تفسير احلام الجمعه 14\3\2014 باذن الله

1
حلمت اني رايحة اشتري لبس جديد فلقيت المحل بتاع اللبس بقي بيبيع جاتوهات وتورت ولقيت بنات كتير هناك كانت فيه بنت انسة عمالة تبصلي كتير بعدين وانا ببص وبختار تورتة فالبنت ادتني جوانتي زي بتاع الدكاترة عشان ادوق بيه الجاتوه كانت بتساعدني وانا بختار عشان مكنتش عارفة الاقي حاجة ادوق بيها بعدين لقيت صف تورت كبير فعجبتني تورتة فقلت هاخد ديه بس مكنش معايا فلوس تكفي فجيت قلت لبابا فقالي بس لسة بدري علي عيد الام كان قصدة اننا كدة كدة هنجيب في عيد الام بعدين اتصلت بالمحل وقلتلهم اني هاخدها قالي ان التورتة حاليا في الفرن وهتخلص وهيبعتوهالي علي البيت فماما قالتلي خلاص هجيبهالك وراحت المحل عشان تجيبهالي 
وخلص الحلم علي كدة مع العلم اني انسة

حلم رقم ٣
حلمت اني في ساحه بيت واسع قوي والجو لونه ابيض ووالد زوجي يجلس على كرسي ويضع قدم فوق قدم وهو مبتسم وسعيد وزوجي يقف بجانبه وهو مرتاح وتحت اقدامهم الارض مفروشه موكيت لونه ابيض واخو زوجي يقف على الطرف يمسك بممسحه ينظف بها الارض والموكيت تحت قدمه لونه مائل للاصفرار ووالد يزوجي يتحدث مع عمال وقد بنى لنا قصور ويدهنا بالابيض وكنت احدث نفسي بان هذا المنظر كانه قطعه من الحي الاوروبي ثم خرجت انا وزوجي من السور وكنا نمشي ونمسك بايدينا بين الناس وكنا نمر بطرقات ضيقة كان الكوبري فيها منخفض فنضطر لان ننحني حتى نمر ولكن ذلك يكون بلمح البصر وكنا مرتاحين ونحن نسير
جزاك الله خيراً ماما نجيه واعذريني على الاطاله

6 السلام عليكم ورحمة الله ازيك يا ماما يا رب تكونى بخير يا رب بصى يا ماما انا حلمت خير بواحد انا بفكر فيه وعلى اتصال معاه حلمت ان هو حاطط صورته على الفيس بوك وهو بيكتب كتابه مع واحده تانية رحت انا شفت كده فضلت اعيط اعيط وكنت قبل ما شوفه كنت مضوضيه ورايحه اصلى العصر وبعد ما شفته فضلت اعيط ورحت صليت العصر بصى يا ماما انا ديما بفكر فيه ان هو بيعرف بنات وكده وبغير عليه بس هو بياكدلى ان مافيش حد فى حياته بس مش عارفه حلم اضغاث بسبب تفكير فيه ولا ايه يا رب يكون خير يا رب

الحلم رقم 8
ازيك يا ماما اختى الصغير حلمت حلم ليه حلمت اللهم اجعله خير ان انا اشترت طقم جديد وجيه اوريه لماما وكانت ماما قاعده على سرير فى شقه غير بتعتنا وكنت انا لبسه بلوزه خضره فاتح وجيبه بيج ولبسه جزمه سوده وهى شفتها وكانت فاكره ان كعبها صغير بس انا كانت رجلى مرفوعه زى ما يكون الكعب طويل وبعدين قلت لماما ان الجزمه عاليه و سعرها خمسين جنيه بس وكمان جامده يعنى خامتها كويسه راحت ماما قالتلى ديه حلوه راح اختى بصيتلى وقالت فى بالها ايه ده اشترت طقم وهى كان معها طقم بطيخى وكمان معها طقم تانى يبقى كده تالته طقمه رحت انا وانا مشيه راحت اختى بصيت على لقيت الكعب بتاع الجزمه خشب وكان طويل والجزمه كانت مفتوحه من ورا بس الفتحه حته صغيره 
اختى اللى حلمت فى تالته اعدادى وانا انسه غير موظفه 
وفى حلم تانيه معلش ماما اللى حلمته ماما حلمت انهى بتغسل هدوم اختى وكانت الهدوم عباره عن هدوم متطرزه وهدوم شيفون وكانت بتقول لاختى هى كل الفلوس اللى بتجيبها بتصرفيها على اللبس وكمان لبس غالى وخلص الحلم وشافت اختى بس فى حلم تانى انها راكبه عربيه وبس مشهد واحد اختى انسه 
وماما برده حلمت ان بابا الله يرحمه بياكل رنجه وكان بيقول لحد من اخواتى روحى جيبلى علبيتين تونه راحت ماما قلتله انت هتشترى علبيتين تونه ب14 جنيه وقالتله انت كل ما يكون معاك فلوس تضيعها وانت قدام الرنجه يا ما ملهوش لازمه التونه وخلص الحلم 
انا اسفه ان طولت بس الاحلام تهمنى انا اسفه مره تانيه يا ماما

الحلم رقم 14

انا عملت استخارة على عريس متقدم ومكنتش شفته

حلمت انه كبير في السن وعجوز ومتجوز واحدة وبيحبها وبيوريني انها بيحبها وبيفرجني صورها وهي كانت معاه وموافقة انه يتجوز تاني ومعاهم ولد وبنت كمان كبار دول ولادهم


انا انسة  وبصلي الحمد لله

15
حلمت اني قاعدة مع شاب في مكان وصاحبة المكان واحدة اعرفها  وكان الشاب ده شفته في مكان قبل كدة لقيته بيقولي انه بيحبني وعاوز يخطبني وانا رفضت  بس مكنتش رافضاه لشخصه رافضة المبدأ نفسه فضل يقولي ادينا فرصة نفهم بعض وكدة بعدين كنت ماشية وهي ماشي ورايا فوقفنا نتكلم تاني فجت انسة وماسكة مجلة وقالتله حضرتك فلان الفلاني طلع صحفي قالها اها قالتله طب احنا عاوزينك في شغل فانا فرحتله جدا وهو كمان فرح ولقيت نفسي اتغيرت وبقيت بحبه جدااا جدااا وفيه انسة تانية من المجلة بقت عمالة تبصلنا واحنا بنحب بعض ومتضايقة من حبنا وبتحقد علينا بقي يقولها حبي جوزك عشان جوزك يحبك بعدين روحت للبيت لقيت ماما جايبالي عبايتين سوري واحدة لونها لبني وواحدة صفرا وبيجامة تركواز فقلت لماما الصفرا دي مش حلوة قالتلي ده محمد اخوكي هو اللي اخترها بعدين حكتلها علي الشاب قالتلي وقلتيله لا ليه قلتلها منا وافقت بعدين وهشوفه بكرة فقالتلي هاجي معاكي قلتلها تعالي وجه تاني يوم وكان اول يوم رمضان لقيت الست صاحبة المكان اللي كنت فيه مع الشاب بتتصل بيا عشان اروحلها بس انا فهمت ان هو اللي خلاها تتصل فقلتلها هجيلك بكرة بعدين اتصلت تاني فقلتلها خلاص هاجي النهاردة بعد الفطار بعدين اكتشفت ان الشاب ده يقرب لواحدة اعرفها عند شقتنا القديمة ودخلت صفحته علي الفيس لقيته مراسل وبيتكلم لغات كتير 
وخلص الحلم علي كدة مع العلم اني انسة واسفة للتطويل