تفسير احلام الخميس 15/12/2011

بسم الله الرحمن الرحيم
ازيكم يا بنات
بأذن الله هنبدأ وضع الاحلام
اللهم اجعله خير

حلمت خير اللهم اجعله خير
اني قعده انا وبابا في حوش بيت كبير وبعدين جيه تعبان لونه بني ومن عند الرقبه كده لون بيج بس العضه عمله زي الخربشه بتاعت القطط ونزل دم منها ومسحت بالمنديل وبقول لبابا شوف قال معليش بس امسحي رجلك ومفيش حاجه وبعدين مشيت لقيت ان في تعابان تاني لونه اسود من غير راس الرقبه بتاعته عمله زي كينار البنطالون كده وفي مكان للحزام فخفت منه انا وبابا فا في وحده بتقولي متخفوش ده تعبان زرع مش بيعمل حاجه راح بابا رامي لتعبان ده اكل عشان ميئذناش بس التعبان ده صغير قد كف اليد ورفيع عمل زي الدوده
لكن التعبان اللي عضني في الاول بقي ماشي جنبي عادي ورافع نفسه اوي وكان بياكل مع القطط بتاعتي من نفس الطبق بتاعهم وانا كنت خايفه عليهم بس

ملحوظه :
انا انسه وعندي فعلا قطتين لونهم ابيض

السلام عليكم ورحمه اللله وبركاته
الحلم الثانى
ازيك يا ماما يا حبيبة الكل
انا النهارده يا ماما حلمت حلم غريب شويه حلمت خير انى فى مسجد وانهم بيشعوا جنازه وانا قاعده فى الركن الخاص بالسيدات فى المسجد وتقريبا صليت الجنازه وشوفت الرجال خارجين من المسجد علشان يشيعوا الجنازه ولقيت امام المسجد وهو انا عارفاه فى الحقيقه واسمه الدكتور احمد عبد السلام بيبكى ويقول ان الى مات هو الامام ابن تيميه وطبعا ده شيخ الاسلام المهم انا من وراء ساتر الى فاصل بين السيدات والرجال سألت الشيخ هو الميت بيحس بجسمه وهو بيتحلل بعد مماته او لما الدود بياكله قالي حتى لو حس اهو بيستحمل شويه لحد ما جسده يتحلل وبيبقى فناء المهم صحيت من النوم يا ماما وانا خايفه ومرعوبه وبقول يعنى احنا كلنا مسرنا هنبقى كده وهنعمل ايه فى القبر وقمت من النوم مرعوبه يا ماما

لااله الاالله

الحلم الرابع

حلمت خير ان شاء الله

انى كنت عند ماما وموبايلى رن روحت مكنسله بسرعه من قبل ماشوف الرقم وقولت ده محمد جوزى
بس لمحت انه مش رقم جوزى
رقم كله خمسات وعلامه النجمه
قولت فى سرى ده رقم دولى
الرقم رن تانى لاقيته احمد اخو جوزى
قالى ياسعاد ابنى مات وهو بيعيط اتلخبطت وزعلت اوى وقعدت اقوله ربنا يعوض عليك كتير لاقيته ماردش قعدت انادى ياحمد رد عليا ماردش
بس وانا فى البلكونه عند امى لمحت حماتى ماشيه كأنها فى عزا وراحه تدفن الولد
(فى الحقيقه سلفتى حامل فى ولد )
دخلت من البلكونه بابا سألنى فيه ايه قولتله

وبس كده طمنينى ربنا يباركلك

الحلم الخامس :

عمري 22 سنه

غير مخطوبة

ومتقدملي عريس واستخرت
بس ف الواقع في شخص انا مايلاله شوية لكن محصلش اي كلام عن الخطوبة ولا عمرنا اتكلمنا

حلمت بالشخص التاني الى انا مايلاله دا

انه جايبنهولي اودامي على (نقاله) ميت وملفوف بلبس الجيش الاخضر ( مع العلم انه فعلا في الجيش )

