السلام عليكم
انا حلمت اني انا ومديري في مكان زي مستشفي كبير اوي و كان المستشفي دا فيه شهداء ليبيين و هوه المفروض مديري دكتور واحنا كنا جايين نساعدهم
ففضل يشيل في جثث الشهداء وينقللهم و انا كنت زعلانه اوي عشان الشهداء دول
لحد ما انا وهوه كنا ماشيين في المستشفي لقينا اتنين ليبيين كدا فبيقولهم مش معقول انا جاي عشان اساعد الناس في اسعافهم اقوم اشيل الجثث دي كلها
فين العمال و كان معاه منديلين مسح بيهم دم كان علي ايديه من مطرح مكان شايل الشهداء و لما المنديلين اتبلوا كلهم
كان معايا منديل فروحت اسمح الدم الباقي من علي ايده بالمنديل اللي معايا و بعدين بقيت لوحدي قعدت امشي في المستشفي
لحد ما لقيت حفره كبيره كنت هقع فيها بس ربنا ستر و بعدين مشيت الناحيه التانيه و لقيت حفره برده في المبني و المرادي كنت هقع و كنت متعلقه في حافه الحفره بس ماوقعتش وطلعت منها
و بعدين لقيت نفسي من بنت عمتي شيماء هيا متجوزه و مخلفه و كأننا مسافرين و كنا في سوبر ماركت بنشتري حاجات عشان هنروح نركب الاتوبيس وبعد ماطلعنا من السوبر ماركت افتكرت اني نسيت حاجات فقلت هدخل لوحدي اشتريها
و بعدها لقيت اني في عياده عند دكتور حساسيه صدر وكان معايا ماما و كان عندي برد والتهاب جامد في صدري من اول زوري و كونت حساه كأنه في الحقيقه و كان صدري بيوجعني فعلا
المهم دخلت اكشف و معرفش ليه قلعت الحذاء بتاعي و انا خارجه مالقيتوش لقيت فرده واحده بس
فدخلت تاني ادور لقيت احذيه كتير اوي وكان فيه احذيه بيضاء شكل بعضها كتير اوي و قعدت ادور لحد ما لقيت الفرده التانيه من الحذاء و فرحت اني لقيتها و اخدتها وخرجت انا وماما
وخلص الحلم علي كدا
انا عندي 24 سنه
و الحمد لله الي حد ما ملتزمه وبحاول احسن من نفسي مع ربنا
و مش مخطوبه
الحلم دا حلمته و انا كنت نايمه قاريه قران و مشغله قران كمان
