بتفطر معاه فلقيت الشاب اللى معايا بيبصلها من بعيد فقولتله انت زعﻻن عشان هى قاعدة مع واحد تانى ؟ قاللى ﻻ والله ما اما قاعد معاكى انتى اهو وخلص المنام على كده

ومعلش كنت شوفت قبل كده رؤية خير انى ماشية مع شاب وكان معانا بنت شابة تانية وبعدين كنا فى سوق كده فوقفنا قدام محل شنط فدخل هو يشترى شنطة حريمى فانا توقعت انه هبجيبهالى فراح مديها للبنت اللى معانا فانا اتكبست كده وزعلت فلقيته راح داخل تانى المحل وخارج وحايبلى انا بقا المرة دى طقم قهوة انتيك بفناجيل واطباق انتيكة كده زى تحفة للزينة وكان شكله اتحول لشكل الممثل احمد عز فاما فرحت بالهدية دى اووووووى وقلت دى احسن من الشنطة اللى اداها للبنت وكنت مش مصدقة ان احمد عز ادالى هدية زى دى