وانا استغربت قولت لو مامته شافته كدا هتتصدم وليه جايبنهولي انا

مع العلم انى مايلاله قوي وبتمناه فعلا وهوا شخص كويس بس مبتدأ في حياته

الحلم السادس

ماماا حلمت في منامهاا رأيت إنو اناا مخطووبه كونت مااشيه في الزفه انا وعريسي وكونت مبسوطه وفرحان وأنطنط من الفرحه وكنت فاارده شعري وكونت ماسكه خطيبي من الخلف وافرفر برجليي من الفرح وكان شكل خطيبي وسيم ولونو أسمر وشعرو طويل اسود الين الرقبه وانا وهوا طالعين على الدرج والعريس كان فرحان بماما وأعطاها هديه بعدين جات اختي المتجوزه جابت تحفتين خشبيه وحده لجدي وحده لجدتي ماما قالتلها ليه ماجبتيلي هديه اختي سكتت ...

انا غير متجوزه

الحلم رقم (7)

حلمت انى قابلت واحدة صاحبتى من ايام المرحلة الاعدادية وكان معاها أختها الاكبر منها انا اتفاجئت وفرحت ورحت اسلم عليها سلمت عليها وكلمتها وهى بقت تهزر معايا وبعدين اتمشينا مع بعض واختها كانت بتبصلى اوى ومش بتشيل عينها من عليا وانا كنت بستغرب عليها وقلت فى نفسى يمكن علشان أنا لابسة نفس اللبس بتاع المدرسة من ايام الاعدادى وبعد كده بصيت على شعر صاحبتى لقيته قصير رغم انه كان طويل بس فى الحلم كان شعرها قصير واختها كانت بتمشطلها شعرها علشان مكنش متسرح كويس وانا كنت بتفرج عليهم

ومعلش معايا حلم تانى
حلمت بواحدة جارتنا جت وكنا فى أول ايام العيد وجت تعيد علينا الصبح بدرى اوى وكان معاها طبق بليله وقلنا انا واخواتى محدش هيمد ايده عى الطبق غير لما نتجمع كلنا ونأكل مع بعض

انا آنسة
ومتدينة الحمد لله

عضوة عدد المساهمات : 32 تاريخ التسجيل : 10/09/2011

الحلم الثااااااااااااامن

ازيك ياماما نجيه يااااارب تكونى بخير

انا دايما بدعى ربنا يشفينى وكتير يارب بقول يارب ارنى رؤيه صادقه بالشفاء

نمت وحلمت ان عندى ماء زمزم بالحقيقه اصلا ابن خالى كان جايب ليا ماء زمزم وبشرب منها ان حماه ابن خالى عاوزة شويه قلتلها تقريبا قربت تخلص او اللى عندى يادوب هيكفونى مش فاكرة بالظبط ردى عليها قولتلها بصى فى ماء زمزم هيجيلى هديكى منه وبالحقيقه بردو كان فى اخت قالت هتجبلى كنت اقصدها بالحلم ان هدى حماه ابن خالى من الميه اللى هتجبيها الست دى

وبس جينا بالليل بالحقيقه بقى مش الحلم لقيت ابن اخويا بيقول رايح عند الست دى اللى هى الست اللى حلمت انها عاوزة ميه زمزم استغربت قلت اساله قلى كان خالو جايب ميه زمزم لينا قال اديها منها زجاجه وكنت مكسل اروح بقالى كتير هروح اوديها بقى مع العلم ابن خالى جاى من الحج بقاله 10 ايام

