تفسير احلام السبت 10/12/2011

الحلم الاول

للعضوه ابتسامه امل

<TABLE border=0 cellSpacing=0 cellPadding=0 width="100%"> <TR> <td colSpan=2>انا حلمت الحلم ده من يومين وبجد صحيت مبسوطه اوووووى حلمت خير انى ماشيه فى الشارع وكنا تقريبا بالليل لان كان ضلمه وكان ماشى اودامى احمد ابن خالتى (هو خاطب) وكان معاه واحد وكنت ماسكه فى ايدى لوحه من اللى بتعلقوا فى المدارس مش فاكره كانت لمادة الدراسات او العلوم وكان اللى ماشى مع ابن خالتى برده ماسك لوحه وكنا رايحين عند مدرس اسمه حسن كنت باخد عنده فى اعدادى انجليزى والمفروض كنا رايحين نوريله اللوح وبعدين لقيت الحته مطرت وانا نديت ابن خالتى ومشى معايا المهم وصلنا اودام بيت المدرس ولقينا ناس جوه كتير فى المدخل طلبه بتوريه برده لوحهم فلقيت اللى كان مع ابن خالتى فرد لوحته لقيتها حلوه ومنسقه عن بتاعتى وكاتب بكذا لون فانا قلت خلاص مش مهم اوريها للمدرس وفردتها لابن خالتى وقلتله ان اخويا اللى عملها وكاتبها بلون واحد ومش منسقه كدا المهم كنت راجعه انا واحمد ابن خالتى فلقيت المكان اللى كنت فيه عشان نمشى منه لازم نعدى من على معديه كده حواليها ميه عذبه وشكلها روعه كانت حواليها من كل مكان وكمان المعديه دى مكنتش خشب يعنى كانت عامله زي المطب كده وكانت واطيه والميه بتخبط فيها وتطلع عليهاوحنا ماشيين عليها لقيت الشخص اللى كان معانا بيقولنا مش فاكره الكلمه بالظبط بس فاكره المعنى كان بيقول ان احنا ولاد خاله بس ومينفعش يكون فيه حاجه بينا قلتله بكره تشوف وكنت اقصد ان هيكون بينا ارتباط وكانت الدنيا لسه بتمطر والصراحه كنت مستمتعه اوووى وابن خالتى عدى وبعدين انا والوقت كان نهار مع انه فى الاول كان ضلمه وكنت مبسوطه بالمنظر اوووى وبعدين عدينا ولقيت الشارع اللى ماشيين فيه شكله حلو وكأنه فيه مناظر طبيعيه خلابه انا مبهوره بيها ومبسوطه ولقيت تقريبا حد ماشى مش مبسوط فانا بقول ازاى مش مبسوطين وهما ماشين وسط المناظر دى وبعدين قلت لنفسى انا بس عشان نفسيتى كويسه فشايفه كل حاجه حلوه الواحد اما بيبقى مضايق مش بيشوف جمال اى حاجه ملحوظه ابن خالتى خاطب وزي اخويا بالظبط يعنى مينفعش يكون فى ارتباط وانا كنت قلتلك على موضوع ليا مع واحد قريبى تانى اسمه احمد برده واقف وكان دايما يقولى فيه حاجه بتمنعنى انى اخد خطوه وانا حاليا تعبت وزهقت وبعدت عنه ومبقتش ارد عليه وقلت لو هو نصيبى محدش هياخده غيرى وانا بقرأ البقره والرقيه كل يوم وبستحمى بمية الرقيه وقبل الحلم اللى فوق بيوم حلمت حلم طويل مش فاكره فيه غير جزئين جزء كنت راكبه عربيتنا انا واخويا الصغير وهو كان سايق فكان هيخبطنا فانا نزلته عشان اسوق انا وبعدها لقيت الشرطه جت عندنا البيت وسأت مش فاكره ايه فقلتلهم انا فأخدونى وماما طبعا انهارت واللى استغربتله انى مكنتش مضايقه اوووى وقلت انى هبقى اجى ازورهم ممكن اخرج ساعات الجزء التانى حلمت انى كنت مطلقه وكان طليقى قاعد فى البلكون عند عمتى الله يرحمها وبعدين كان فيه حد عاوز يصالحنا وانا كان عندى استعداد وشكله كمان كاتن عنده استعداد وبعدين لقيت حد بيحطلى سماعات فى ودنى وفيها اغانى رحت شيلاها علطول ولقيت بنت عمتى دخلت قعدت معاه فى البلكونه وانا جوه الاوضه وقعده بفرك فى نفسى وغيرانه جدا وفاكره انها عاوزه تاخده وبعدين رحت خرجت من الشقه وقلت فى نفسى هيخرج ورايا وانا ع السلم لسه لقيته خرج ورايا بس بئا بنت كبيره كده قدى اسمها هبه وكانت شيك اووووى واموره وكمان وانا عندى عمتى لقيت جوز عمتى هو متوفى برده لقيته صاحى وقال ايه هو كان ادفن وهو مش ميت فسلمت عليه وقلتله حمد لله ع السلامه طمنينى الله يخليكى </TD></TR></TABLE>

