تفسير احلام الخميس 3\4\2014 باذن الله

حلم رقم 6 

ماما حلمت انها شدت سنه من بوق ابن عمتي هل ده ليه تفسير و ابن عمتي ده مهندس و متزوج

الحلم رقم 7
اختى حلمت اللهم اجعله خيربتقول   
ان انا وهيه رحنا نعمل دراسات عليا وان احنا المفروض بنروح بالدور لمكاتب الدكاتره علشان نقدم عندهم ويقبلونا نعمل الدراسات العليا ولما بيقبلونا بناخد فلوس منهم ونديها لطلبه نتمرن عليهم فانا دخلت وقبلونى واختى راحت تدخل كان فى واحده هتدخل هيه كمان تقدم فالبنت دى دخلت مكتب تقدم مقبلوهاش علشان اسلوبها وحش فى الكلام فاختى خافت تدخل معاها ميقبلوهاش زيها فمشت بسرعه علشان تدخل مكتب غير اللى البنت دى بتقدم فيه فاختى دخلت مكتب وكان فيه تلات ظباط وواحده ست فخبطت على الباب وقالتلهم تسمحولى ادخل فراحت الست الموجوده مع التلات ظباط بصتلها باعجاب وقالتلها ما شاء الله على اسلوبك وقبلوها وراحت علشان تدى الفلوس للبنت اللى المفروض تتمرن معاها لقت البنت دى مش مهتمه البنت دى فى الحقيقه اختى تعرفها اسمها منه مجدى عبد القادر فلقتها مش مهتمه فاختى قررت تذاكر هيه وتسبها منها علشان محدش بينفع حد وانتهى الحلم 
مع العلم اننا متخرجين ومقدمين فى وظيفه بس لسه نتيجتها مظهرتش واحنا انسات

10

كنت شفت رؤيا خير يارب ان واحدة زميلة اخويا فى الشغل لقيتها زى ما يكون بتقوللى انا غسلتلك الفستان البنفسجى بتاعك ولقيتها بتدينى زى صدفة بتاعة البقلويز دى اللى بتتفتح نصين دى وخدتها منها لقيت فى النص الاولانى اسمى اللى هو  ايناس والنص التانى مكتوب فيه اسم حمادة ! ... بس كده وقمت مستغربة لان زميلته دى لا هى على بالى و كلامى معاها مش كتير اوى

ايه كتب:

الحلم رقم 1


ماما حلمت ان في حد نزل عفشنا من دور للي الدور الي تحته و ماما عماله تحسبن علي عمل كده و تقول حسبي الله و نعم الوكيل و بنت صاحب البيت 


بتقولها انتوا كنتوا عايزين نسيبهالكو دي هوا جدااا و ماما عماله تدعي و تقول حسبي الله و نعم الوكيل 


و بعدين حلمت ان اخويا عندنا في الاوضه بتاعتي و قاعد على السرير و مطول شعره شويه لغايه قفاه كده مع انه عمره ما طول شعره خالص 

حبيبتى  فيه شخص هيكون سبب فى خسارة مادية لكم   اما اخوك فعنده هموم وربنا يخرجه منها

راجية عفو الرحمن كتب:

حلم رقم 2

ماما نجية انا حلمت اننا كنا فى بيت خالتو بس هو كان شبه بيت نينا وبعدين بنت خالتى معاها شراب لون جملى كده بس كان مقطوع وباباها عمال يزعقلها عشان تلبسه عشان هى بترمى الشرابات اللى فيها اى قطعة وهى مش عايزة تلبسه فقعدت اقنعها عشان بابها ميضيقش انها تلبسه واقولها مامتك ممكن تخيطهولك انا ماما بتخيطلى بردوا الشرابات ومش بتبان وفهمت خالتى ماما بتخيطلى ازاى قولتلها بصى اللى انا لابسها فقعدت ادور فى الشراب اللى انا لابساه على قطعة ملقتش فستغربت انه بقاله فترة عندى ومتقطعش انا شرابى كان لونه نبيتى

انا انسه 28 سنة

بنت خالتى انسه 22 سنة

اطغاث       احلام

♥براءة عشق♥ كتب:

حلم 3
السلام عليكم ورحمة الله وبركاته
انا  حلمت ان خارجه ولما خرجت من البيت وانا وفى الشارع لقيت اخو صحبتى الصغير كان جايلي البيت عشان يديني الدريل اللى كان مع صحبتى وكان راكب موتوسيكل فانا اتطريت ارجع تانى ورا عشان اخد منه الدريل ولما وقف عند بيتنا قولتله شكرا اوى وقام ادانى زجاجتين زيت زيتون وفيهم زيت لحد نص الزجاجه وفيهم من جوا ورق عنب محشي وملفوف وهى حطاهم فى زيت الزيتون عشان اطبخهم على طول وانا اللى كنت طالبه منها كدا رغم ان انا كنت هستلم الدريل بتاعى بس واتحول لان طلبت منها محشي ورق عنب اخدتهم ودخلتهم البيت وقولت لما ارجع من برا ابقي اطبخهم
معلش يا ماما بس صحبتى دي فى نفس اليوم حلمت بيا بردو اننا ((انا وهى كنا راكبين اتوبيس كبير وانا كنت بتكلم فى الموبايل وقولتلها خدي سلمي على حد بس هى متعرفش مين اللى هتسلم عليه ده وجي اتوبيس تانى خبط فى الاتوبيس اللى احنا في قام الموبايل وقع من ايديها واتكسر وانا فضلت اعيط على الموبايل وكان فى ولدين هى فضلت تزعق معاهم ونزلو من الاتوبيس وبعد كدا قالت بقينا فى عربيه انا اللى اشترتها بس معرفش اسوقها قامت هى قالتلى هاتى اجرب اسوق وصحيت من النوم

انا انسه 20سنه

حالتى الدينيه متوسطه
وشكرا جزيلا وبارك الله فيكي غاليتى

واسفه على الاطاله

حبيبتى فيه امانة لك سوف تعود وفيه رزق لك لكن ورائه حبة كلام وفيه احد بيفكر للتقدم لك باذن الله  اما التانى انت وصاحبتك هتمشى اموركم بخير وفيه مشروع خطوبة لكن هتحدث مشكلة هتعطل الخطوبة لكن هتعدى على خير وان شاء الله ربنا هيعوضكم احسن منها

لجين كتب:

حلم رقم4
انا قبل النوم حصنت نفسي بسورة الكرسي و دعيت ربي لحاجة في نفسي.
حلمت البارحة اني اقرأسورة الفلق اكثر من مرة حتى اني بأخر قراءة فكرت اني غلطت وانقصت أية
لكن عند استيقاضي يعني بين سهد ونوم رددت السورة واتأكدت اني لم اخطأ بل قرأتها صحيحة وكاملة
انا عزباء.

 حبيبتى  من قرا سورة الفلق فى الرؤيا فانه يتحسن حاله ويظفر باعدائه ويرزق اسم الله الاعظم ويستجاب دعائه ولا يمسه انس ولا جان ويامن من شر الهموم والحساد وتكثر الدنيا عليه لدرجة الحسد  وفقك الله

maimoonah كتب:

 رقم 5
 سلام عليكم ماما نجية انشالله تكوني بخير، ماتفسير ان ترى فتاة رجلين كانهما الخضر وذو القرنين كانا يقومون بعمل شي ما وكان احدهما اسمر البشرة
هذه الفتاة عزبا ومتدينة
وما تفسير ان يرى الرجل والده المتوفي متزوج من امراة سمرا وخرج من بيته غاضبا بسيب مشاكل بينه وبين امه اي زوجة المتوفي وهي حية في الواقع ؟

 حبيبتى مستحيل ان يجتمع سيدنا الخضر وذو القرنين معا  فهذه ليست رؤيا   اما التانى هذا الرجل يفكر فى الزواج سرا وربنا يسترها

ايه كتب:

حلم رقم 6 

ماما حلمت انها شدت سنه من بوق ابن عمتي هل ده ليه تفسير و ابن عمتي ده مهندس و متزوج

استعيذى من تلك الرؤيا

اليقن بالله كتب:

الحلم رقم 7
اختى حلمت اللهم اجعله خيربتقول   
ان انا وهيه رحنا نعمل دراسات عليا وان احنا المفروض بنروح بالدور لمكاتب الدكاتره علشان نقدم عندهم ويقبلونا نعمل الدراسات العليا ولما بيقبلونا بناخد فلوس منهم ونديها لطلبه نتمرن عليهم فانا دخلت وقبلونى واختى راحت تدخل كان فى واحده هتدخل هيه كمان تقدم فالبنت دى دخلت مكتب تقدم مقبلوهاش علشان اسلوبها وحش فى الكلام فاختى خافت تدخل معاها ميقبلوهاش زيها فمشت بسرعه علشان تدخل مكتب غير اللى البنت دى بتقدم فيه فاختى دخلت مكتب وكان فيه تلات ظباط وواحده ست فخبطت على الباب وقالتلهم تسمحولى ادخل فراحت الست الموجوده مع التلات ظباط بصتلها باعجاب وقالتلها ما شاء الله على اسلوبك وقبلوها وراحت علشان تدى الفلوس للبنت اللى المفروض تتمرن معاها لقت البنت دى مش مهتمه البنت دى فى الحقيقه اختى تعرفها اسمها منه مجدى عبد القادر فلقتها مش مهتمه فاختى قررت تذاكر هيه وتسبها منها علشان محدش بينفع حد وانتهى الحلم 
مع العلم اننا متخرجين ومقدمين فى وظيفه بس لسه نتيجتها مظهرتش واحنا انسات

