تفسير احلام السبت 10/12/2011

الحلم رقم (23)

الاسم:وفاء

الحاله الدينيه :الحمد لله

الحاله الاجتماعيه:عزباء

حلمت ياماما زى مكون رايحه اركب العربيه عشان اروح بيتنا لكن وانا فى الطريق

الدنيا مطرت مطر غزير فبعدين مردتش اروح اركب بصيت ع العربيه من بعيد وجريت على مكان زى ميكونجامع وادريت فيه عشان المطر وانتهى الحلم على كده

&لولى& كتب:: بسم الله الرحمن الرحيم
الحلم العاشر
شفت انى اتقابلت مع فتاة بسيطة معرفهاش وكانت لابسة لبس بسيط وحاطة ايشارب على راسهاوعرفت انها عايزة تتعلم الدين والالتزام لكن هى امية مش متعلمة خالص فمشيت معاها وانا بعلمها تعاليم الاسلام وحسيت انها محتاجة تتعلم الاسس فبدأت معاها كلام فى اساس الدين الاسلامى واحنا ماشيين هى نزلت فى مكان منخفض فى وسط رملة فاتحة نظيفة لكن فيها قطعة زجاج كبيرة فشديتها من ايدها عشان كنت خايفة عليها لتتجرح وطلعت واستمرينا نمشى ونتكلم وشفت نفسى فى اتوبيس ومشفتش الفتاة معايا وكان معايا زوجى وهو قاعد قعدة متواضعة على ارضية الاتوبيس وانا واقفة ومتجهين بجسمنا على جنب وبنبص على جانب الطريق وشفت كأن الاتوبيس ماشى بجانب قرية وكأنها قرية تركية وكان فية راجل وفتاة(برضة الفتاة حاطة على راسها ايشارب)وكانوا واقفين فى القرية دى بيتعانو ا ويتكلمو مع بعضوبينظروا لينا على اننا اغراب عن قريتهم وبعدهم كانت منطقة فيها رمل فاتح ونظيف جدا وكانت مقابر سألت زوجى دى مقابر مسلمين؟ (قصدى ملتزمين) قال لى اه وببص على مقابرهم شفت المقابر وكل قبر متعلم بالرمل برضة ومش مكتوب عليه اسم المتوفى حسيت انها على نهج الاسلام فعلا ..فدعيت لنفسى وليهم بالمغفرة وان يربنا يكرمنا بمرتبة الانبياء فى الجنة (ومش فاكرة دعيت ادعية تانية ولا لأ )كل دة والاتوبيس ماشى

الحالة النفسية:الحمدلله بخير
انا دعيت بالامس كتير برؤية وجة الله مع المؤمنين الذين يرون وجهه وبالمغفرة وان اكون من رفقاء الرسول صلى الله عليه وسلم بالجنة
زوحى ملتزم وربنا بشرة بعمرة فى رؤيا ودعيت انا انى اكون معاه برضة بالامس

اكرمك الله يا ماما ووفقك وجمعنا معك فى الفردوس الاعلى وجعلنا من رفقاء الرسول صلى الله علية وسلم

حبيبتى انت انسانة طيبة وقريبة من الله وبتحبى تعملى الخير وترشدى الناس الى حب الله ورسوله وانت وزوجك فى درجة ايمانية حلوة وان كان هو اعلى شوية وتسيرون فى قارب واحد ولكى عمرة معه باذن الله وان شاء الله تكونى معا فى كل اموركم وربنا هيزيد اترتباطكم ببعضكم الى يوم الدين ان شاء الله والله يزيدك ايمان وربنا هيرزقك برزق كبير باذن الله

mabc55 كتب:: الحلم 11
[/sizالسلام عليكم ورحمه الله وبركاته
ماما نجيه ازيك يا جميل اخبارك ايه
فراوله بنت عمتى متزوجه ومعاها ولدين وبنت
فراوله حلمت ان بنتها دنيا ماتت هى عمرها شهور بس ف حلمت ان دنيا ماتت
وبعد ما دفنوها صحيت تانى وبعد كده فراوله بتبص فى فمها رائت فى فمها خط لونه بنى
فراحت بيها عند الدكتور علشان توريه الخط اللى فى فمها وكانت ندره ندر ان لو
ربنا خللها بنتها دنيا هطلع حاجه لله وبعد كده وهى عند الدكتور دنيا ماتت تانى
وبس كده الحلم وبشكركe]

حبيبتى اين انت وحشانى انا قلقت عليك طمنينى عليك حبيبتى اولا دنيا بنتها عمرها طويل ورزقها كبير ولكن فراولة عندها مشروع او باب رزق هيقل الرزق فيه او هيقف او هيقفل وهيرجع هينتعش تانى وهيظهر لها بينه او حقيقة توضح لها سبب خسارته وهتحاول تعالج هذا السبب وهتندر شئ لله اذا عاد ووقف على ارجله مرة اخرى ولكنه لن ينجح وهيخسر مرة اخرى والله يعوضها خيرا

DR_MIRO كتب:: ]size=18]الحلم رقم 12

صباح الخير يا ماما نجية اخبارك ايه عاملة ايه ، معلش يا ماما رجعت ادوشك باحلامي تاني ، بصي يا ماما انا حلمت 3 احلام اغرب من بعض في ليلة واحدة هما صغيرين

الحلم الاول :

حلمت ان الدنيا بتمطر برهه ومع المطر نور خفيف ورمل خفيف وانا في الحلمم نايمة على سرير في وش الشباط وشايفة كل ده والشباك مقفول والستاير مقفولة بس نا شايفة بره في ايه .

