تفسير احلام الخميس 24/7/2014 باذن الله

السلام السلام عليكم حلم رقم1 حلمت اختي اننا كنا نتحدث معا وبدات تدعو لي بان نجح في دراستي علما انا على ابواب الامتحان الاستدراكي وكانت تدعولي بان انجح وانتقل الى سنة خامسة طب علما اني ادرس الطب سنة رابعة وهي تدعو انهمرت الامطار بغزارة شديدة فقالت لي هل رايت ذلك ما ان دعوت لك حتي بدات الامطار تنهمر بغزارة وكان دعوتها استجيبت واستفاقت من النوم واخبرتني بهذا الحلم علما انني ادعو الله بان يوفقني في هذه الامتحانات ان شاء الله وادعي لي خالتي نجية ان شاء الله تكون دعواتنا مستجابة في هذه الايام المباركة وصح رمضانكم وفطوركم وعيدكم مبارك السلام عليكم

السلام عليكم 2
المنام الذى تكرر هو رؤيتى البس فستان العرس وشاب بجانبى ببدله العرس على الكوشه وكتوب علينا ﻻ ... تكرر اكتر من 3 مرات ..ما معنى التكرار ؟؟؟؟ شكرا جزيلا ودعواتك لى ماما نجيه بتيسير زواجى عاجﻻ غير اجﻻ عساها تكون ليله القدر

حلم رقم 4
ماما نجية انا تقريبا كل يوم بصلي استخارة في حد كان متقدملي وانا طول الوقت بدعى ربنا انه يكون من نصيبى . وانا حلمت انى كنت بجهز نفسي وخارجة انا وماما واختى عند جدتي وانا كنت في الحمام بغسل وشى واختى جت قالتلي انه فيه زي رسالة جت من حد اسمه وليد بيقولى كملي دعاءك واستمري عليه وبازن الله ربنا هيسمع دعاءك وبعدها انا سمعت اغنية وكنت مبسوطة وبغنى معاها
نسيت اقولك يا ماما نجية انه وليد ده حد زي ما يكون بيفسر احلام بردو لكن انا في الحقيقة مش بعت حلم لحد ولا حتى اعرف حد اسمه وليد

الحلم رقم6
انا حلمت ان كنا في شقتنا وكنت في اوضة ماما وبابا وفي بلكونة ماما وبابا في ارنب لونه ابيض وفي الاوضة في قطة بيضة شيرازي فانا شوفتها عجبتني قومت شيلتها وكان شكلها حلو شيلتها  كانت حلوة وانا كنت فرحانة بيها اوى  بس مرة واحدة وانا شيلاها لقيتها تقلت علي ايدي فقولت خلاص انا هنزلها لانها تقيلة على ايدى  وكمان علشان القطة بتاعتنا لو شافتها هيتخانقوا مع بعض  وبعد كده الارنب اللي في البلكونة كان بيعمل صوت فانا قولت ادخل اشوف في ايه ماله يمكن جعان قومة جبت جزرة مقطوم منها حتة وشممتهاله مش اكلها بس اتحول لجمل صغير لونه ابيض فروحت قولت لبابا وماما الحقوا الارنب اتحول لجمل صغير لونه ابيض والمكان اتحول لشركة كنت اهدة علي ترابيزة وادامي واحد هندي والكرسي التاني عليه واحد ياباني او صيني والهندي عمال يكلمني لغة غريبة مش فهماها واللي فهمته منه انه بيقولي عندي 49 سنة الراجل ده كان دقنه طويل وشعره اسود طويل واسمر وبعدين الياباني او الصيني ده قالي بقولك ايه انا بعرف في اللغة بتاعته اترجملك اللي بيقوله قولتله ماشي قالي بيقولك انا معجب بيكي وعندي 49 سنة بس فقولت للراجل يا سلام وانتهي الحلم علي كده
مع العلم ان انا عندي قطة فعلا

7

حلمت خير يارب انى لابسة فستان احمر وبدور على طرحة حمرا تليق عليه فقولت انا عندى ايشارب احمر كان عندى زمان هشوفه يليق ولا لا فروحت جبته ولقيته فعلا طلع يليق فروحت لابساه ومظبطاه وكان شعرى طالع من تحته وكان ناعم اووووووى ولونه اسود قاتم جدا وكان من نعومته الايشارب كل شوية يتزحلق من عليه وارجعه تانى وبعدين روحت محل جنبنا واشتريت 2 ايس كريم واحد لامى وكان كبير والتانى بقا ليا وكان باستيك كده اللى هو بعصاية نفس النوع بالظبط بس كان اصغر حجما ولقيت البياعة بتعرض عليا كيس غزل البنات لونه بمبى وخدتهم كلهم ودفعت تمنهم وكنت عايزة اجيب حلق البسه بس ملقتش حاجة مناسبة وقلت كفاية الحاجات اللى اشتريتها وكنت كل شوية اجيب اللايشار ب على قدام من مكان ما بيتزحلق من نعومة شعرى

8
السلام عليكم ورحمه الله
انا حلمت اني كنت مع ناس معرفهمش ودخلت مبنى كبير ضخم جدا وممكن نقول مهجور ودخلته عشان الميه وقعدت املى ميه واحطه في شنطتي ولقيت صندوق جنب الميه للصدقه وحطيت فيها فلوس معدنيه ومحدش كان شافني وانا بملى ميه واحده قالتلي يالا عشان نقفل والا نقفل عليكي وهيبقى معاكي واحده ميته عندها 41 سنه قلتلها ماشي قربت اخلص وطلعت لقيت حد بيمسح الشارع بميه

انا الحمدلله مع ان الدنيا ضيقه بس مداومه على الصدقه ... وامبارح قعدت اطلب من ربنا يبينلي دعائي مستجاب

---

حلم رقم 9

حلمت يا ماما نجية كاني لابسة عباية وطرحة خضراء و بعدين لاقيت نفسي مسافرة بلد اسمها مالي بالقطار وبعدين اركب الطايرة وانا الحمدالله متدينة وانسة

خلم رقم 11
انا حلمت ان كنت بجوز وف فرحى  وكنت لابسة فستان ابيض وكان حلو اوى عليا وانا ببص لنفسى مش مصدقة انى طلعت فية حلوة كدة  ومكنش ف تطبيل وزغاريد وكدة  المهم كان فضلى ميكب الفرح  فانا جبت واحدة عادية مش مشهورة تعملى الميكب ف البيت  بس كنت زعلانة عشان مش روحت كوافير فقول مش مشكلة  وعملتلى الميكب فببص ف المرايا لاقيتة ميكب عادى  بس جميل عليا ومخلينى حلوة وعملالى تسريحة غريبة بس جميلة وقعدت ابص لنفسى وانا معجبة بنفسى جدا وكنت فرحانة بعريسى  لان كنت بحبة وبيحبنى بس اللى كان مزعلنى ان عملت فرحى ف بيتنا ومش ف قاعة وان انا كان نفسى اروح لكوافير يعملى الميكب احسن من كدة وف الحلم كان جسمى رفيع عن طبيعتة ف الحقيقة والفستان كان جميل عليا
انا انسة