السلام عليكم ورحمة الله وبركاته
انا حلمت انى بكلم بنت عمتى الصغيره فى التليفون وقالتلى انها قالت لبابا انى بكلم احمد قريبى وقالتله كلام عليا فقالتلى انها قالتله كده عشان مصلحتى وانها خايفه عليا فانا قعدت ازعقلها وقلتلها انا مش مسمحاكى دنيا واخره وبعدين شفت انى فى بيتنا القديم انا وماما ونضفناه ورتبناه وبعدين خرجت الشارع انا وبنت خالتى ورحت عند بيت عمتى الله يرحمها وقعدت على سلم البيت اللى اودامه وبنت عمتى الكبيره لقيتها فى البلكونه ولابسه خمار ابيض(هى مش مختمره وهى مخطوبه)لقيتها بتقولنا اطلعوا قلتلها لاء انا بيتكم ده مش هدخله تانى بعد اللى اختك عملته وانا مش مسمحاها دنيا واخره وماما نجيه كانت مفسرالى انها هيطلع منها حبة كلام وحلمين تانين كانت قالتلى ان ناس اندال هيتكلموا عليا وانا قلت لماما انى كل اصحابى خلاص اتجوزوا وبعدوا ومعدش ليا علاقات غير بقرايبى معقول قرايبى اللى يتكلموا عليا وقلتلتلها بس عمرى ما جه فى بالى ان اللى يتكلم عليا حد من البيت ده ومش بنت عمتى بس لاء دى كمان تبقى اختى فى الرضاعه انا مش هدخل البيت ده تانى ومش مسمحاها دنيا واخره وقعدت اقول كده وازعق لغاية ما لقيت صوتى راح وبنت خالتى كانت طلعت هى عندهم بعدها لقيت فى ستات لابسين اسود وقعدين عندهم على السلم وزي ما يكون فى عزا وبعدين مشيت ورحت عند بيتنا القديم هو فى نفس الشارع بتاعهم ووانا داخله بقول لنفسى احمد قريبى زمانه جاي دلوقتى هو وخالى علاء عشان يصالحه على ماما وبعدين كأن العيد جه ومش فاكره بقى الباقى
انا انسه كنت مرتبطه بقريبى بس هو مأخدش خطوه ايجابيه بس دلوقتى الوضع انا مش فاهماه ولا حتى عارفه انا لسه عوزاه ولا لاء بصراحه تعبت وزهقت ومبقتش حاجه فارقه معايا
وفيه فعلا مشاكل بين خالاتى وماما مع خالى
وللعلم كمان ماما مش مرحبه بموضوع ارتباطى انا واحمد
بالنسبه للكلام اللى قلتله لبنت عمتى على اختها فى الشارع وانى قلتلها ان حضرتك قلتيلى ان فيه هيبقى فيه حبة كلام من عند بنت عمتى ده فعلا حصل فى حلم قلتهولك وبرده كان فيه حلمين تانيين وحضرتك قلتيلى فى حلم ان فى عريس قريب وهسمع كلام يضايقنى وهعجز انى ارد وناس هتدافع عنى وهرفض العريس ده وحلم تانى قلتيلى ان ناس اندال هيتكلموا عليا وربنا هينجينى ويحفظنى من شرهم
طمنينى يا ماما ربنا يطمنك
