تفسير احلام الخميس 8/12/2011

الحلم الثانى

للعضوه انوسه 1986

ازيك ياماما نجيه الحلم ده لواحده اعرفها حلمت ان هى شافت ابوها كانه ميت ونايم على الخشبه ومكفن بالكفن الابيض والمكان ال كان فيه هو نفسه المكان ال اتغسلت فيه بنته المتوفيه قريبا ال هى اختها

الحلم الرابع

الحلم ده لمرات اخويا هيا حلمت انها كانت عامله عيد ميلاد لبنتها هيا اصلا معاها تؤام وكان عيد ميلادهم الحقيقى من 3 اسابيع مثلا هيا حلمت بقى انها عملت عيد ميلاد لبنتها بس وجاتلها واحده بس فى صلة قرابه بينهم بس مش قريبه اوى وبعدين لقيت الست دى جايبلها هديه حلق دهب ومرسوم عليه بيبرونه وكان شكله حلو اوى بس هى قالت انه دهب ببس لما فتحته هيا وزوحها لقوه لونه روز كده بس هيا وزوجها استغربو ازاى الست دى تجيب هديه فخمه زى دى وهما مش قربين اوى من بعض
هى عندها طفلين تؤام عندهم سنه
وجزاكى الله خيراا[b]

الحلم رقم 8
انا حلمت ان اختى مسافرة الصبح ميعاد طايرتها بكره واحنا كنا بنحضر لها شنطتها وماما نسيت تحط لها الأرز في الفرن اللى هى كانت عملاه علشان اختى وبعدين فال يعنى فى الحلم اختى عندها عقد لولى وكانت ناسياه وانا لبسته لها عقد لولى صفين فوق بعض وفيهم دلاية وكمان اسورة بتلف على الياد زى الحلزون كده لونها فضى بيلمع وبرده كانت سايباها وانا لبستها لها
وبعدين واحنا بتحضر الشنط بتاعتها نسيت تحط الاسدال بتعها الاخضر فانا قلت لماما انه فى الدولاب وطلعناه لها واديناهولها على السلم
ملحوظة اختى متجوزة ومسافرة مع جوزها لكنها مش هنا دلوقتى ده هى مسافرة من شهرين
شكرا لكى يا امى الغالية

الحلم 9

ازيك يا ماما
السلام عليكم
انا الايام دى مقربة من ربنا اوى وعلطول بقرأ قرأن وبقول ادعية وفى شيخ كتبلى على رقية شرعية بعملها وخلصتها ودلوقتى بصلى قيام ليل ونمت حلمت حلم فظيع صحيت من صدرى مخنوق جدا ومش قادرة اتنفس ودموعى مغرقانى ومش فاكرة منه حاجات بس اانا فاكرة انى كنت فى الحلم خايفة اوووووى حلمت ان بسم الله الرحمن الرحيم بعتنلى رسايل عالنت انى اذيتهم وهما مش هيسكتوا وشوفت ناس فى الحقيقة اعرفهم كويسين وفجأة يتحولوا وكأن حد بيورهوملى غير ما هما فى الحقيقة وان ماما فى الحمام وبتحكيلى بتقولى انا سمعت ناس جايبينك البيت وبيبخروكى وانا بقولها انا محدش جابنى وكأنى عمل حاجة من غير قصد اذيتهم وماما بتقولى على رقية شرعية واحد كاتبهالها مش فاكرة منها غير سورة النور وسورة الشورى وشوفت حاجات بالمقلوب وناس متغيرة فى الحلم والباقى مش فاكراه ارجوكم حد يساعدنى انا عندى 25 سنة انسة لا اعمل

أنا حلمت بشاب من عائلتي ( آآآآآآآسفة بس لازم تفسري يا الغالية) يقبلني من شفتيا بحراااااارة غير طبيعية و في مكان مظلم بس هذا الشاب يصلي و هو متثقف جدا و من هوات إكتشاف النضريات المعقدة و بالرغم أن لديه خطيبة فما تأويل هذا

الحلم 13
ازيك يا ماما نجية انا حلمت حلم وقلقنى اووى انهاردة وخايفة منه
حلمت اللهم اجعله خير ان وشى خدودى زى ما يكون فى حد ضاربنى وكان لونهم اخضر بس مكنش فى اى حد ضربنى ومكنتش اعرف ان وشى كدة اختى اللى قالتلى فى الحلم مال وشك


وانا الحمد لله علاقتى بربنا كويسة ومواظية على قراءة سورة البقرة يوميا والصلاة ملتزمة الحمدلله فيها وانا آنسة ومش مرتبطة ولا مخطوبة