الحلم ده الساعة 10 الصبح صحيت منه .
حبيبتى انا تحت امرك فيه رزق كبير لك ودعاء مستجاب باذن الله
الحلم الثاني :

حلمت ان انا واقفة مع اصحاب ليا واحدة صحبتي اسمها منى وواحدة تانية وزي ما نكون في حفلة او بنستعد لحفلة ، منى دي لابسة فستان موف وصحبتنا التالتة لابسة فستان اسود او كحلي وانا لابسة فستان لونة كموني غامق اللي مقرب على الذهبي بس فستاني انا طبقتين ، الطبقة الاولى ستان والتانية فوق الستان تل او دانتيل مخرم مطرز تطريز خفيف جميل اوي ، لكن هما فساتينهم ستان بس ، وكاننا واقفين في مكان متقسم زي غرف صغيرة نجهز نفسنا فيها نضبط مكياجنا حاجة زي كده ، هما مع بعض وانا لوحدي ، بس باخدرايهم وبيخدوا رايي وبعدين خلصت توضيب وببص على يميني لقيت كرسي خشب عالي شوية رحت قعدت عليه وحطيت رجل على رجل وانا حاطة رجل على رجل لقيت حتة من التل ختتكسر رحت عدلاها بسرعة عشان الفستان يفضل سليم ساعتها بس اكتشفت ان فستاني طبقتين مش طبقة واحدة زيهم وقمت من النوم على كده .

(منى دي متزوجة ومعاها ولدين وعايشة خارج مصر ، الشخصية التالتة معرفعاش ومش فاكرها خالص ) الحلم ده الساعة 3 الفجر

عينى يا عينى رجل على رجل عظمة على عظمة مبروك هتستلمى عملك قريب باذن الله وفيه خير ومناسبة حلوة لك وان شاء الله هتخطبى وهتتزوجى مثل صديقتك

الحلم الثالث:

حلمت ان الانسان اللي عايز يرتبط بيا واقفين انا وهو في مكان تحت الانشاء لسه بيتبني ، وهو واقف في مكان ظلمه شوية بس انا شايفة شكله بس وشه مش اوي ، بس هو وبقوله في الحلم هو انت بتبني المبنى ده ، زعقلي وقالي اه عايزة ايه ، قلتله مش عارفة بس في رسالة اوصلهالك قالي ايه خلي المبنى على حرف L ، او مربع لكن متخليهوش مدور او مثلث . قالي يعني ايه ؟ قلتله معرفش دا اللي جاني في المنام ووبلغهولك

وبعدن هات السلم في النص بلاش تخليه في الاخر قالي ليه ، قلتله كده يا ماما بالضبط لان النص هو نقطة ارتكاز مهمة ومركز للطاقة الكونية هيكون احسن ، سكت ومردش عليا . لكن فجاة ظهر شيخ كبير لابس ابيض وبس حاجة زي الطرحة على دماغه وبيقولا يا فلان اسمع كلامها كلامها كله صح وبيبصلي وبيضحك اوي ومبسوط بكلامي ، فلان لسه هيعترض قال تاني يا فلان هي محقة في كلامها كلامها صحيح اسمع كلامها احسن . انا فرحت انوا وقف معايا الراجل ده وقمت من النوم على كده . الحلم ده على الساعة 3 ونص كده تقريبا الفجر .

انا انسة 32 سنة حالتي النفسية قلقانة جدا ، حالتي الدينية متوسطة قبل ما انام كنت مسبحة كتير وقريت اذكار واوراد ونمت الكلام ده من الساعة 11 ونص بليل ل 3ونص الفجر .

طمنيني اللهيكرمك دا معناه ايه خاصة وان انا والشخص ده حصلت بينا مشادة جامدة وقبل ما انام كنت معيطة بسببها .

حبيبتى هذا الشخص غامض شوية لكن انت بتحاولى فهمه وتوجيهه وان شاء الله ربنا هيرسل لك من يقف بجوارك ويساعدك وهيهدى حالك ان شاء الله وهيهديه لك وربنا هيسعدك باذن الله وهيسلمك من كل شر وهيتم موضوعك باذن الله