عضوة عدد المساهمات : 94 تاريخ التسجيل : 23/09/2011

الحلمالتاسع
حلمت انى شوفت 3 بنات مرسومين زى الكرتون وبعدين حضرتك بتقوللى تفسير حلم جدى بتاع امبارح على الصور دى فكانت اخر صورة انه احتمال يفتح وكانت عيون العروسة بنى فاتح وكنتى حضرتك كاتبة انك ليك ى علاقة باللى بيعالجوا بالقران وكمانشوفت ان الشخص اللى بتمناه فى بيت العيلة بتاعهم ناسكتير وفيه نيش واخته ماسكة طبق صينى اللى هو بترص فى النيش وانا استنتجت انه كتب الكتاب وجيت بقول لامى معقوله حيكتبوا الكتاب بعد الخطوبة بشهر وكمان حيجوز فى بيت عيلة لا انا مش مصدقة قالتى فاكرة لما كان هنا وبيقول ان الجواز بيكلف مش فاكرة فرح ابن واحد اسمه وهبه وحلمت انى كنت بنضف العانة وكانت غامقة اوى وانا كنت عاوزاها تنضف وتبيض
على العلم انى بقالى فترة قررت انى مش حفكر فى الموضوع تانى لو ربنا كاتبه حيجى
وانا الحمد لله بتعالج دلوقتى من اللى قلت لحضرتك عليه

عضوة عدد المساهمات : 94 تاريخ التسجيل : 23/09/2011

وكمان شوفت ناس كانوا قاعدين فى ارض مزروعة ذرة والذرة كبير وكانت فيه ناس قاعدة فوق وكان لهم رجل كبير وكان فيه ضباط بيمروا من الارض وبعدين مشيوا فالراجل الكبير بعت وراهم ولد يشوفهم والناس زى ما يكونوا مستخبيين منهم

عضوة عدد المساهمات : 83 تاريخ التسجيل : 30/08/2011

11

عندي حلمين ياماما وآحد ليا والثاني لآختي الكبييره ويآرب يكونوا خيرر ان شاء الله

شفت بالاول انو ولد اختي الصغير كآن يلعب ورآح وقف عند الشباك وقلت له انتبه لاتطيح وفجآه كدا كان حيطيح وصار متعلق بحديدة الشباك وجيت اجري عشان امسك يدينه ومسك يد وحده والثانيه فلتت وكنت ماسكه يده بقوه عشان لايطيح والمكان كان عالي واخويا كان جالس قريب مني وناديته عشان يججي يمسكه معايا ونرفعه بس مارد عليا وطنش الموضوع وكان بارد وانا حاسه انو حيطيح مني بآي لحظه بس كنت مصره انو ماافلت يده وبعدها قدر يرفع نفسسه معايا ودخلته من الشباك ورحت فتحت القران على سورة التوبه ومو فآكره ايش قلت بعدها لولد اختي بس يمكن كنت بوصيه يخلي مامته تقرا عليه دايمن

بعدها شفت نفسي مع اخويا الكبير في السسوق ولما كنآ خارجين كان فيه محل جزم مفتوح زي الكشك كدا مريت من جمبه وكنت بقول عنده جزم حلوه ومسكت صندل كآن مرتفع كعبه من قدام وراء وكآن عاجبني بس قآلي اخويا لا سيبيه ويلا نمشي ومسك يدي وقطعنآ شارعين وكانت الدنيا ظلام

وهذا حلم اختي الكبييره وقالقها جدددا حدا ياماما

كنت انا وهيآ في سآحة ملعب كرة قدم وكان فيه لاعب مششهور جدا يجري ويلوح بيده منتصر ومبسوط ولكن الغريب انه كان عآري وعضوه وآضح وكان طول عضوه وآصل الى نص سآقه وكنا متفآجئين من المنظر وطول وكيف انو متزوج

وآنتهى الحلم

الحلم رقم 12

السلام عليكم ياماما حضرتك طبعا فاكره موضوع الى حكتلك عنه بتاع الظلم ووصولات الامانه وكدا الموضوع لسه شغال موقوف لان مفيش تقدم فى حاله البلد لان الموضوع واصل للمحاكم

