تفسير احلام الخميس 5\6\2014 باذن الله

حلم رقم 1
ازيك يا ماما انا انسه 35 سنة حلمت اني خرجت من بوابه كبيره وقبلت بنت عند البوابه وقولتله شوفت متاخرتش وخرجت لاقيت نفسي ماشيه فوق اسطح مباني قصيره ومش حلوه ومعايا ماما واختي وسطح المباني من غير سور ولاقييت نفسي وقعت وامي واختي قلقنين عليله وانا وانا كنت خايفه ولاقيت نفسي نزلت واقفه علي رجليه علي طبليه واستغربت اني وموقعتش ومحصليش حاجه ونزله واقف علي رجليه وماما قالت لي اختي خلاص اطمن عليه

٢
الحلم ده لصاحبتي حلمت انها في فرح بنت عمها وكان في الفرح واحد قريبها وبعدين حصلت مشكلة وهي فضلت تزعق فقريبها قالها تعالي نتمشي ومشيوا سوا وبعدين راحوا ياكلوا سمك في محل والمحل كان دورين فقعدوا في الدور اللي فوق فعدت مسيرة وكان فيها واحد زميلها في الجامعة وهو بيحبها وعاوز يتقدملها حاليا وهي كانت بتتفرج من الازاز فشافها ومشي عادي بعدين رجعت الفرح فوالدة قريبها قالتلها عايزة اتكلم معاكي فكانت عايزة تعرف انها كانت بتحب حد قبل كدة قبل قريبها يعني ولا لا وان هي بتحب ابنها ولا لا قالتلها انها بتحبوا اووي
وخلص الحلم علي كدة مع العلم ان صاحبتي انسة وزميلنا في الجامعة كانوا بيحبوا بعض وهو عاوز يتقدملها حاليا بس هي مش عاوزة بس لسة مقالتلوش وهي بتحب قريبها ده بس هو لسة هيفاتح والده اليومين اللي جايين في خطوبتهم

3

السلام عليكم
انا حلمت ان كان فيه باص سياحي وكان فيه عادل امام ومش كل الباص مليان والرحله لاقصر واسوان .. وكان في الباص نهاد ونورهان ... وانا مستنيه سيد وفعلا جه ولما ركب انا ركبت وشفت نورهان في الباص وكانت بتعرق لان الجو حر جدااا .. وجت شويه بنات بتوع 15 سنه فرحانينن عادل امام معانا وكده وشويه سمعت السواق بيقول هنقف المحطه الجايه عشان سيد حامد تعبان انا قلقت اوي قلت انا هنزل كمان ... لان الاجازه عندي يوم واحد وكمان سيد مش معاهم .. لما نزلت لقيت 3 شبه سيد وناديت على واحد منهم مطلعش هو لقيت الشخص بيقوله في ودنه اني سالت عليه وبيشاورعلي وسيد كان لابس جاكت شتوي مع ان الجو حر جداااا ..لقيته كان بيحاسب السواق لانه مطلعش الرحله والرحله كانت ب 20 جنيه وبعدها انا قلت هكلمه لما يفوق ورحت اخدت تاكسي وقلتله مكان بيتنا في القاهره .. لقيته واخد طريق مختلف قالي الطريق التاني زحام وانا في التاكسي لقيت الحساب بقى 7 جنيه وانا لسه في اول الطريق بقول ياريتني عملت زي سيد واخدت فلوس الرحله .. ووداني مكان مشفتوش من قبل كان اوضه للايجار وبعدها جه بتاع الكهرباء وعايزيني ادفع 5 جنيه قلتله انا هنا مستنيه لحد ما الشوارع تبقى فاضيه واروح وكمان انا كنت شاكه في سواق التاكسي قلت همشي وفعلا .. وكان فيه صحراء فيها بيوت بس الجو كان رااااائع جدااا وشويه لقيت زرع صغير ..
مشيت

الحلم بعد الفجر
انا كنت مصليه صلاه الحاجه
سيد ده اللي بتمناه من ربنا لكن هو ساكن في مدينه تانيه غير بتاعتي ونفسي ينقل او انقل لعنده
نهاد ونورهان كانو زمايلي في الجامعه ... نورهان دي مخطوبه من خوالي 9 شهور كده

حلم رقم 6

ازيك يا ماما نجية واحدة صاحبتي حلمت ليا  اني داخلة مكان شغلنا وانا راكبة حصان اسود وبعدين سلمت عليها ومشيت وانا الحمدالله انسة ومتدينة

حلم 8
السلام عليكم ورحمة الله وبركاتة 
كيف حالك ...الله يكرمك ويعطيكى الصحة دى رؤيا شفتها فى وقت ما بعد العصر 
شفت نفسى بحكى لحد من اولادى معرفش مين من اولادى اللى بحكيلة  واحنا على السرير بتاعى اللى كنت فى الحقيقة نايمة علية وبقول له ان كانت ستنا حبيبة او ام حبيبة مش فاكرة عاشت وماتت عن عمر 17 سنة وانها تزوجت من الرسول صلى الله علية وسلم وهى عمرها 8 او 9 سنين وانها ماتت عن عمر 17 سنة وكنت بعيط ودموعى كتير وعلى كل وجهى تقريبا وعيطت كتير وانا بحكى وخاصة فى اخر الحلم ...وصحيت ومافيش حزن بعد ما صحيت بالعكس حاسة نفسى كويسة ونفسيتى احسن 


ملحوظة : فية خبر حلو نفسى اسمعة خاص بالسفر وبصراحة تأخر او مافيش امل فى الموضوع دة وكمان قلقانة من امور تانية بعيد عن موضوع السفر خالص