الحلم رقم (4)
حلمت ان انا كنت فى المدرسة وكنا بالليل وانا خرجت وقفت على الباب الرئيسى بتاع المدرسة كنت ببص فى الشارع وفجأة لقيت كان فى اولاد طلاب جوه المدرسة قفلوا الباب الرئيسى وانا كنت واقفة برة
قالوا محدش هيدخل تانى فأنا مشيت لقيت بنت صغيرة مسكتها ومشيت معاها وكنت مبسوطة بيها اوى وفجأة لقيت نفسى ماشية فى نص الطريق قدام العربيات ومكنتش واخدة بالى من اى حاجة حواليا لانى كنت بفكر فى اشخاص
فجأة لقيت الناس بتقول لى حاسبى العربيات فى وشك انا اتخضيت ومشيت على جنب بعيد عن العربيات وبعدين لقيت اتوبيس جاى ناحيتى خوفت منه وجريت بسرعة
ومشيت على الجنب شوية كمان وشيلت البنت على ايديا الاتنين وانا حضناها وهى كان معاها كيس فيه سندويتشات حلاوة طحينية كانت بتأكل منهم
وبعد كده جات واحدة صاحبتى من المرحلة الثانوية تمشى معايا قالت لى انها هتروح تمشى مع واحدة تانية لانها فاكرانى مش حابة امشى مع حد قلت لها لا خليكى معايا ونسينى فى الطريق
هى كانت رافضة بس بعدين وافقت وجابت صاحبتها ومشينا مع بعض عدينا على واحد كاان عامل حاجة جديدة على الارض واحنا مكناش نعرف فعدينا عليها ورجلينا طبعت عليها انا حاولت اصلح له الارض لكن منفعش اعتذرنا له وبعد كده لقيت نفسى فى البيت وكانت معايا صاحبتى اللى كانت ماشية معايا
وانا كان معايا ساندويتش كان جواه برص وانا كنت بأكل فيه ولما وصلت لرأس البرص بصيت فيها وقرفت اوى وقلت لصاحبتى ان انا مش هأكل البرص قالت لى ليه وكانت بتشجعنى آكله لكن انا مقدرتش استحمل وسيبت الساندويتش فصاحبتى قالت لى هاتيه كانت عايزة تأكله
كنت هديهولها لكن لقيت البرص خرج من الساندويتش ومشى دخل فى شنطتى لكن انا اكلت ديله بس ومقلقتش لما دخلى فى شنطتى قلت هيخرج بعدين
انا آنسة وحالتى الدينية متوسطة
صاحبتى معرفش حاجة عنها حاليا