sasoloveyou كتب:: الحلم العاشر
اتا حلمت انى زى ما يكون حد قالى او صلتنى انى اقول لحد يقتل واحد معين او يخليه يعمل حدثه بس انا شفت انى اتسببت فى ان الراجل ده عمل حادثه ومات والناس والبوليس كانو عمالين يدورو على القاتل وانا كنت خايفه من جوايا بس بحاول ادارى انى ليا علاقه بالحادثه وبعدين لاقيت تاكسى كان فى راجل راكب ادام وورا ست واحده نايمه رحت قلت لسواق التاكسى على المنطقه اللى عايزه اروحها وبعدين انا اصلا من الاول كنت لابسه جاكيت ولبست الزعبوط بتاعو او (الكابيشو ) وبعدين شفت اخويا كان بيتكلم فى التليفون وماشى وانت بحاول ادارى نفسى زى ما اكون هربانه من اهلى وبعدين هو شافنى وبصلى وانا بدارى وشى راح قالى هتروحى فين انتى علطول معايا فى البيت قصده يعنى هيعاقبنى هو اخويا الكبير
انا 15 سنه وحالة الدينيه يعنى متوسطه بس انا علشان فى اعداديه ف الدراسه واخده كل وقتى

حبيبة قلبى لاتخافى فهذه الحلم حديث نفس واهتمى بمذاكرتك ودروسك وان شاء الله ربنا هيوفقك باذن الله

غفر الله لنا كتب:

حلم رقم 14

ماما حضرتك فسرتيلى الحلم ده أمبارح وكان عندى استفسار لأن تفسير حضرتك قلقنى ده حلمى وتفسير حضرتك:

الحلم الأول
السلام عليكم ورحمة الله وبركاته

ماما أنا حلمت إننا فى بيتنا القديم وناس جاية تسلم علينا علشان احنا كلنا مسافرين الغريبة إننا مسافرين العراق عل حسب الحلم كلنا أنا وماما وبابا واخوانى الصبيان التلاتة لأنه يعنى ما جاش فى الحلم إنى أنا بس او انا وماما وبابا مفيش تمييز يعنى كلنا وبعدين لقيت ابن عمتى جاى يسلم علينا ومش فاكرةمعاه مراته وأولاده ولا لأ وبيقولى ياه العراق قولتلوا قول لخالك تقريبا قلتلته كده أو قولتله ده رأى بابا وبعدين فجأة الحلم اتحول لبيت جدتى وكانت فيه أغانى وأنا كنت قاعدة على باب غرفة من غرف بيت جدتى وكان جمبى بنتين و يمكن بنات كتيرة بس انا فاكرة البنتين دول ليه بقى لأن أخوالى أنا لى 4 بس 2 منهمكانوا واقفين على باب غرفة مقابل للباب اللى كنت قاعدة عليه وواحد قال لبنت قومى ياله ارقصى البنتين دول واحدة ممكن تقولى فى الصف الخامس الإبتدائى أو الأول الإعدادى والتانية تقولى كده مش دخلت المدرسة او أولى ابتدائى أو تانية فى الحدود دى يعنى المهم جه خالى بيقول للبنت الكبيرة قومى ياله ارقصى وخالى التانى قال دى ترقص دى طالعة لابوها دى هى اللى ترقص أو قال مروة هيه اللى ترقص اقصدق قصده على البنت الصغيرة وبعدين البنتين مش رقصوا وفيه واحدة كبيرة بداخل الغرفة هيه اللى رقصت وجه راجل وبص عليها كانت واقفة فى ركن مدارية بجوار مرات خال من أخوالى الى كانوا بيتكلموا ولما شافت الاجل ده وقفت ومرات خالى ضحكت بكسوف واستغراب وأنا كانت فيه واحدة بتكلمنى هيه اكبر منى بكام سنة وبتنضف عند عمتى ومش فاكرة كنت بقولها اخبارك ايه واخبار شغلك ايه مش فاكرة المهم لسه بتكلمنى فى ورقة هيه عيزاها وهتكون عن طريقى إنى أمضيها لها أو أساعدها فيه تقريبا ولقيت واحد جه وبيسألنى مش فاكرة قالى ايه وبقولها كملى يا عمالة افتكر فى اسمها مش فكراه وهيه مش فاكرة قالته لى ولا لأ بس حتى لما صحيت قعدت افكر فى اسمها مش افتكرته الا بعد فترة وانا كنت بقولها كملى يا علشان هيه مشطلبت منى انى اخدمها كده صراحة كانت لسه بتكمنى فى اللى هيه عيزاه بس أنا فهمت انها عايزة الخدمة دى منى أنا وانتهى الحلم على كده

الحقيقة يا ماما نجية أنا عايزة أسأل حضرتك سؤال كده محيرنى عن الأحلام معناها ايه لما احلامى معظمها بتحصل فى بيت جدتى وبيتنا القديم ومعظمها بتكون مرتبطة بأفراح حتى زميلاتى بيحلموا لى مرة واحدة حلمت بزواجى فى بيت جدتى والتانية حلمت بخطوبتى عند بيتنا القديم غير احلامى انا ليه مش بيتنا الجديد يمكن لأنى كنت بحب القديم لأنى قضيت فيه 20 سنة وكنت بحس فيه بالحياة لأنى بيتنا الجديد تحسى إنك منعزلة عن الناس فى منطقة هاددية هدوء لا يطاق