حلمت اننا فى لجنه انتخابات احنا كان عندنا انتخابات امبارح المهم شفت كان جوز خالتى جوز خالتى دا اصلا سنى وراجل يعرف ربنا المهم انى شفته كانه متصل على بابا فبابا ندهلى وقالى خدى كلمى جوز خالتك فبكلمه راح قالى ان فيه ظباط كانو جايين ياخدونى عشان موضوع الوصولات وبيقول ان عليا حكم وكانو جايين يخدونى بس جوز خالتى قالهم مينفعش تاخدوها دى بنت ولو عملتو كدا هايبقا غلط هاتفضحو البنت ورجعهم مش خلاهم يجولى معلش ياماما نسيت اقول لحضرتك ان بابا امبارح شاف انه ماتوقال انه شايف الناس ومفتح عينه كدا وشايف الناس وهما قاعدين بس هو مات وصحى من النوم خايف وعمال يقول انا هاموت صحى الفجر صحا امى جمبه يقولها خلى بالك من العيال انا هاموت اوعو تبظو بعد ماموت السيره ابقى من العمر وخلى بالك من العيال بابا بيخاف جدااااااااااااااااااا موسوس وهو حد بجد محترم ومتدين

لقد حلمت أن أمي منعتني من الخروج لكي أتفسح مع أصحابي فصرت أبكي بحرقة كبيرة من أعماق جوارحي فقلت لها في الحلم و أنا أبكي ( لقد وعدتني و أخلفتي بوعدك و أنا تعبت جدا في دراستي و أريد أن أرفه عن نفسي ) فما تأويل هذا و شكرا ابتابقغعق

الحلم رقم 14

السلام عليكم ورحمة الله وبركاته ازيك يا امي ... واحب اعتذر ف الاول عشان هكتب لك حلمين بعد اذنك :
الاول .. انا حلمت ان ف راجل عجوز انا عمري ما شفته قبل كده المفروض ف الحلم انه جاي يختار عروسة من اتنين الاتنين دول انا وبنت خالتي ( ف الحقيقة بنت خالتي دي متزوجة ) انا بقى كنت عارفة ان الراجل ده غني قوي وعمالة اقول لنفسي انا مش عايزة اتجوزه بس هطلب منه يشغلني .. وكنا قاعدين ف مكان زي مطعم كده وبعدين انا قمت اصلي العصر لاقيت بنت خالتي جاية مبسوطة قووووي وبتنطنط وبتقولي انه اختارها هي فانا قلت بقى دي فرصة اقوم افاتحه ف موضوع الشغل لاقيته بيقولي وانت محتاجة الشغل ليه انت هيبقى عندك كل حاجة وانا هديكي المرتب اللي هتاخديه وقالي انه اختارني انا .. وانا اتفاجات بس وافقت ع الجواز
انا عندي 26 سنة ومش مرتبطة ولا اعمل
التاني...
اني حلمت زي ما يكون عندنا هيصة ف البيت ولمة وزحمة يعني عيلة ماما وبابا كلهم عندنا بس ف واحد قريبنا اسمه خالد كان واقف معانا ف المطبخ وبيطبخ معانا واناعمالة اقوله ما يصحش ان حضرتك تطبخ قالي لا انا لازم اتطبخ لكوا وطلب مني اغسل صينية الصينية دي ف الحقيقة مش عندنا وسالني كان مطرحها ايه قلت له مطرحها بطاطس بالخضار وفرح قوي لما عرف اني انا اللي طبخها .. وانا بغسل الصيبنية وقعت علي الكم بتاعه بواقي اكل قلت له شفت انا مش قلت لك بلاش تدخل المطبخ هتبهدل هدومك قالي ولا يهمك وشمر واصر بردة انه يكمل
وانتهى الحلم ع كده
مع العلم ان علاقتنا بخالد ده مش قوية قوي كده عشان يدخل الطبخ ويقف معانا وهو متزوج وعنده اولاد .. بس انا كنت طالبة منه يدور لي ع شغل وهو وعدني انه هيجيب لي شغل مناسب
انا سفة قوووووووووووووووووي ع التطويل

عضوة عدد المساهمات : 55 تاريخ التسجيل : 17/08/2011

الحلم رقم 15.......