الحلم رقم 4
انا حلمت امبارح انى مخلفة بنت نونة صغيرة بس انا كنت تعبانة وباطنى بتوجعنى زى ما اكون تعبانة من ولادة او هولد حاجة زى كده
وبعدين انا اتفاجئت ان فيه بنات اصحابى خمسة جايين يباركولى وجايبين لى فلوس انا بحسب انهم 50 ج بس طلعوا 200 ج فقلت الحمد لله انا كنت مفكرة ان كل واحدة جايباه لى 10 ج
الاحداث كلها كانت فى المكتب اللى انا بشتغل فيه مش في بيتنا

ملحوظة انا لسه متخطبتش بعد ما فسخت المرة الاوانية وكان جايلى عريس لكن محصلش نصيب علشان امى اعترضت على شغلى وقالت انى بشتغ فى عيادة والمعلومة دى غلط انا ما بشتغلش فى عيادة انا بشتغل فى شركة لكن صاحب الشركة عنده عيادة فالظاهر انهم فهموا غلط بس الصراحة انا حاسة ان امه هي اللى بوظت الحكاية والله أعلم

انا متشكرة لكى يا ماما نجية وعلى مجهودك معايا

الحـــــــــــــــــــــــــــــلــــــــــــــــــم الســــــــــــــــــــــــــــــــــادس


ه و معايا و ولد

حلمت انه عائلتي دخلوا بيت للايجار وبيت لكن مافيه
اثاث وكبير ، وقلت لهم يشبه بيتنا القديم وانا فتحت الباب والولد الصغير مر بين
الشارع ويركض وانا خائفة ان تدعمه السيارات ولد خالي هرب بعيدا ومسكته هي
.ثم راينا البيت ويوجد مثل سرير وعليه ستارة ليس به باب وقالت خالتي نحن لن نصبغه
لكنها مصبوغة الغرف وراينا البيت كبير وجميل والغرف واسعة والمطبخ جميل وفي غرف
فتحت الباب ضيقة لدرجة لا يمكنني الدخول والعائلة متجمعة وبنت خالتي تقول لي سوف
اضربك وانا قلت لها انا سوف اضربك بالنعال على راسك وخالتي عصبت ليست ابنتها
الاخرى وقالت لي اذهبي فذهبت للغرفة المجاورة وانسدحت على السرير وارى اهلي رجولهم
مكشوفة ويعملون مساج وكريمات للساق . فانا نمت على السرير ورايت امراة فلبينية
تقول لي تريدين اعملك مساج وعملتلي لساق واحدة وقلت لها كم سعره قلتلها 100 قالت
نعم. لكنها قبل ان اعطيها نقودي ذهبت.

فتاة عمري 21 متوسطة الالتزام عزباء

]size=18]الحلم رقم 12

صباح الخير يا ماما نجية اخبارك ايه عاملة ايه ، معلش يا ماما رجعت ادوشك باحلامي تاني ، بصي يا ماما انا حلمت 3 احلام اغرب من بعض في ليلة واحدة هما صغيرين

الحلم الاول :

حلمت ان الدنيا بتمطر برهه ومع المطر نور خفيف ورمل خفيف وانا في الحلمم نايمة على سرير في وش الشباط وشايفة كل ده والشباك مقفول والستاير مقفولة بس نا شايفة بره في ايه .

الحلم ده الساعة 10 الصبح صحيت منه .

الحلم الثاني :

حلمت ان انا واقفة مع اصحاب ليا واحدة صحبتي اسمها منى وواحدة تانية وزي ما نكون في حفلة او بنستعد لحفلة ، منى دي لابسة فستان موف وصحبتنا التالتة لابسة فستان اسود او كحلي وانا لابسة فستان لونة كموني غامق اللي مقرب على الذهبي بس فستاني انا طبقتين ، الطبقة الاولى ستان والتانية فوق الستان تل او دانتيل مخرم مطرز تطريز خفيف جميل اوي ، لكن هما فساتينهم ستان بس ، وكاننا واقفين في مكان متقسم زي غرف صغيرة نجهز نفسنا فيها نضبط مكياجنا حاجة زي كده ، هما مع بعض وانا لوحدي ، بس باخدرايهم وبيخدوا رايي وبعدين خلصت توضيب وببص على يميني لقيت كرسي خشب عالي شوية رحت قعدت عليه وحطيت رجل على رجل وانا حاطة رجل على رجل لقيت حتة من التل ختتكسر رحت عدلاها بسرعة عشان الفستان يفضل سليم ساعتها بس اكتشفت ان فستاني طبقتين مش طبقة واحدة زيهم وقمت من النوم على كده .