حبيبتى ان شاء الله سوف تقبلوا فى الوظائف والله يوفقكم

tamatem 89 كتب:

8


السلام عليكم ورحمه الله 


ده حلم كنت حلمته من يعني من زمان شويه


ازيك يا ماما نجيه ...
انا حلمت الحلم اللي هكتبه ده الاسبوع اللي فات اظن يوم الثلاثاء او الاربعاء
انا حلمت اني كنت قاعده مع بنت (وطلعت انها اخت سيد ) وبنتكلم عادي وسالتني بتقولي هو سي مجابلكيش سيره عن البيت .. قلتلها لا خير في ايه قالتلي شوفي سيد عايز يتقدم وعايز يعرف رايك ... وبيتنا احنا ساكنين فيه بيت عيله .. وبنتكلم كلنا مع بعض وكده .. قلتلها بس ليه سيد مكلمنيش احنا دايما بنتكلمش ومقاليش .. قالتلي هو باعتني اخد رايك قلتلها ممكن سواني ومشيت وجيت بعدها قلتلها موافقه بس قولي لسيد اني عايزاه يكلمني ويقولهالي بنفسه قالتلي ماشي .ز وورتني ورقه باسامي اخواته وتقسيم البيت .. وعرفت انه اخوه الدكتور ومراته في حالهم وكويسين .. وبس



انا انسه
ناا معرفش اخوات سيد
سيد .. اللي بدعي ربنا بيه ونفسي ربنا يستجيب لي دعائي

الاهم من ده انه قالي من فتره .. يعني بعد ما حلمت الحلم ده .. ان اخته هي اللي كانت بتجيبله العرايس وهي من نفسها تجوزه النهارده قبل النهارده هو لو سابلها نفسه كان زمان عنده عيال ..انا افتكرت الحلم لما كنا بنتكلم .. والكلام ده من فتره

حبيبتى ادعى ربنا ان تصدق الرؤيا خير باذن الله وربنا يحقق امانيك

toto كتب:

الحلم رقم (9)

حلمت ان انا كنت قاعدة لوحدى فى الاوضة واخويا دخل عليا وانا كان شعرى مكشوف واول ما دخل عليا غطيت شعرى بالحجاب

وبعدين قال لى ان فى واحدة ست بتعرف الغيب طلب منى اسألها واستغلها يمكن تقول لى على اى حاجة 

فأنا قلت له دى متعرفش حاجة ودجالة فقال لى لا مش دجالة دى عندها الحاسة السادسة

وبعد كده لقيت نفسى مع والدتى وواحدة مسيحية وواحد مسيحى ووالدتى قالت لى ان الست الى عندها الحاسة السادسة قالت لها عليا ان انا متزوجة من جن

وعلشان تتحل المشكلة دى لازم تخلى شيخ يقرأ عليا سورة البقرة كاملة وهبقى كويسة بعد كده

وانا كنت رافضة ان حد يقرأ عليا وكمان سورة البقرة طويلة يعنى اللى هيقرأ عليا هيقعد يقرأ وقت طويل 

وانا مكنتش حابة كده فبصيت للست المسيحية وغمزت لها انها تبقى معايا يعنى تقف معايا وتقول محدش يقرأ عليا لكن هى كانت مع والدتى فى الرأى 

وغمزت لى ان انا اوافق فأنا بعد كده بصيت للرجل المسيحى وعملت معاه نفس اللى عملته مع الست المسيحية لكن هو كمان كان معاهم

يعنى كلهم كانوا عليا وانا مكنتش عارفة اعمل ايه

انا انسة وحالتى الدينية متوسطة

واخويا عازب ولا يعمل

والست اللى عندها الحاسة السادسة معرفهاش

حبيبتى فيه فتنة انت هتقعى فيها ولكن ربنا هينصرك باذن الله وعليك بقراءة سورة البقرة يوميا