السلام عليكم ورحمة الله وبركاته......

ازيك يا طنط نجية.........وازى صحتك؟

الحلم ده حلمته قبل كده.(حلم متكرر)....

بحلم ان يبقى اليوم ده يوم فرحى وانا ببقى كانى مش عارفه يعنى بتفاجىء وبالتالى ببقى مش مستعداله وبيبقى ناقصنى الفستان والكوافير وفرش الشقه فبضطر انى ءاجل الفرح.....والحلم المره حلمت ان تيتى قالتلى ولا يهمك وادت ولد صغير فلوس علشان يجيب الحاجات اللى نقصانى .....فا انا برده مرضتش وصممت ع التاجيل.......قالتلى طب والناس اللى جيه قولتلها مش مشكلة ما احنا كده كده عندنا مناسبة تانية ييجوا يحضروها وخلاص(بس مش فاكره كانت ايه المناسبه التانية)؟ وخلص الحلم على كده

وده حلم لواحده صاحبتى.....هى بتحبك اوى وبتثق فى ارائك ربنا يخليكى لينا...
حلمت انى بقيس الاسدال والنقاب بتاع بنتين جيرانى اسمهم دعاء او ايه وعجبنى شكلى فيه وقررت انى هنزل بيه الكليه وهى سالتى وانا هاطلع ازاى؟ قولتلها اتصرفى قالتلى طب انتى هتعملى ايه ؟ما انتى معندكيش غير الاسدال ده اللى انتى وخداه منى قولتلها هاشترى وانا راجعه وكنت صاحيه مبسوطه

الحلم رقم 16

السلام عليكم ورحمه الله وبركاته

ماما نجيه ازيك يارب تكونى بالف خير يارب ربنا يديكى الصحه والعافيه وطول العمر يارب

تيسير خطيبت اخويه حلمت انها فى الحمام وكان فى حد معاها فى الحمام لاكن هى مش شيفاه
وكان عاوز يغتصبها وهى فضلت تصرخ تصرخ تصرخ وهو شدها بره الحمام
فى الصاله وكان بيقرب منها اوى اوى اوى وهى تصرخ تصرخ تصرخ لحد ما صحيت من النوم

وبشكرك الف مليون شكر

عضوة عدد المساهمات : 916 تاريخ التسجيل : 17/07/2011

الحلم 17
ماما انا حلمت امبارح خير يارب انى كنت قاعدة مع بنات كده معرفهومش وكانوا حلوين وكنا اربع بنات قاعدين جنب بعض كده وكنت متخيلة انى قاعدة على حته صغيرة يدوب مزنوقة فى وسطهم بس بعد كده قعدت كويس لانى كنت بحشر نفسى كده معاهم فى حمام بس مكانش فيه قواعد لا حمام عبارة عن حمامات زى الحمامات بتاعة العرايس اللى بيستحمى فيها البنات وبعدين كنت حاسة ان فيه ناس بتبص علينا واحنا بنستحمى بس طلع مفيش حد واخد باله الحمد لله وبعدين قعدنا نستحمى واحنا مبسيوطين وكان بنهزر ونضحك مع بعض وفرحانين والميه كانت نازلة عليهنا من الدش وكنت بخلع هدومى حته حته عشان استحمى كليا والمياه تطولنى وتطول راسى وكنا مبسوطين واحنا بنستحى وبعد كده روحت واخدة بشكير ابيض كبييييير شويتين يعنى كان هيغطينى كلى من اولى لاخرى رغم ان كان فيه فوط عادية بس روحت واخدة بشكير كبير كده بس كنت حساه مستعمل قبل كده ومع ذلك خدته وكنت مرتاحة فيه وبعد ما خلصت استحمام لقيت رشا (هى انسة )بنت خالتى جه عليها الدور تدخل بقا تستحمى ورايا وكان معاها خالتى وبعدين بسالها مشفتيش البشكير بتاعى كان معايا دلوقتى قالتلى لا قلتلها لا انا بتهيالى انه معاكى شوفيه بس قالتلى لا مش معايا قلتلى بس دورى بس فجت تدور لقيته فى وسط حاجتها فقولتلها هاتى البشكير بتاعى ما هو طلع فى وسط حاجتك اهو ما عندك الفوط خدتى البشكير ده ليه المهم خدت البشكير وكنت مروحة بقا بعد الاستحمام ولقيت رشا بتقولى شفتى انا داخلة استحمى مع ناس مسيحين وقعدت تشتم فيهم فقلتلها حرام يا بنتى ده الرسول عليه الصلاة والسلام وصاانا عليهم متتكلميش كده عنهم حرام ...خشى مع خالتى خليكى تستحمى وتخلصى وانتهى الحلم على كده

