تفسير احلام الجمعه 16 \5\2014 باذن الله

3
حلمت خير اللهم اجعله خير انى انا وامى واقفين قصاد ظابط شرطة وبنخلص ورق وبنمضيه عشان طالعين عمرة وتقريبا خﻻص خلصنا كل ورقنا وبعدين جينا نطلع جوازات السفر بتاعتنا روحت مطلعة جوازين واحد المثرى العادى بتاعى ولقيت واحد كمان فى شنطتى امريكى فاستغربت اوى وقلت معقولة انا لبا جواز امريكى باسمى !! واديته لظابط الشرطة وانا فخورة اوى بيه وقلت ده الجواز اﻻمريكى ده هيسهلى كل اﻻجراءات وكنت فرحانة بيه وبتباهى بيه قدام الظابط ده .. بس كده

 حلم رقم5
السلام عليكم ورحمة الله تعالى وبركاته
انا ياماما نجية عندي في الحقيقة سروال ابيض ناصع
حلمت اني قطعته الى قطع بعدها انتبهت اني قطعت سروالي وهو سروال مليح فندمت اني قطعته.
عزباء

حلم رقم ٦

"رأيت اني راكبه عربيه مع حماتي وهي اللي بتسوق وانا قاعده جمبها ، وهي ماكنتش عارفه

تسوق وانا كنت بساعدها في السواقه ، وشويه والعربيه ابتدت تنحرف منها ومابقتش عارفد


تتحكم فيها وكانت هتخبط بينا في عربيه فمسكت الدركسيون وبدأت اوجهه وفاديت العربيه

بعدها مسكت هي الدركسيون وانا مسكاه وبتحاول تسوق وخبطنا في عربيات وراها حيطه

وازاز العربيه اتسكر ولما حصل كده قولت لنفسي خلاص كده احنا هنموت

وهنخبط دلوقتي في الازاز اللي اتكسر عشان احنا مش رابطين حزام الامان

بعدها جم ناس ينقذونا وطلعونا من العربيه ومش فاكره ايه اللي حصل بعد كده

غير اني كنت في مسشتفي وجوزي كان مستنيني فروحتله وسالني علي مامته وقولتله

انها عملت بيا حادثه "

الحلم ده بعد الفجر ، انا متزوجه ومفيش اولاد مواظبه علي الصلوات والقرآن والرقيه

زوجي زيي بس مش بيسمع الرؤيه

وحماتي كذلك وهي لسه راجعه من العمره وقاعده عندي حاليا ومسافره كمان يومين ان شاءالله

حلم رقم ٧
انا كنت بعت لحضرتك من فترة احلام اختي لوالدي الله يرحمه (كانت حلمت بيه مرة انه لابس جلبابه الابيض ولكنه مبلول ومع ذلك كان يعاني من العطش والحلم الثاني انه كان يعاني من القاذورات ونحن البنات ننظفهاله واخي يقف بعيدا ولايشترك معنا مع ان والدي كان ينظر اليه ) بصراحه بعد تفسيرك للاحلام دي بعتنا نسال في مكان عمله في السعوديه وعلمنا ان هناك دينا عليه ونحن الان نسدد عنه هذا الدين ولله الحمد على ذلك
بالامس حلم زوج اختي انه قابل والدي في الطريق فسلم عليه ولكن بدون كلام ثم تركه والدي ومشى
الحلم الثاني لأختي ان والدي جاي من السفر واخي وزوجته وابنه موجودين فاعطى الاولاد الصغار احفاده عربيات لعبة واعطى حفيداته كل واحدة اسورة ذهب
والحلم الثالث لها ايضاً ان جرس الباب ضرب ولمافتحنا وجدنا رجل غريب يعطينا شريط عليه وصية لوالدي انه قد اشترى شقتين ولم يكمل ثمنهما ويطلب منا ان نكمل عنه تمنهم وان نحتفظ بيهم والا نبيعهم

