تفسير احلام الخميس 10\9\2014 باذن الله

حلم رقم 1 

انا حلمت انى عزلت ورحت ف بيت كبير اوى وفى منطقه حلوه اووى وعلى النيل

2
الحلم ده لبابا 
حلم انه اشترا اربع شجرات كبار وزرعهم قدام المحل بتاعنا
وخلص الحلم علي كدة مع العلم ان فيه مشكلة في المحل ولسة مخلصتش

الحلم رقم (4)

السلام عليكم ورحمه الله وبركاته 
انا حلمت حلم اتكرر عليا مرتين انا حلمت خير ان انا فى ثانويه عامه وان انا قررت انى مدخلش الامتحانات وانى اعيد  السنه لان المواد العلميه صعبه عليا  وخفت من امتحان الكيميا وان انا كانت شعبتى علمى فقررت ما ادخلش الامتحانات واعيد السنه واحول ادبى لان المواد الادبيه اسهل وكنت بفكر وبخطط فى السنه الجديده هاخد دروس عند اى مدرسين وبقول هاخد التاريخ عند استاذ اسمه عصام  انا اعرفه وهاخد عربى عند استاذ احمد وهاخد فلسفه عند استاذ احمد وفى الحقيقه المدرسين دول انا اعرفهم من الشغل لانى انا بشتغل مع مدرس ودول مدرسين معانا 
مع العلم انى متخرجه من الكليه من زمان وانا انسه والحلم ده حلمت بيه مرتين وانا بشتغل فى درس ثانوى 

السلام عليكم و رحمه الله و بركاته يا ماما نجيه انا ميرفت اللى حكيت لحضرتتك كذا حلم قبل كده بخصوص موضوع خطوبتى من خالد انا الموضوع بتاعى بدا يتعقد جامد جدااا و ليا خمس ايام شبه منهارده بجد حاسه بحياتى بتضيع من منى و الابواب كلها اتقفلت ف وشى امبارح بعد ما صليت الفجر انا كنت معيطه قبل مااصلى الفجر و بعد ما خلصت صلاه روحت نمت خير اللهم اجعله خير ان انا قاعده كده ف بيت زى لبيتنا و البيت كله عفاريت بس انا مش بشوف العفاريت بس اللى بيحصل ان البيت كله عكوسات كل مااعملها تتقفل ف وشى و انا طول الحلم خايفه موت و من اللى بيحصل ده و امى سابت البيت بتاعنا و راحت عند بيت كده زى ما يكون بيت عمتى و قالتلى لمى الحاجات الى ف البيت و تعالى زى ما يكون سابتنى ف اختبار صعب جدااااااااااا و كان معايا ف البيت و انا بردو بلاقى عكوسات و خايفه جدا و راحت بعتتلى عيال صغيره كده و فعلا حصل معاهم شويه مشاكل و مامتهم جات بقا تلومنى انا و تقولى انتى لغايه امتا كده مش هتتنصحى كنتى ضحكتى ع العفاريت دى و ما خليتيهومش يعملو كده ف العيال المهم امى جات و الست دى علشان ساخدو كل حاجه من البيت و ابويا كان قاعد و انا كنت خايفه جدا و صعبان عليا جدا ان هسيبه لان للاسف والدى هو كام زى الشيبح اللى بتحول و احنا بنلكم الحاجه هو كان ياينى ف الاوضه متغطى و مش عايز يكلم حد و انا بلم معاهم علشان نمشى انا كنت بدور ع بنسه الشعرو انا بقول لامى انا زعلانه ع بنسه الشعر بتعتى فهو علشان يقولى تعالى ما تمشيش و انا هقعد معاكى قالى عارفه لو قعدتى معايا انا هجبيلك احسن منها قلتله صحيح ياابويا قالى انه و الله روحت قلت ف سرى ما انت ياابويا مريض و كمان بتتحول بس من جوايا بتقطع ع ابويا طبعا موووت و لمينا كل الحاجه و خلاص هنطلع من البيت و انااعيط علشان هسيب ابويا و بعيط ع احله روحت قلتله انا واقفه جمب الحاجه كده لسه ما طلعناش انا بعد ما تهدى الدنيا هنا ياابويا و اللى ف البيت يمشو هرجع تانى  بس ابويا متوفى و انا لما صحيت من لنوم فضلت اعيط جامد جدا ع والدى و حسيت كده كان ف سكينه ف قلبى لاول مره احسها

حلم رقم 9

بابا حلم ان كان قاعد هو وماما  ف بيت  جدتى ام بابا بيت العيلة  وبعدين والد بابا جاء ومعاة عربية نقل كبير(ترلة) وكان هو اللى بيسوقها وبابا وماما نزلوا وركبوا معاة  عشان يوصلهم بيتنا  وكان هيحمل حمولة من جمب بيتنا  ووصلوا البيت ف وقت متاخر ليلا ونزلوا  ولكن  جدى نام ع عجلة القيادة  وبابا وماما راحوا البيت   وسابوا جدى وصباحا بابا راح يشوف العربية ( السيارة النقل الكبيرة) فبابا لاقى جدى مشى بالعربية  وبابا راح للمكان اللى جدى كان هيحمل منة الحمولة لاقى  اجلو معاد التحميل  وانتهى الحلم
مع العلم ان جدى متوفى

حلم رقم 10
انا جلمت ان في واحد جبلي خاتم بس مكنش دهب كان الماظ  علشان يخطبني بيه وكان خاتم بسيط وجميل بس الخاتم ده ضاع مني وانا اعدت ادور عليه مش لقياه وكنت عايزة الاقيه علشان اللي جبهولي لو عرف مش هيخطبني والمكات اتغير للمنطقة بتاعة بيتنا القديم كنت ماشية في الشارع وبدور عليه في الشارع لقيت مستر كان بيدؤسلي زمان ومعاه اخويا واقفين جمب تاكسي بيتصلح وعرفت ان التاكسي ده بتاع المدرس وانه طلب من اخويا يجبله حد يصلحوله وجبله ووقف معاه مع العلم ان المدرس معندهوش تاكسي في الحقيقة عنده عربية ملاكي  وجالي المدرس وقالي ازيك قولتله كويسة وبعدين عديت علي محل بقاله صاحبه اسمه عوض وكان بدقن وسني قولتلي بكام البسكوت ده قالي ب 75 قرش قولتله اديني اتنين واديني واحد كيك بنص جنيه عطاني ومسي وانا بدور علي الخاتم لسه وملقتهوش وانتهي الحلم

الحلم رقم 11 السلام عليكم يا ماما انا حلمت ان اختي خلفت ولد وكانت مهملاه وعايزاه يموت يعني مثلا تسيب هدومه مبلوله وتسيبه مكفي علي وشه وانا كان صعبان عليا جداااااا لانه كان لسه صغير ماكملش حتي الربع شهور وكان ضعيف جداااا زي اي طفل لسه مولود وانا بدار اراعيه واهتم بيه رحمة مني ولانه ابن اختي ولانه لاحول ليه ولا قوه انا اختي متجوزه وجوزها كويس معاها بس ظروفه الصحيه صعبه شويه لانه مولود بيها يعني عنده كليه واحده وعمل عمليه في رجله بس هو كويس جدااااااا معاها وهوقريبي اصلا بس هي مش بتحبه وهوببحبهااا ولسه ماخلفوش ايه تفسطر الحلم دا يا ماما؟؟؟؟؟؟