الحلم رقم 18

حلمت اني لابسه جلابيه هي مش جلابيه عاديه هي شبيهه

بالفستان ليها قصه حلوه اوي ستان لونها احمر و خايفه حد يشوفني بيها لا

يحسدني و في الحلم لقيت واحده قريبتي بتبص عليه بجنب عينها و شافتني

حالتي الاجماعيه منفصله و في شخص الايام دي بيحاول يكلمني لاكني معرفوش[/size]

السلام عليكم ورحمة الله وبركاته
وحشاااااانى يا ماما نجية يارب تكونى بخير
انا حلمت النهاردة انى فى شغلى فى المدرسة فيه مكتب فى الدور اللى انا فيه واحمد اللى بحبه ومقلتلوش لقيته شارى وجايب له اوضه نوم لجهازه يجهز بيها بيته فبعدين الاوضة دى عجبتنى اوى وقلتله انا هاخد الاوضة دى فبعد كلام اخدت انا الاوضة وجبتها عندى مكتبى وبقت بتاعتى بس الغريب ان فى الحلم كان فيه بيبى رضيع كانه تبع احمد وكان داخل فى الحديث بينى وبين احمد بس بيلاغينى وانا باخد الاوضة ولون الجو او الهوا فى الدور كله كان كانه فيه نور فى الجو والجو كله كان لونه ابيض زى شبورة الصبحية بس هو نور مش شئ تانى بس انا كنت مبسوطة لشكل الجو ومبسوطة اكتر انى اخدت انا الاوضة دى اللى كان جايبها له وبقت بتاعتى
انا انسة 23 سنة ومؤمنة بربنا الحمدلله وبحب ربى قوى

عضوة عدد المساهمات : 72 تاريخ التسجيل : 18/07/2011

الحلم رقم 20

السلام عليكم ياماما نجيه
ازيك يارب تكونى بخير
انا حلمت انهارده حلم غريييييييييييب اوووووووى وياااااااارب يكون خييييير
زي ما بتمنى ويارب يكون تفسيره زي التفسير اللى وقع فى نفسى
انا حلمت ان فيه رجل دجال وكان معاه ست بتاعة سحر وكده فى نفس المكان وبعدين
دخلوا عليهم ناس لابسين زي وشوش عفاريت عشان يخوفوهم فالدجال هو والست
طلعوا يجروا وخافوا وبعدين الناس قلعت الوشوش وقعدت تضحك وبعدين كان فيه
مشهد فى حته تانيه كان فيه واحد وواحده عايزين يتجوزوا بس كل شويه حاجه
تحصل وتعطلهم الموضوع ومش عارفيت يتجوزا المهم الست والراجل الدجال دوول
بعد ما جروا راحوا قعدوا فى ارض كده من التعب وبعدين زي ما يكون فيه حد
بيحكيلهم على البنت والولد اللى مش عارفين يتجوزوا فصعبوا عليها اوووى
وسكتت شويه وبعدين زي ما بتكون بتجمع حاجه فى بؤها بتطلعها من جوه وقامت
مطلعه من بؤها زي ما يكون ورقة بتاعة سحر التعطيل وبعدين ادت الورقه للى
كان بيحكى وقالت خليهم يتجوزوا وبعدين فى اخر الحلم لقيت البنت والولد
بيتجوزوا وفيه فرح فى بيت وقعدين يتصوروا
انا فى الحقيقه كنت مرتبطه بواحد قريبى وكان الموضوع متعطل
وكان بيقول فى حاجه بتمنعه وكمان كان كل ما عريس يجى الموضع ميتمش يا منى
يا منه واتخطبت قبل كده وسابنى من غير سبب وانا بقالى مده كبيره مواظبه ع
البقره والرقيه وبدأت كمان استحمى بمية الرقيه واسمعها بودنى كمااااااااان
يااااااااااارب يكون خير