حلم 11
انا حلمت بشخص مات اتقدملي قبل كدح بس محصلش نصيب والاهالي متفقوش وانا حلمت ان موضوع الشخص ده اتررفض بسبب عدم اتفاق الاهالي زي ما حصل في الحقيقة وبعد كده فوجئت ان جرس الباب بيرن فروحت افتح لقيت الشخص ده ومامته واخواته البنات الاتنين ومعاهم بنت وولد صغيرين وكان بيضحكلي استغربت جدا وقولت ايه اللي جابهم تاني مش الموضوع اترفض وانتهي خلاص لقيته بيضحكلي وكانه بيقول ان هو جاي علشان كل حاجة تتصلح فقولت في سري انا ما صدقت ان الموضوع اترفض وبعدين ده دبلوم وانا تعليم عالي هاخده ازاي ده فدخل هو واهله ةاعدوا مع اهلي وكانوا بيضحكوا مع بعض وهو جه اعد جمبي وبقي عمال يهزر معايا ويضحك ويكلمني وكان حنين جدا في طريقته في كلامه معايا لدرجة ان لقيته فرد ايده وانا نمت علي ايده واعد يتكلم ويحكي معايا بردوة بطريقة حنينة جدا وكان لابس تي شيرت بمبي او فوشيا فانا قولت فعلا مش بالتعليم ده دبلوم بس معاملته معايا قمة الرقة والذوق والحنية وبيخاف علي زعلي وبيتمنالي الرضا وكان اسرتي واسرته وانا وهو مبسوطين كلنا وبنضحك ونهزر لقيت جرس الباب رن تاني فتحنا لقيت عمتي وجوزها دخلوا واعدوا معانا واول ما اعدوا كانوا مكشرين وشكلهم غريب كده وكانهم مضايقين ان الناس دي جم تاني لينا فقومت انا واخواتي وبابا وماما علشان نعمل حاجة للضيوف ولسه رايحين المطبخ لقيت جوز عمتي وعمتي ماشوا ورانا وفجاة جوز عمتي شتم ماما واحنا فوجئنا انه شتم ماما وقولناله انت ازاي تشتمها هي عملتلك ايه وروحت انا واخواتي وبابا ضربناه وطردناه برة وانا من كتر ما انا اضايقت منه خنقته بايدي ورفعت عليه سكينة علشان شتم ماما وزقيته برة الشقة هو وعمتي راح هو اعد يزعق ويقول انتوا فاكرين اللي انتوا بتعملوه ده صح او هينفع يعني مفيش حاجة هتنفع وكل اللي بتعملوه ده علي الفاضي هو كان يقصد ان العريس جه تاني واحنا اعدين معاه ومبسوطين هو مكنش عاجبه كده وكان مضايق انه جالي عريس روحت قولتله مالكش دعوة والبيت ده متعتبهوش تاني ولو عتبته انا هعرف امنعك وقفلت الباب وبعدين رجعنا اعدنا مع اسرة الشخص اللي كان متقدملي ده وقالي هو ايه اللي حصل ده قولتله عادي ده العادي من عماتي واجوازهم قالي بس انتي كنتي قوية اوي معاه انا خوفت منك قولتله ده شتم ماما طبيعي اعمل كده معاه انا واهلي انما انتوا ناس محترمين معملتوش حاجة هعمل معاك كده ليه راح ضحك وقفلنا علي الموضوع ورجعنا نحكي ونهزر انا وهو واسرتي واسرته مع بعض وانتهي الحلم
العلاقة مع عمتي وجوزها دي عادية جدا بس يعني هما مش بيحبونا والشخص ده موضوعه اترفض بسسبب ان محصلش اتفاق وهو كان عايز الموضوع يتم بس مامته هي اللي بوظت الموضوع

حلم 12
والدتي حلمت ان هي هتعمل عمرة في شقتنا وكانت الشقة مكركبة وماما عايزة تخلص قبل رمضان والعيد وبعدين ماما كانت ماشية ولابسة جاكت حلو اوي فعمتي اعدت تبص لماما جامد اوي فماما قالت ربنا يستر والجاكت اللي لابساه ميحصلهوش حاجة وانتهي الحلم
عمتي في مشاكل معاها ومقاطعين بعض