عايزة اعرف معناها ايه بقى ده معناها ايه تكرار الحلم فى نفس المكان ويمكن عن نفس الشىء عن الافراح بأشكال مختلفة ويمكنحاجات برده غير الأفراح بس قليل جدا لما بحلم بحاجة فى بيتنا الجديد ايه السبب مع العلم إنى خلاص نسيت بيتنا القديم يعنى مش كل يوم بفكر فيه ساعات وانا معدية عليه ببص وبحن ليه

حبيبتى انت بتحلمين ببيت القديم نسبة الى ارتباطك وحبك له ولكن ان شاء الله هذه الرؤيا توضح بان فيه عريس جديد سوف ياتيك من معرفة قديمة ممكن من معارفكم القدامى او جيرانكم القدام المهم ان شاء الله ربنا هيرزقك بدنيا جميلة وجديدة ورزق كبير وخطوبة وجواز ولكن بعد حوازك هتسافرى بالد بعيدة شوية وفيه حبة قلق هيحصلوا وفيه حبة نفاق ولكن ان شاء الله هتعدى على خير وربنا هيتم لك فرحتك

أنا عند 3 أسئلة بعد إذنك

1- البلد دى حضرتك قولتى بعيدة شوية يعنى دولة تانية ولا محافظة تانية انا مش ىعارفة بس هيكون فيه سفر باذن الله لك احنمال محافظة تانية او الخارج لان رؤيتك مش موضحة اوى بس اعتقد للخارج

2- مين اللى هيكون قلقان ومنافق لأن حضرتك قولتى هيكون فيها قلق ونفاق يا ترى مين أنا واللى العريس ولا الأهل ولا مين بالظبط ولا كلنا لأنى ده جواز وإما يكون فيه نفاق يبقى حاجة وحشة وتقلقنى ااما القلق من ناحية اخوالك بس هيعدى على خير والله اعلم

3- ممكن أعرف ايه سبب القلق والنفاق ده

الله يكرمك ردى عليه بصراحة ووضوح وأنا مش هزعل بس فهمينى بس وجاوبينى وجزاكى الله خير

غفر الله لنا كتب:: أتمنى إن الإدارة مش تحذف استفسارى عن الحلم لأنى محتاجة اعرف الإجابة فعلا لو فيه مكان مخصص لللإستفسار أنا مستعدة أنقله فيه لكن رجاء عدمالحذف وجزاكم الله خيرا

نبض الحنين كتب:: الحلم ال 15

حلمت اشوف كأنه عندنا زواج والزواج لنا اختي واشوف حنا بقاعه الزواج والناس موجودين واشوف كانه فيه امسيه او محاضره دينيه قبل وقت الزواج يعني محجوز القصر قبلنا ولا راحو الناس تمددت المحاضره لوقت الزواج واشوف انا احكي واقول ليش انتهى وقتهم الحين وقت الزواج الا امي جت تقول انه ماراح يكون فيه طق ورقص عشان الامسيه ونا اقول انه حجزنا كيف مافيه رقص المهم الا شوي اشوف تفاعلو معازيمنا مع المحاضره واشوف فيه اسئله المهم الا طلعت فوق عند اختي الا اشوفها لابسه فستانها الزفاف واشوف بالحلم كأنه اختي الكبيره متوفيه واشوف احكي انه ماتت اختي والحمد لله انه تعدينا مرحلت الحزن بدون مانتأثر بوفاتها الا احكي واقول ماتت طيب وش راح يقول اللي مملك عليها اللي بيتزوجها الا مدري من حكي قال عادي تاخذه وحده منكم يعني تتزوجه وحده من خواتها مع العلم ان اختي اللي بالحلم اللي اقول توفت هي متزوجه زمان

الا اشوف كأنه انا كمان عروسه واشوف لابسه فستان الا اختي عندي واشوف تسوي شعرها الكوافير وخلصت بس اشوف شكلها عادي يعني مو مثل كشخه العرايس يعني بالحلم ماعجبني حيل

الا اشوف امي جابت حريم الجماعه عشان يسلمون على اختي العروسه تقريبا اغلبهم وانا اقول ليش التعب كان سوينا زفه لها ونزلت هي احسن من انهم هم يجونها الا اطالع تحت للناس واشوف انادي زميلاتي واشوف احكي على اختي اقول ناديهم ابي اسلم عليهم ويشوفوني وانا عروس بس مدري من المعاريس يعني بالحلم اشوف اني عروس بس مااذكر اني لبست الفستان اللي اذكره اني سويت تسريحه نفس تسريحه اختي العروس

وبس هذا اللي اذكره اللهم اجعله خير

انا مطلقه وعندي اطفال

حبيبتى اولا اختك عمرها طويل باذن الله وفيه عندك حبة نكد ولكن ان شاء الله سوف يعدوا على خير وفيه ناس سوف تتقدم لك وربنا هيرزقك بزوج افضل من الزوج السابق باذن الله والله يسعدك