(منى دي متزوجة ومعاها ولدين وعايشة خارج مصر ، الشخصية التالتة معرفعاش ومش فاكرها خالص ) الحلم ده الساعة 3 الفجر



الحلم الثالث:

حلمت ان الانسان اللي عايز يرتبط بيا واقفين انا وهو في مكان تحت الانشاء لسه بيتبني ، وهو واقف في مكان ظلمه شوية بس انا شايفة شكله بس وشه مش اوي ، بس هو وبقوله في الحلم هو انت بتبني المبنى ده ، زعقلي وقالي اه عايزة ايه ، قلتله مش عارفة بس في رسالة اوصلهالك قالي ايه خلي المبنى على حرف L ، او مربع لكن متخليهوش مدور او مثلث . قالي يعني ايه ؟ قلتله معرفش دا اللي جاني في المنام ووبلغهولك

وبعدن هات السلم في النص بلاش تخليه في الاخر قالي ليه ، قلتله كده يا ماما بالضبط لان النص هو نقطة ارتكاز مهمة ومركز للطاقة الكونية هيكون احسن ، سكت ومردش عليا . لكن فجاة ظهر شيخ كبير لابس ابيض وبس حاجة زي الطرحة على دماغه وبيقولا يا فلان اسمع كلامها كلامها كله صح وبيبصلي وبيضحك اوي ومبسوط بكلامي ، فلان لسه هيعترض قال تاني يا فلان هي محقة في كلامها كلامها صحيح اسمع كلامها احسن . انا فرحت انوا وقف معايا الراجل ده وقمت من النوم على كده . الحلم ده على الساعة 3 ونص كده تقريبا الفجر .

انا انسة 32 سنة حالتي النفسية قلقانة جدا ، حالتي الدينية متوسطة قبل ما انام كنت مسبحة كتير وقريت اذكار واوراد ونمت الكلام ده من الساعة 11 ونص بليل ل 3ونص الفجر .

طمنيني اللهيكرمك دا معناه ايه خاصة وان انا والشخص ده حصلت بينا مشادة جامدة وقبل ما انام كنت معيطة بسببها . [/size]

حلم رقم 14



ماما حضرتك فسرتيلى الحلم ده أمبارح وكان عندى استفسار لأن تفسير حضرتك قلقنى ده حلمى وتفسير حضرتك:

الحلم الأول السلام عليكم ورحمة الله وبركاته ماما أنا حلمت إننا فى بيتنا القديم وناس جاية تسلم علينا علشان احنا كلنا مسافرين الغريبة إننا مسافرين العراق عل حسب الحلم كلنا أنا وماما وبابا واخوانى الصبيان التلاتة لأنه يعنى ما جاش فى الحلم إنى أنا بس او انا وماما وبابا مفيش تمييز يعنى كلنا وبعدين لقيت ابن عمتى جاى يسلم علينا ومش فاكرةمعاه مراته وأولاده ولا لأ وبيقولى ياه العراق قولتلوا قول لخالك تقريبا قلتلته كده أو قولتله ده رأى بابا وبعدين فجأة الحلم اتحول لبيت جدتى وكانت فيه أغانى وأنا كنت قاعدة على باب غرفة من غرف بيت جدتى وكان جمبى بنتين و يمكن بنات كتيرة بس انا فاكرة البنتين دول ليه بقى لأن أخوالى أنا لى 4 بس 2 منهمكانوا واقفين على باب غرفة مقابل للباب اللى كنت قاعدة عليه وواحد قال لبنت قومى ياله ارقصى البنتين دول واحدة ممكن تقولى فى الصف الخامس الإبتدائى أو الأول الإعدادى والتانية تقولى كده مش دخلت المدرسة او أولى ابتدائى أو تانية فى الحدود دى يعنى المهم جه خالى بيقول للبنت الكبيرة قومى ياله ارقصى وخالى التانى قال دى ترقص دى طالعة لابوها دى هى اللى ترقص أو قال مروة هيه اللى ترقص اقصدق قصده على البنت الصغيرة وبعدين البنتين مش رقصوا وفيه واحدة كبيرة بداخل الغرفة هيه اللى رقصت وجه راجل وبص عليها كانت واقفة فى ركن مدارية بجوار مرات خال من أخوالى الى كانوا بيتكلموا ولما شافت الاجل ده وقفت ومرات خالى ضحكت بكسوف واستغراب وأنا كانت فيه واحدة بتكلمنى هيه اكبر منى بكام سنة وبتنضف عند عمتى ومش فاكرة كنت بقولها اخبارك ايه واخبار شغلك ايه مش فاكرة المهم لسه بتكلمنى فى ورقة هيه عيزاها وهتكون عن طريقى إنى أمضيها لها أو أساعدها فيه تقريبا ولقيت واحد جه وبيسألنى مش فاكرة قالى ايه وبقولها كملى يا عمالة افتكر فى اسمها مش فكراه وهيه مش فاكرة قالته لى ولا لأ بس حتى لما صحيت قعدت افكر فى اسمها مش افتكرته الا بعد فترة وانا كنت بقولها كملى يا علشان هيه مشطلبت منى انى اخدمها كده صراحة كانت لسه بتكمنى فى اللى هيه عيزاه بس أنا فهمت انها عايزة الخدمة دى منى أنا وانتهى الحلم على كده الحقيقة يا ماما نجية أنا عايزة أسأل حضرتك سؤال كده محيرنى عن الأحلام معناها ايه لما احلامى معظمها بتحصل فى بيت جدتى وبيتنا القديم ومعظمها بتكون مرتبطة بأفراح حتى زميلاتى بيحلموا لى مرة واحدة حلمت بزواجى فى بيت جدتى والتانية حلمت بخطوبتى عند بيتنا القديم غير احلامى انا ليه مش بيتنا الجديد يمكن لأنى كنت بحب القديم لأنى قضيت فيه 20 سنة وكنت بحس فيه بالحياة لأنى بيتنا الجديد تحسى إنك منعزلة عن الناس فى منطقة هاددية هدوء لا يطاق عايزة اعرف معناها ايه بقى ده معناها ايه تكرار الحلم فى نفس المكان ويمكن عن نفس الشىء عن الافراح بأشكال مختلفة ويمكنحاجات برده غير الأفراح بس قليل جدا لما بحلم بحاجة فى بيتنا الجديد ايه السبب مع العلم إنى خلاص نسيت بيتنا القديم يعنى مش كل يوم بفكر فيه ساعات وانا معدية عليه ببص وبحن ليه

حبيبتى انت بتحلمين ببيت القديم نسبة الى ارتباطك وحبك له ولكن ان شاء الله هذه الرؤيا توضح بان فيه عريس جديد سوف ياتيك من معرفة قديمة ممكن من معارفكم القدامى او جيرانكم القدام المهم ان شاء الله ربنا هيرزقك بدنيا جميلة وجديدة ورزق كبير وخطوبة وجواز ولكن بعد حوازك هتسافرى بالد بعيدة شوية وفيه حبة قلق هيحصلوا وفيه حبة نفاق ولكن ان شاء الله هتعدى على خير وربنا هيتم لك فرحتك

أنا عند 3 أسئلة بعد إذنك

1- البلد دى حضرتك قولتى بعيدة شوية يعنى دولة تانية ولا محافظة تانية

2- مين اللى هيكون قلقان ومنافق لأن حضرتك قولتى هيكون فيها قلق ونفاق يا ترى مين أنا واللى العريس ولا الأهل ولا مين بالظبط ولا كلنا لأنى ده جواز وإما يكون فيه نفاق يبقى حاجة وحشة وتقلقنى

3- ممكن أعرف ايه سبب القلق والنفاق ده

الله يكرمك ردى عليه بصراحة ووضوح وأنا مش هزعل بس فهمينى بس وجاوبينى وجزاكى الله خير

أتمنى إن الإدارة مش تحذف استفسارى عن الحلم لأنى محتاجة اعرف الإجابة فعلا لو فيه مكان مخصص لللإستفسار أنا مستعدة أنقله فيه لكن رجاء عدمالحذف وجزاكم الله خيرا

السلام عليكم ياماما نجيه انا لسه ضيفه جديده عليكوا ويارب اكون خفيفه انا كنت عايزه احكيلك على حلم انا حلمت انى قاعده مع حماتى واخوات جوزى البنات فى اوضة نون حماتى وبقولها ماما انا حلقى ضاع لقيتها بتقولى ده مش حلقك لاحلق ده يعنى حملك قولتلها ليه كده ياماما قالتلى ده الحمل بتاعك وانا بكلمها لقيته ف الارض قولتلها الحقى ياماما انا لقيته هو والبريمه بتاعته كمان انا كنت مش عارفه هلاقيه فين وبعدين مسكته لاقيته فى حتى كده هتنكسر قولت مش مشكله انا عارفه الراجل اللى بيصلحه هبقى اروحله المهم انى لاقيته هو والبريمه وبس معلشى دوشت حضرتك