اذيك يا ماما نجيه
يارب تكونى بخير وبالف صحه
انا تعبانه جدا يا ماما نجيه نفسيتى وحشه اوووووووى
ادعى لى
انا حلمت ياماما والحلم ده متكرر انى بدخل الحمام اعزكم الله واعمل حمام وبلاقى حد تانى قاعد معايه وانا ببقى محروجه جدا بس مفيش حد بيشوف عورتى يعنى امبارح كانت ماما بتعمل حمام معايه وانا كمان بس كنت بحاول ادارى نفسى منها
والمره الاخرى كان بابا واخويا الاكبر وانا مرضتشى اروح الحمام
ارجو التفسير؟
وحلمت انى بكنس شارع بيتنا بس كنت بكنس من اول الشارع لاخره وانا اصلا مش بطلع اكنس الشارع فى الحقيقه هو الشارع ده كان حولين تلات بيوت البيت الاول احنا والتانى بيت ابن عمى وبينا خلافات والبيت التالت صاحب سوبر ماركت جارنا وانسان محترم اسمه اكرم وانا كنت بكنس الشارع ده واكرم ده بيساعدنى وانا كنت صايمه اليوم ده والمغرب اذن والبيت كانو بينادو عليه عشان افطر وروحت افطر ملقتشى رز مطبوخ
وكنت بكنس وبلم الزباله فى جنب بس لقيت الشارع جميل ونظيف وحسيت انه عالى يعنى علا

انا انسه عزباء عندى 23 سنه

ماما نجيه ده استفسار مش تفسير
انا حلمت احلام كتيره من سنين وكنت برسالها لحضرتك وكان تفسيرها انه زوج صالح لى يعنى كذا مره حلمت بالخمار وانى بشتريه وحلام كتيره بتدل على زواج ولكن لم يتحقق شئ ماذا افعل هل ده بشاره لى ولا مطلوب منى شئ بجد نفستى مدمرة جدااااااااااا بس الزوااااااااااج
دايما بحس بخنقه وببقى زعلانه جدا من غير سبب وبتنرفز بسرعه وعلى غير عاده انا مكنتش كده ابدا
افيدنى يا ماما

امتى احلامنا دي هتتفسر يا ماما ناجيه ربنا يخليكي لينا يارب

الحلم رقم 21

انا كنت حلمت انى فى امتحان العربى و كان امتحان طويل جدا و مكنتش عارفه اى حاجه فيه ووزعو علينا الورق جاين نفتحو لقينا محلول قالو احنا هنلمو وهنجيب ورق تانى و الوقت كان فاضله ربع ساعه و لسه الورق مجاش ومش هيمدو لينا الوقت و رغم انو لما وزعو علينا كان محلول مكنتش عارفه اى حاجه فيه وانا فى شهر 2 اللى جاى هيكون عندى 14 سنه ان شاع الله و انا بصلى بس ممكن اتاخر شويه فى الصلاه ممكن تفسير ضرورى وجزاكى الله كل خير

» تفسير احلام الخميس 1/12/2011
» تفسير احلام الخميس 8/12/2011
» تفسير احلام الخميس 24/11/2011
» تفسير احلام يوم الخميس 17/11/2011 مع ماما نجيه
» تفسير أحلام الخميس 22/12/2011