راجية عفو الرحمن كتب:: الحلم 16

السلام عليكم

انا حلمت ان انا نزلت اشتريت مع خالتى 3 قماشات اخضر فاتح و جنزارى ونبيتى وكانه من القطن وكانوا فى شنطة بيضا وبعدين لقيت مرات خالى بتقول لبنت خالتى ان مها اشترت فساتين كتير بس اللى هو لونه جنزارى ده قالتلها انه ملهوش لازمة لانى جايبة اخضر فلما رحت لبنت خالتى قولتلها ان جبت 3 جواكت للفساتسن بس عشان ماما معهاش فلوس زيادة وحتجبلى الفساتين لما تقبض ووريتها ال 3 قماشات وقولتلها ان اللونين مش قريبين من بعض

انا 25 سنة عزباء متوسطة التدين
بنت خالتى متزوجة متوسطة التدين
مرات خالى متزوجة متوسطة التدين
انا كنت داعية ربنا قبل ماانام انه يهدينى من امرى رشدا فى امر ابن خالى

حبيبتى ان شاء الله ربنا هيهدئ امرك ويستجيب لدعائك وفيه ناس سوف تتقدم لك قريبا وربنا يعمل ما فيه خير

نانا_توتا كتب:: السلام عليكم ازيك يا ماما نجيه معلش انا هتقل عليكى عندى حلمين الحلم الاول حلمت من فتره ان جوزى رجع البيت وزعلان جدا وقالى رفدونى قولتله ليه قالى عملو تحليل مفاجىء وظهر انى بتعاطى الحشيش وقولتله طب واحمد صاحبك قالى باين عليه ادى الراجل الا دخل معاه الحمام فلوس وبعدين كان زعلان جدا قولتله طب انا هروح للمدير بكره ووافق بس جيه معايا وكان معانا بنتى الكبيره 7 سنين استنونى بره ودخلت انا غرفه المدير لاقيت فيها 4 مكاتب اتنين قاعد عليهم اتنين ستات محجبين كبار وواحد تانى راجل كبير قاعد عليه والمدير واحد المهم الستات قالولى انتى مرات محمد بسخريه قولتلهم اه المهم لاقيت واحده منهم بتفكر التانيه بتقولها مش هتديها الظرف قالتلها اه وطلعت ظرف فيه 10 او 20 ج مش فاكره ورق المهم مختوش وبيسخرو كده خودى قولتلهم على فكره انا بنت ناس ونده المدير عليه واستقبلنى كويس وقولتله على فكره محمد كله مميزات بس مفوش غير عيب واحد هو الا حضرتك عارفه وكمان انا بناتى اتعودو على هنا وبنتى الكبيره صحابها هنا ومدرستها هيبقى صعب قوى ده يحصل عليها راح وشه اتغير وقالى انتى عارفه هو قالى ايه قالى كلام بمعنى ان جوزى غلط فيه جامد فقمت من الحلم مذعوره وحكيته لجوزى لانه كان اليوم ده اجازه

حبيبتى نبهى زوجك لان فيه ناس مش بتحبه فى الشغل وممكن يعملوا فيه مقلب وهو ممكن يغلط فى فلوس من الشغل وفيه مشكلة بسيطة بس انتى ربنا هيوصلك الى حل والموضوع عيحل باذن الله وهيستمر فى عمله بس حزريه من بعض الناس هناك

اما الحلم التانى حلمت اى راكبه مع صاحبه اختى الصغيره انا واختى الكبيره وهى مريضه نفسيا ربنا يشفيها وانا راكبه قدام واخواتى ورا المهم فجأه لاقيتها بتجرى جامد بالعربيه ودايسه بنزين جامد ومش راضيه تهدى قعدت اشخط فيها جامد وااقولها هدى اقفى مش بتسمع كلامى المهم بصتلى واثناى مبتبوصلى العربيه نقلت الناحيه اتانيه الاتجاه المعاكس للطريق وعربيات جايه امامنا قولتلها حاسبى وعدلت العربيه بس راحت المكان الا رايحينو ومشيت وانا ندهت على اختى الكبيره زينب وقولتلها تعالى معايا دى كانت هتموتنا دى معندها دم وجت معايا بنده على اختى الصغيره الا هى صاحبتها بقت عايزه تيجى معانا ومتردده وقالتلى هروحلها وارجعلوكو تانى ومشيت وخت اختى وبعدين لاقيت جوزى وانا خارجه ندهت عليه وحكتله الا حصل وقولت لاختى سلمى على محمد لاقتها بتسلم على واحد تانى شكله بواب فيله قولتلها مش ده وسلمت على جوزى لانها بقالها 8 سنين من ساعه متجوزنا مشفتوش وقولتله اكلم معاها لانها نادر جدا لما تخرج وتلم حد اتكلم معاها وشويه تتكلم كويس جدا اكنها طبيعيه وشويه تتكلم بالهلاوس الا بتشوفها وتسمعها ربنا يشفيها يا رب

