الحلم رقم (5)
حلمت ان انا واخواتى كنا قاعدين على السطوح وانا كنت قاعدة بفكر فى الامتحانات
كانت قربت وانا مكنتش مذاكرة ولا حاجة وقلت انا لازم ابدأ اذاكر واعمل
اللى اقدر عليه لان الامتحانات مكنش باقى عليها غير شهر ونص تقريبا ونويت ابدأ بمذاكرة
اللغة العربية وقلت ان شاء الله حتى اقرأ الدروس قراءة بس المهم انى ابدأ
وبعد كده لقيت نانسى عجرم معانا على السطوح وكانت قاعدة مع اخويا واخويا كان زعلان منها
وهى كانت بتراضيه وهو رافض واحنا حواليه مستغربين وانا كان نفسى اقولها سيبك منه ده
مش زعلان ولا حاجة ده بيستهبل بس مقولتلهاش كده وبعدين انا لمحت صقر بيطير فى السماء
واخويا اللى كان مع نانسى شاف الصقر ده رايح على فين وقال لنانسى تعالى نقعد نتكلم فى حتة تانى
كان يقصد بالحتة التانية المكان اللى كان رايح عليه الطائر واحنا استغربنا انه مش عايز
يتكلم قدامنا بس سيبناه وبعد كده انا لقيت طائر واقف على الحيطة بصيت فيه كويس لقيته صقر مكنتش مصدقة
قلت لاخواتى فأخويا قرب منه وانا كنت خايفة يطير قلت لاخويا بلاش تقرب منه
لكن قرب منه والصقر مطارش قلنا غريبة انه مخافش وبعدين انا طلبت من اخويا يمسكه
بس اخويا كان متردد بس انا طلبت منه تانى انه يمسكه قال لى حاضر ومسكه فعلا
وقعدنا نتفرج فيه لقينا اجنحته مقصوصة بس مش متساويين كان فى جناح مقصوص
اطول من الجناح التانى قلنا يمكن كان مع حد وهو اللى قص له اجنحته كده
واخويا بص فيه وقال ان الصقر ده ابن الصقر اللى كان عندنا قبل كده لان احنا فى الحقيقة كان عندنا صقر زمان وسيبناه قلنا اكيد ده ابنه
ولقينا رجله مربوطة بخيط كانوا مربوطين جامد فصعب علينا
وقلنا احنا نفك رجله وجبنا مقص واخويا قص الخيط وبعدين اعطانى الصقر
علشان انا اللى افك الخيط وفكيته وكانت رجله بتوجعه ومش قادر يمشى عليها
بس بعد شوية بقى كويس وبيعرف يمشى على رجله
لكن اخويا كان عايزنى اسيبه يطير وانا كنت هسيبه لكن هو ميقدرش يطير علشان اجنحته مقصوصة
فسيبناه يقعد معانا وكنا مبسوطين به
وقعد يلعب معايا واخواتى يتفرجوا علينا انا والصقر وانا كنت مبسوطة وهو بيلعب معايا وهو كان متعود علينا كأنه كان معانا قبل كده
انا آنسة وحالتى الدينية متوسطة
واخواتى عزاب حالتهم الدينية جيدة
