تفسير احلام الثلاثاء 28/12/2011

الحلم رقم 16
السلام عليكم ورحمة الله وبركاته الف سلامة عليكى يا ماما نجية ربنا يقومك بالسلامة حبيبتى
ماما نجية أنا حلمت امبارح انى كان فرحى قرب وانا بقيس فستان فرح بس شكله حلو يعنى نظام كرانيش ادوار وصدر من فوق هيتلبس تحتيه بادى يعنى من الاخر نظام الفستان اللى اتمنى البس زيه بس فى الحلم كان الفستان ده مركون ولونه مصفر شوية وبحبه بس كنت مستنية البسه او كان فيه حاجة معطلانى عن لبسه المهم وانا بقيس عرفت ان احمد اللى انا بحبه جاى عندنا البيت ومعاه المدير بتاعنا بس انا كنت بقيس الفستان وعايزة اخليه يشوفنى بيه ومش عارفة ايه علاقة احمد انه يجيلنا البيت فى نفس اليوم اللى بقيس فيه الفستان وماما كانت عمالة تقوللى ياللا خلصى عشان احمد جاى وانه محدد اليوم ده ييجى فيه البيت بس كنت حاسة بنفسى قوى وانا بقيسه وكانى ملكة علما بقى بانى فيه زعل بينى وبين احمد وبنتكلم مع بعض عادى فى شغل بس بحبه وشايلة منه واتمنى البس له الفستان الابيض بجد
ايه التفسير يا ماما نجية الحلم جميل واجمل ما فيه احمد والفستان
انا انسة 23 سنة حالتى الدينية الحمد لله مؤمنة بربى

17
السلام عليكم ورحمة الله وبركاته

حلمت اليوم خير اللهم اجعله خير
رأيت نفسي في المنام ارتدي حذاء اسود اللون وكان مظبوط على قدمي وكنت ذاهبة إلى محل جزم لشراء حذاء لي لونه بني وقد قررت ان اشتري ايضا حذاء لصديقتي نهى وسالتها عن اللون الذي تريده وقالت لي اللون البني وكان محل الاحذية مظلم من الداخل ودخلته ووجدت زوج واحد فقط من الحذاء البني واخذته وارتديته على الفور في المحل واعتذرت لصديقتي لاني لم اجد سوى زوج واحد فقط وخرجت بره المحل وذهبت بالحذاء ووجدته بيوسع عليا وتذكرت اني نسيت الحذاء الاسود الذي كنت ارتديه في المحل وقررت الذهاب الي المحل لاخذ مقاس اقل للحذاء البني وايضا لاني نسيت الحذاء الاسود في المحل ، وعندما ذهبت للمحل مرة اخرى وجدته منور جدا ووجدت الحذاء الاسود بتاعي وطلبت من البائعة مقاس اصغر للحذاء البني وقالت لي تمام يوجد لديها المقاس الاقل وطلبت مني الانتظار وستجيب على طلبي وبالفعل وجدت نفسي اجلس على كرسي في المحل ، ممكنت اعرف تفسير الحلم ده ايه
خير اللهم اجعله خير

البيانات
عزباء
ارجوكي يا ماما نجية ممكن تفسري لي الحلم بالتفصيل عايزة اعرف كل رمز يرمز لايه

دودى سرحان كتب:

رقم 10 عايزة استفسر على حاجة يا ماما نجية أذا واحدة حامل ورأت فى المنام أعزكم الله زوجها عارى وقد بدت عورتة تكرر مرتين وأيضا رأت أخوها عارى ودائما يصاحبها رؤية ابيها وهو رجل احسبة من الصالحين ان شاء الله أرجو الافادة جزاكى الله كل خير

حبيبتى على هذه السيدة التوضؤ قبل ان تنام وتقرا الفاتحة مرة واحدة ثم اية الكرسى اكثر من مرة وتشغيل سورة البقرة فى بيتها يوميا والله معها

DR_MIRO كتب:

حلم رقم 11



ازيك يا ماما نجية يارب تكوني بخير وصحة ، مش هطول عليكي انا حلمت 3 احلام صغيرين وهما كالاتي :

الحلم الاول :

حلمت خير اللهم اجعله خير ان انا ماشية في شارع جميل وهادي وفجأة جه مجموعة من الناس جاية عكسي من ادامي الناس دي يا ماما شكلها غريب ومضحك جدا جدا ووشهم ضخمة جدا وعينيهم مبرقة بطريقة تخوف وتضحك تحسي كانهم كارتون الرجالة منهم شعرهم اسود وقصر وعينهم مسحوبة شبه سكان شرق اسيا ، والستات منهم شكلهم اغرب دماغهم كبيرة وعينهم ضيقة وشعرهم طويل وكلهم عاملينة صفيرتين وبيهزوا راسهم بطريقة كانهم مرضى او متخلفين عقليا وراح اتنين منهم رجالة خدوني مسكوني من ايدي وقعدوا يدوخوني وسبوني فجاة انا خفت وطلعت اجري عشان ابلغ عنهم رجعت ادور عليهم محدش شافهم واختفوا ، وقمت من النوم على كده .