اختى الصغيره عندها 20 سنه مش بتصلى ومش متدينه وصاحبتها كلنا مش راضين عنها لان اخلاقها مش كويسه بس اختى مصاحبها من كى جى فمتمسكه بيها مع انها عارفه انها مش كويسه اما اختى الكبيره فمريضه نفسيا من 20 سنه منذ وفاه اخونا الصغير امامنا كلنا والى الان مريضه وتعالج نفسيا بس هى كانت زمان شاطره جدا وزكيه لما تعبت كانت فى الصف التالت الاعدادى وفى الحقيقه شويه تكلم معانا كويس جدا وشويه تتخيل حاجات وتسمع حاجات غير حقيقيه ونفسها تتجوز جدا زينا انا واختى الكبيره خالص بس ظروف مرضها الحمدلله وربنا يشفيها

حبيبتى صاحبة اختك متسرعة حزرى اختك منها وبتصرف بدون تفكير ولكن انت هتفهميها وهتبعدى اختك عنها اما اختك الاخرى المريضة ربنا يشفيها انت بتحاولى اراحة نفسيتها باى طريقة ولكنك بتحاولى ابعادها عنة زوجك وانا شايفة انها ممكن تشفى باذن الله تابعى معها قدر امكانك وان شاء الله ربنا يشفيها

كرآميلا كتب:: 18

شفت اني كنت بمكان وفيه 3 نقاشات ( اللي بينقشوا اليدين بالحناء) وكان فيه وحده منهم جالسه تشكي حالها للناس اللي قاعدين وكان بينهم مذيعين وفيه مذيع اتآثر لدرجة انو كانت عيونه بتدمع بعدها وقام فقلت لاختي ابغا انقش يدي وكنت محتاره انقش يديني كلها او يد وحده فيهم فقالتلي اختي لاتنقشي احنا نازلين للسوق بعد شوي ويدك حتلفت الانتباه لو اتنقشت فقلت لاختي اغطيها بالعبايه وكنت مقرره انقش عند نفس النقاشه اللي كانت بتشكي حالها اول الحلم وكنت بقول بنفسسي انو شغلها بايين انو حلو

بس انتهى الحلم ومانقشت

انسه وبحافظ الحمد لله على الصلوات

حبيبتى فيه فرح قريب لك ولكن لابد من ان تخرجى صدقة لله

معلش ياماما ممكن اعرف كمان تفسير الحلم ده شفت كاني نابي الايسر وقع وبوريه لماما وكنت مضايقة وبعدين ببص ف المراية لقيته مش باين انه وقع وبقى شكل سنناني احلى

رودي زمان كتب:: الحلم 19
السلام عليكم ورحمة الله وبركاته ازيك يا ماما ازي صحتك يارب تكوني بخير
انا حلمت خير اللهم اجعله خيرا ان (دينا ) بنت خالتي بتطلب ايدي لباباها وانا استغربت قوي ازايده يحصل وخالتو عايشة قالت لي اصل ماما كبرت وبابا محتاج يتجوز تاني .. بعدين زي ما يكون اتجوزنا وانا ابن خالتي الصغير نازلين السوق نشتري خضار واخدت شنطة كبيرة عشان اشيل فيها الخضار وجوز خالتي بيديني مصروف البيت بس انا قلت له خلي بالك من البنت انا مرضاعها ونايماها ومش هتاخر ف السوق ودي كانت بنتي منه يعني وانتهى الحلم
انا يا ماما انسة ومش بشتغل .. بس انا اللي قلقاني ان خالتو فعلا تعبانة وكانت بتاخد جلسات علاج بس هي الحمدلله بتتحسن

حديث نفس وربنا يشفى خالتك

ايمي كتب:: 20
حلمت اني ماشية في الشارع وفيه ولد صغير بيبيع بخور فشميت ريحتها لاقيتها حلوة جدا فقال لي الولد اشتري منها بس مردتيش عليه ومشيت لأن عندنا بخور في البيت
وانتهي الحلم علي ذلك

ان شاء الله سوف تسمعى كلام حلو يريح نفسيتك

الله ربى كتب:: السلام عليكم ياماما نجيه انا لسه ضيفه جديده عليكوا ويارب اكون خفيفه انا كنت عايزه احكيلك على حلم انا حلمت انى قاعده مع حماتى واخوات جوزى البنات فى اوضة نون حماتى وبقولها ماما انا حلقى ضاع لقيتها بتقولى ده مش حلقك لاحلق ده يعنى حملك قولتلها ليه كده ياماما قالتلى ده الحمل بتاعك وانا بكلمها لقيته ف الارض قولتلها الحقى ياماما انا لقيته هو والبريمه بتاعته كمان انا كنت مش عارفه هلاقيه فين وبعدين مسكته لاقيته فى حتى كده هتنكسر قولت مش مشكله انا عارفه الراجل اللى بيصلحه هبقى اروحله المهم انى لاقيته هو والبريمه وبس معلشى دوشت حضرتك

اهلا بك نورتينا حبيبتى فيه حبة قلق مع زوجك ولكن ان شاء الله هتحل المشكلة وتتصلح باذن الله وهترجعوا احسن من الاول والله معك

