السلام عليكم ورحمة الله وبركاته
ازيك يا ماما نجيه اخبارك ايه ، معلش انا بقالي فترة متغيبة عشان جدتي توفت ، بصي يا ماما انا امبارح الجمعة حلمت حلم غريب حلمت ان انا معايا 3 تليفونات 2 موبايل و1 ارضي
التليفونات المحمولةة واحد ابيض في موف والتني احمر في اسود ودول في الحقيقة تليفوني الاحمر والتاني تليفون اختي ، وان انا بكلم واحدة اسمها منال بسالها على حاجة ومنال دي في الحقيقة جبتلي كذا عريس ورا بعض بس مفيش اي موضوع تم ، المهم بكلمها بصوت واطي ومش عايزة حد يعرف اني بكلمها ، المهم دخلت اوضتي ولقيت اخواتي قاعدين مضايقين من كلامي في التليفون كتير فانا زعقت وقلتلهم انا بتكلم في الموبايل مش في التليفون الارضي وانا بكلم منال دي اول ما قفلت معاها التليفون الموف في ابيض قفل فصل شحن او عطل المهم مشتغلش تاني ، وبعدين دورت على التليفون الارضي وببص على السرير لقيت تليفونين لونهم احمر شبه بعض بالضبط لقيت نفسي بقول ايه ده التليفون ده زي بتاعي بالضبط جه منين ومسكت التليفونين بايدي وانا مستغربة جدا انهم زي بعض .
انا انسة 32 سنة غي متزوجة مقدمة في شغل ولغاية دلوقتي سكته مقفولة
، كان في اكتر من عريس وكلهم فشلوا فشل ذريع مضايقة وخايفة اعيش واموت لوحدي حالتي النفسية وحشة جدا جدا ، حالتي الدينية متوسطة طمنيني الله يكرمك
