الحلم رقم (2)
حلمت ان انا كنت فى الحمام بقضى حاجتى وبعد ما خلصت كنت هتوضأ علشان اصلى صلاة العشاء لكن لقيت راجل وولد كانوا معايا فى الحمام
وكانوا بيصلحوا فى المواسير بتاعت الحمام وانا كنت مترددة اتوضأ ولا لا لانهم كانوا بيقولوا محدش يشغل المياه علشان يعرفوا يشتغلوا فى المواسير فأنا فكرت شوية وقلت فى نفسى خلاص انا مش هتوضأ دلوقتى وهستنى لما يخلصوا ويمشوا
وانا خارجة من الحمام لقيت اختى كانت جوه الحمام بس مش فاكرة كانت بتعمل ايه قلت لها انا خارجة قالت لى ماشى انا جايا وراكى وانا خرجت دخلت الاوضة فكرت أقرأ قرآن لغاية ما يمشوا بس خوفت انهم يتأخروا وتفوتنى الصلاة فحاولت اروح تانى ودخلت الحمام وهما كانوا قاعدين
وروحت فتحت الحنفية وحاولت اتوضأ بسرعة لكن مقدرتش لانى خوفت ابوظ لهم الشغل
فقفلت الحنفية وخرجت من الحمام وقلت هصبر وخلاص مفيش قدامى غير كده
انا آنسة وحالتى الدينية متوسطة
واختى آنسة