أسرار كتب:: 22
السلام عليكم ورحمة الله
كيفك ياماما يارب تكوني بخير
انا حلمت حلم غريب حلمت انا رايحة اختم ختمة الاجازة بتاعتي وراحية للشيخة وكان معايا ماما ولما نزلنا من البيت لقيت نسيت البس شراب فقلت لماما هرجع البس شراب لاني نسيته فقالتلي هنتتاخري على الشيخة كده وهتمشي وتسيبك ومش هتكملهالك فقلت خلاص العباية مش هتبين رجلي بس ببص اكتشفت اني نسيت البس النقاب كمان فقلت لماما اني هرجع البس النقاب لاني نسيت البسه من السرعة لاني نازلة مستعجلة فزعقتلي وقالتلي مش لازم بدل ماتتاخري وتروح عليكي الاجازة خصوصا ان المطرة كان بتمطر وقالتلي النقاب اصلا ملهوش لازمة فقلتلها لا انا هرجع البيت احنا كنا لسه قدام البيت اصلا قلتلها هلحق ارجع قبل ماحد يشوفني وقمت مغطية وجهي بالخمار وقلتلها اخرج مسطورة افضل من اني اخد الاجازة وان لو خرجت من غير النقاب ربنا هيعاقبني ومش هاخدها ولقيت اختي بتشجعني وبتقول لماما ازاي عاوزاها تمشي ف الشارع من غير النقاب حرام وقامت اختي وخداني وراجعة معايا البيت فللبست النقاب والشراب ولقيت اختي جيبالي جيبة سودا بتدهالي البسها عشان تبقى ساتراني وبعدين لقيت المطرة قلبت سيول جامدة فقلتلهم لو خرجت مش هعرف اوصل ف المطرة دي لقيت ماما واختي بيقولولي لا لازم تروحي مش مشكلة المطرة عشان متروحش عليكي الاجازة واخدوني ونزلنا وكانت المطرة بتمطر جامد قوي ورحنا المسجد وبس.
الحلم ده بعد الرقية مباشرة وصحيت الفجر والاجازة انا فعلا ماشية فيها في الحقيقة
معذرة ع الاطالة وجزاكٍ الله خير الجزاء

حبيبتى انت عندك حبة اسراف فى الفلوس وماما مش بتحاسبك ولكن انت هتحاسبى نفسك وهتتقربى الى الله اكثر وهتحاولى ارضاء الله وربنا هيسترها مهك وهتحافظى على اموالك وهترزقى برزق كبير وساعة ايجابة يستجيب فيها الله لدعائك ان شاء الله وربنا هيرضى عنك وهتصلى الى ما تريدين ان شاء الله

wafaa555 كتب:: الحلم رقم (23)

الاسم:وفاء

الحاله الدينيه :الحمد لله

الحاله الاجتماعيه:عزباء

حلمت ياماما زى مكون رايحه اركب العربيه عشان اروح بيتنا لكن وانا فى الطريق

الدنيا مطرت مطر غزير فبعدين مردتش اروح اركب بصيت ع العربيه من بعيد وجريت على مكان زى ميكونجامع وادريت فيه عشان المطر وانتهى الحلم على كده

ان شاء الله ربنا سوف يرزقك بساعة ايجابة يستجيب فيها لدعائك ويرزقك من حيث لاتحتسبى بما تتمنى

والله ياماما نجيه انا الحمد لله تمام مع جوزى انا اصلا مشكلتى ف الحمل انا حملت كذا مره قبل كده بس محصلش نصيب اخر مره كانت من سنه وبعد ماولدت ابنى قعد فى الحضانه اسبوع وتوفى ومن ساعتها لسه محصلش حمل ودايخه عند الدكاتره انا اختى هناوبتبعت لحضرتك وفسرتيلى كذا حلم قبل كده كانت اختى هبه اللى بتحكيلك معلشى هدوشك واحكيلك حلم كمان انا من يومين حلمت انى بغسل وكل شويه ادخل ابص على الغسيل ف الغساله الاقيه منزل ميا متوسخه اوى ف انا الميا دى متوسخه جدا كده الهدوم هتتوسخ تانى من الميا دى بس بعد شويه دخلت ابص لاقيت الميا بدات تنضف قولت الحمد لله كده بقى الهدوم هتتشطف ب ميا نضيفه مع العلم ياماما انا مواظبه على قراية القران والصلاه

الحلم رقم 24

السلام عليكم ازيك يا ماما نجيه اخبارك ايه وحشانى جدا معلش هكتبلك حلمين لزوجى وحلم لأختى

