السلام عليكم
انا حلمت النهارده ان مديري كان بيكلمني في التليفون في شغل و طول في المكالمه شويه و بعدين الخط فصل فانا اتصلت بيه لقيت زوجته ردت عليا وقالتلي لو سمحتي النهارده الخميس وانا عاوزه
اقعد مع جوزي شويه فانا صعبت عليا نفسي لاني مش انا اللي اتصلت بيه
وبعدين لقيت نفسي في اوضتي بس كأنها في بيت مديري و كان قاعد علي طرف السرير وانا قاعده جنبه و معاه ورق فيه كاني بقول اني معجبه بواحد و الكلام دا بعد ما انا كاتبه كلمات رنه موبيله
فبصلي وقالي الكلام دا لمين و كدا و انا حاولت اتهرب و بعدين قالي بصي انا عاوز اطلب منك حاجه فقلتله خير
قالي انا عاوزك تنزلي مع مراتي تشتري معاها لبس نفس الاستيل بتاعك و تعلميها تتكلم زيك
وبعدين مراته دخلت فانا قولت في نفسي مراته مش حلو اوي يعني (هيا المفروض قدي في السن)
فهيا دخلت وقعدت و كانت عارفه ان هوه بيقول انه عاوزها تخرج معايا عشان اشتري لها هدوم نفس الاستيل بتاعي
ووراها بنتين قرايبها
و كانوا فرحانين بيا و قالولها اخرجي معاها
فقالتلي اوك هنخرج الساعه 8 ولا 8 و نص قولتلها لا ماينفعش كدا متأخر الوقت اللي بتقولي عليه دا لو انتي نازله علي حاجه معينه تشتريها
فخلينا ننزل علي 6 ونص 7 كدا عشان نلحق نلف وممكن اوي نلاقي اللي احنا عاوزينه من اول مخل بس عشان الوقت مايسرقناش
فقالتلي اوك بس ماكنتش طيقاني خالص
المهم شوفت بعدها اني مع مديري بيشتري عربيه جديد و كانت حلوه اوي كبيره و لونها دهبي و ركبتها معاه بس انا كل دا مدايقه من اني اكون بفرق بينه و بين مراته
بس انا في الحلم كنت معجبه بيه
فقالي انتي بقالك كام يوم مزاجك حلو و منطلقه من ساعه موضوع اللي كان متقدملك دا باظ فقلت الحمد لله لاني كنت هاخد مقلب فيه
فقعدت جنبه في العربيه بس الكرسي ماكنش متظبط فضغطت علي ايد كدا بتظبط الكرسي ... فالكرسي اتقلب علي ظهره و بعدين مديري جه يظبطه فكان حاضن الكرسي و انا جواه مش عارفه فهماني ولا لا
فالمهم بعد ماعدل الكرسي كان لسه حاضن الكرسي و باسني علي خدي فانا زعقت وقولتله ليه بتعمل كدا وكلام من دا وخلص الحلم علي كدا
انا انسه و عندي 24 سنه
بس انا في الحقيقه تعاملي مع مديري عادي جدا و بعتبره زي اخويا الكبير