حبيبتى الحمد الله انهم اختفوا عليك باذكار صباحا ومساء وقراءة اية الكرسى باستمرار
الحلم الثاني :

حلمت ان ادامي صورة طيارة بتتحرك وخريطة للسعودية بتتفك وتتركب وقمت من النوم على كده .

ربنا يسهل ويكون سفر ان شاء الله

الحلم الثالث:

حلمت ان انا مع ماما في شقة كبيرة وواسعة الشقة يا ماما حلوة جدا ليها بابين دخلت من باب ووصلت للباب التاني اللي كنت هخرج منه بس مخرجتش ، في الحلم كنت بتكلم عن الشقة كانها بتاعتنا واحايانا على انها مش بتاعتنا ، المهم الشقة يا ماما واسعة قعدت اسال واحدة اسمها دعاء كانت في الحلم معايا انا وماما في الشقة عن الشقة كام اوضه وكده قالتلي الشقة 5 اوض وقعدت اعد يا مامام اوضه اتنين تلاتة لغاية مخلصت الخمسة وبعدين لقيت باب ببص وراه لقيت صالة تانية ومنها باب الشقة التاني فبقولها يا دعاء هو في صالة تانية قالتلي اه خرجت ابص على الصالة يا ماما لقيتها كبيرة فيها انتريه خشب متبطن او متنجد اخضر بس الطقم كانه قديم اوو مستعملش بقالة فترة عايز يتنضف ، الللي لفت نظري يا ماما ان عند باب الشقة لقيت الاتي كرسيين فخمين جدا لونهم اخضر من كراسي الفراشة اللي بيتحطوا في الافراح بتوع الفراشة وجنبهم كراسي من كمراسي الفراشة كان كان فيه فرح او هيبقى في فرح اه ووورا الكرسيين بوكيه ورد من اللي بيتحطوا في الاافراح وقعدت اقول في سري ايه ده هو كان في فرح فرح مين يا ترى اما اسال دعاء وقمت من النوم على كده .



الله يخليكي يا ماما طمنيني لحين انا دماغي واعصابي تعبت انا انسة 32 سنة في مشروع ارتباط بس من سئ لاسوء يا ماما الامور بتسوء لدرجة اننا متخانقين خناقة كبيرة وواقفين على عدم اكمال الموضوع حالتي الدينية متوسطة ، الاحلام دي حلمتها من الساعة 2 للساعة 5 الظهر طمنيني معنى الاحلام دي ايه خلاص انسىى الموضوع ده ولا لسه في امل والامل في ربنا .

ححبيبتى ان صدقت رؤيتك فسوف يقبل دعائك وتخطبى باذن الله اكثرى من الاستفغار وصلى يوميا صلاة قضاء الحاجة 12 ركعة بعد نصف الليل وان شاء الله ربنا هيحقق املك باذن الله والله معك

tota40 كتب:

الحلم 12
السلام عليكم
ابنى حلم حلم اتكرر مرتين حلم انى خلع ناب من اسنانة وقبل كدة حلم انة عندة ضرس اتكسر وهو خلع باقيتة بيدة

استعيذى بالله من هذه الرؤيا

دودى سرحان كتب:

رقم 13 معلش يا ماما نجية استفسار أخر أذا رأت الحامل نفسها ترتدى بدلة رجالى بنى وأيضا فى حلم أخر تصبغ شعرها باللون البنى وشكرا جزيلا

ان شاء الله ربنا سوف يعطيها ولد باذن الله

wafaa555 كتب:

الحلم الرابع عشر








ربنا يكرمك ياماما على سؤالك عنى وحشااااااااااااااااااانى جدااااااااااا ربنا يعطيكى الصحه والعافيه انا كنت مشغوله شويه كنت بعمل دبلومه كانت واخده وقتى وياااااااااااااااااااااااااارب ميحرمنا منك



الاسم:وفاء



الحاله الدينيه:تمام



الحاله الاجتماعيه:عزباء





الحلم الاول:حلمت ياماما بطائرات كتيرة فى السماء وراء بعض وبعدين طائرة واحده سقطت فى بيتنا القديم بس الحمد لله لم تشتعل
خير باذن الله فيه جواز قريب لك ان شاء الله بس فيه مشكلة وربنا هيستر فيها