الحلم الاول لزوجى: حلم انه راح الشغل لقوهم نقلو لفرع تانى مع انه شغال فى الرئيسى وهناك راح دخل كلهم شغالين مبيعات قالهم انا مش بشتغل فى المبيعات انا فى الخزنه ومفيش قسم للخزنه فى الفرع ده وكان ماشى نده عليه المدير وقاله انت ممكن تشتغل فى الاكسسورات وشاورله على المكان فقاله ازاى بنك يتحط فيه اكسسورات كده المدير قاله اصل ده توكيل واحنا خدنا المهم نزل الارفف كلها ورصها بطريقه جميله جدا على اشكال شكل منهم اهرامات ولم خلص مصدقش ان هو الا عمل المنظر الجميل ده والكل عجبه جدا الا هو عملو والمدير قالو هتفضل معانا وهو ماشى فى المكان نده عليه زميل ليه كان بياكل قالو دخل الصنيه دى المطبخ فجوزى رد عليه وقالو انا مش الخدام الا جبهولك قوم وديها لنفسك سمع المدير وقاله ليه كده يا محمد كلنا هنا بنتعاون مع بعض وهو ميقصدش وخد المدير الصنيه وداها هو وزميله اعتذرله وقاله مقصدش وزميله خده معاه وفجاه لقى نفسه راكب عربيه زميله بس مشفش شكلها من بره المهم انها مريحه واهم حاجه لفتت نظر جوزى ان ماتورها ملوش صوت زى عربيتنا فقالو دى نوعها ايه وازاى مفيش صوت للماتور كده مردش عليه صاحبه المهم وداه عند محل سباكه عشان يجيب حاجات لشقته وفى قربه راكنه عربيتنا وهو نازل جوزى من العربيه اتجأ انها موديل قديم جدا حتى ااقدم من الا لادا وقالو ازاى كده باردو مقلوش وشاف عربيتنا قالو الشكمان مسدود وخلص الحلم بتاع زوجى على كده

زوجى الحمدلله انسان محترم جدا بس مبيحبش حد يأمره او يكلمه بطرييقه مش كويسه بيرد عليه فى ساعتها ولما يلاقى الانسان الا امامه محترم لبيعتذر لبينسحب فى هدوء عشان يلجم باقى غضبه بس مش بيصلى ولو صلى بيقطع ويرجع ميصليش لكن كويس معانا جدا ومع بناته والحمدلله يا ماما نجيه لو انتى فكرانى انا جوزى بطل تدخين الحشيش بقالو كده شهر بالظبط وربنا يعينه ومن ساعاتها والاحلام من قريب اتنشطت عنده وبيصحى قريب الحمدلله ادعيله ربنا يكمله على خير وانه ربنا يهديه ويصلى انا لسه كتبالك حلم فوق ايام مكان بيشرب الحشيش بس مكنتش عارفه انتى فين قبل المنتدى فكان من فتره ويعتبر اتحقق حاليا الحمدلله

الحلم التانى لزوجى ده انهارده صحى منه ساعه اذان الفجر لانى كنت ظابطه المنبه على الاذان حلم ان انا وهو زى منكون فى حرب وانا معاه فى الكتيبه بتاعته وبنتسلق جبل عشان نوصل كتيبتنا واحنا طالعين ربع الجبل كده انا قولتله تعالى فى كتيبه تحت نسلم نفسنا فيها قالى لأ نكمل لكتيبتنا دى مش بتاعتنا واحنا بتسلق الجبل اتنين سبقونا مع بعض وجوزى بيقولى انى انا بتسلق الجبل زى ما الكتاب بيقول يعنى اخود نفس واحرك ايدى فى الوضع الصحيح وبعدين الجبل مش رملى كله من حجاره هو سألنى قالى تعبتى ورينى ايدك عرقت ورتهاله مش عرقانه وانا قولتله لأ باردو ووصلنا الحمدلله لاقينا قائد الكتيبه بيزعء ويقول الا مش من الكتيبه ميجيش هنا يروح يسلم نفسه فى كتيبته ورحب بينا وادى جوزى كارت فيه اسمه ورقم تليفونه عشان لو احتاج حاجه بعد كده وجوزى شاف الاتنين الا سبقونا واحد منهم دماغه مذنوئه بين سخرتين اكنه مشنوق وزميله بيحاول يخلصه بس مش عارف000

الحلم الثالث لأختى الكبيره المتجوزه حلمت ان اخت جوزها الكبيره بتديها علبه وفيها صابونه بريحه وحماتها بتديها مفتاح واخت جوزها الا كانت متوسطه فى الجوازه بتدافع عنها اختى الحمدلله بتصلى بس من ساعه متجوزت من 8 سنين فى مشاكل بسبب اهل جوزها وهو بيسمع كلام ماماته وكلهم بيبهدلوها لو حصلت مشكله بينها وبين جوزها وبيغلطو فيها جامد حتى اخر مره حماتها راحتلهم السعوديه عملتلها مشكله وصلت جوزها يرمى عليها يمين طلاق فى الغربه بسبب امه وهى معاها 3 صبيان ربنا يصلح حالها وجوزها مش بيصلى بس هى اتخنقت جدا وهما فى مشاكل على طول ومامته تملى تكره فى اختى بس لمرى رمى يمين الطلاق زعئتله وهو اتفجىء وقال هى السبب ورجعو لبعض فى يوميها بس حماتها من وهى فى مصر باردو مش سايبها فى حالها يا رب اصلح حالها

» تفسر احلام السبت 3/12/2011
» تفسير أحلام السبت 26/11/2011
» تفسير الأحلام ليوم السبت 17 ديسمبر 2011
» تفسير احلام الخميس 15/12/2011
» تفسير احلام الثلاثاء 28/12/2011