الحلم التانى:حلمت ياماما ان المسجد فى بلدنا بيقع ووقع فعلا وبقيت اجرى انا وواحده قريبتى ونصرخ بشدة

حبيبتى فيه فتنة دينية هتحدث فى المنطقة وربنا يستر

marooo21 كتب:

الحلم رقم 15
ازيك يا ماما نجية يا رب تكونى بخير
انا حلمت بشاب انا كنت اعرفه اسمه حسن ان هو كلمنى فى الموبايل وكان بيكلمنى بالانجليزى وقالى ان هو هيموت و بعدها كلمنى بالعربى فى نفس المكالمة وقالى ان هو فى بنت كويسة عرفها اسمها منال وقالى ايه رايك وانا رديت وقولتله دى حياتك وانت اكتر حد تعرف مصلحتك وكنت مضايقة علشان بكلمه مش عارفة ليه مع انى فى الحقيقة مفيش اى حاجة بينه وبينى
انا حسن كنت مرتبطة بيه من سنتين وسيبته وهو كلمنى من كام يوم وقالى انه تعبان وحاسس ان عنده القلب وانا مااعرفش حد اسمه منال فى الحقيقة
انا آنسة ومش مرتبطة والحمدلله علاقتى بربنا كويسة وكنت قريت سورة البقرة الفجر وصليت الفجر ونمت

حبيبتى حسن خايف يموت وبيتمنى الزواج منك والله يشفيه

احلام جميلة كتب:

الحلم رقم 16
السلام عليكم ورحمة الله وبركاته الف سلامة عليكى يا ماما نجية ربنا يقومك بالسلامة حبيبتى
ماما نجية أنا حلمت امبارح انى كان فرحى قرب وانا بقيس فستان فرح بس شكله حلو يعنى نظام كرانيش ادوار وصدر من فوق هيتلبس تحتيه بادى يعنى من الاخر نظام الفستان اللى اتمنى البس زيه بس فى الحلم كان الفستان ده مركون ولونه مصفر شوية وبحبه بس كنت مستنية البسه او كان فيه حاجة معطلانى عن لبسه المهم وانا بقيس عرفت ان احمد اللى انا بحبه جاى عندنا البيت ومعاه المدير بتاعنا بس انا كنت بقيس الفستان وعايزة اخليه يشوفنى بيه ومش عارفة ايه علاقة احمد انه يجيلنا البيت فى نفس اليوم اللى بقيس فيه الفستان وماما كانت عمالة تقوللى ياللا خلصى عشان احمد جاى وانه محدد اليوم ده ييجى فيه البيت بس كنت حاسة بنفسى قوى وانا بقيسه وكانى ملكة علما بقى بانى فيه زعل بينى وبين احمد وبنتكلم مع بعض عادى فى شغل بس بحبه وشايلة منه واتمنى البس له الفستان الابيض بجد
ايه التفسير يا ماما نجية الحلم جميل واجمل ما فيه احمد والفستان
انا انسة 23 سنة حالتى الدينية الحمد لله مؤمنة بربى

حبيبتى ان صدقت رؤيتك ربنا هيزيح المشاكل وهيصلح الحال وطبعا كل شئ نصيب

الأميرة نونو كتب:

17
السلام عليكم ورحمة الله وبركاته

حلمت اليوم خير اللهم اجعله خير
رأيت نفسي في المنام ارتدي حذاء اسود اللون وكان مظبوط على قدمي وكنت ذاهبة إلى محل جزم لشراء حذاء لي لونه بني وقد قررت ان اشتري ايضا حذاء لصديقتي نهى وسالتها عن اللون الذي تريده وقالت لي اللون البني وكان محل الاحذية مظلم من الداخل ودخلته ووجدت زوج واحد فقط من الحذاء البني واخذته وارتديته على الفور في المحل واعتذرت لصديقتي لاني لم اجد سوى زوج واحد فقط وخرجت بره المحل وذهبت بالحذاء ووجدته بيوسع عليا وتذكرت اني نسيت الحذاء الاسود الذي كنت ارتديه في المحل وقررت الذهاب الي المحل لاخذ مقاس اقل للحذاء البني وايضا لاني نسيت الحذاء الاسود في المحل ، وعندما ذهبت للمحل مرة اخرى وجدته منور جدا ووجدت الحذاء الاسود بتاعي وطلبت من البائعة مقاس اصغر للحذاء البني وقالت لي تمام يوجد لديها المقاس الاقل وطلبت مني الانتظار وستجيب على طلبي وبالفعل وجدت نفسي اجلس على كرسي في المحل ، ممكنت اعرف تفسير الحلم ده ايه
خير اللهم اجعله خير

البيانات
عزباء
ارجوكي يا ماما نجية ممكن تفسري لي الحلم بالتفصيل عايزة اعرف كل رمز يرمز لايه

حبيبتى فيه عريس حالى لك ولكن تريدين انسان تانى وهتضللى فى تفكيرك وهتوافقى باخر ولكن هتجديه مش مناسب فهتحاولى للرجوع الى الاول او تنتظرى اخر وربنا هيهدى تفكيرك وهينير طريقك وهترجعى للقديم والله معك

ايناس انوسه كتب:

الحلم 18
ماما زمان ايام ما كنت لسه بدعى انى اشوف بسيونى ويشوفنى كنت حلمت انى زى ما يكون فى بداية الدراسة وكان هنبدا دراسة خلاص فى الكلية فلقيت شاب قاعد اسمه جميل وهوه ممثل تركى معروف اصلا وقال ايه انا كان معايا نمرة تليفونه بس هوه مكانش يعرفنى ولا يعرف ان معايا نمرة تليفونه المهم روحت نكشته كده وخليته يشوفنى فلقيته ابتسملى ومش رضى يكمل كلام معايا غير لما نمضى انا وهوه على عقد ذهبى كده وفعلا مضينا احناالاتنين على عقد ذهبى كبير كده ومضيت فى خانة اسمى وهوه مضى فى خانة اسمه وكان العقد بلغة تانية يعنى كان بالانجليزى تقريبا بس كان شكل العقد جميييييل وقاللى خلاص انتى هتبقى مسئولة عن كل حاجة وانا مش هتدخل فى حاجات كتير ولقينا نفسنا بنلم حقائب وشنط سفر وبنحطها فى عربية وروحنا راكبين فيها احنا الاتنين وركبنا احنا الاتنين وره وكان فيه سواق وشنطنا جنبنا وبعدين هوه الشاب ده اللى ساق العربية بعد كده وكنا زى ما يكون رايحين مكان زى جزيزرة كده عشان شهر العسل او حاجة زى كده ولقينا روحنا ماشيين فى طريق كله جراد وخيول هايجة ومش نضيف بالمرة فقال ايه ده !!!!!!!! لالالالا الطريق مش نضيف احنا ايه اللى جابنا من هنا وراح راجع بينا تانى من الطريق ده وقولتله لا خلاص احنا نروح اسكندرية على الاقل نعرفها ونعرف نمشى فيها وفعلا رجعنا ولقينا روحنا فى مكان نعرفه فى اسكندرية ولقيت معايا بنت زى ما يكون خلفتها منه وكانت زى العسللللللللللل والناس كلها بتبصلها وتبص على جمالها وكانت قاعدة بتعلب وماسكة طبق ازاز حلو فى ايدها وكان فيه حبة تراب بس انا نفضته وخليته فى ايدها تلعب بيه وكانت قمرررررررر...تفتكرى ده له علاقة ببسيونى ؟؟؟ وعلى فكرة ان حصل نصيب مش هسكن مع اهلى فى مكان واحد يعنى هيبقى فى بلد تانية وعلى فكرة هوه طبعا مش شبه احمد لانه جاد شوية بس ربنا يسهل ويبقى فيه نصيب يااااااااارب ادعيلى وعلى فكرة انا لا متابعة مسلسلات تركى ولا بتاع ده ممثل كنت شفته قبل كده ومركزتش مع المسلسل كله بعد كده بس ده كان اسمه كده فيه

حبيبتى رؤيتك ترجمة لما تتمنى وان صدقت هيكون فيه عقد جواز ان شاء الله وهتحتاروا شوية فى السكن ولكن هتستقروا على مكان بتحبوه انتم الاثنين وربنا يقدم ما فيه خير لك

أسرار كتب:

19
معلش ياماما حلم تاني

وحلمت كاني راكبة مع ماما ميكروباص وكأني رايحة امتحان فركبت جنب السواق بنت شكلها بلطجية ومعاها سكين
فلقيت ماما عمالة تضحك معاها واخدت منها السكينة وكانت سكينة شكلها غريب قوي
ولونها فضي كلها وحته واحده يعني دراعها زي نصلها وكان شكلها حلو وانا كنت
عمالة اقول لماما تسيبها وتسمعلي عشان الامتحان بس هي ماسبتهاش.

حبيبتى انت خايفة من شئ ولكن ما هتتصرف بحكمة وسكينة وهتعدى الامر على خير وهتسير حياتك على ما يرام ان شاء الله والله معك